FC Vushtrria

E nderuara familje Bunjaku,

Ka lajme që të lënë pa fjalë dhe që sjellin dhimbje të madhe. Ndarja e hershme dhe tragjike nga jeta e Fatjon Bunjakut na ka prekur thellë të gjithëve.

FC Vushtrria, tifozeria dhe gjithë qyteti ynë shprehin ngushëllimet më të sinqerta familjes Bunjaku, miqve dhe të gjithë atyre që e njohën dhe e deshën Fatjonin.

Sot futbolli ka humbur një djalosh me talent, ëndrra dhe të ardhme të madhe, ndërsa familja e tij ka humbur më të dashurin e saj. Kujtimi për Fatjonin do të mbetet gjithmonë i gjallë në zemrat e të gjithë atyre që patën fatin ta njohin.

Ndajmë dhimbjen me familjen Bunjaku në këto çaste të rënda.

U prehtë në paqe. Qoftë i përhershëm kujtimi për Fatjonin.

Me respekt,

FC Vushtrria

FC Vushtrria është pritur sot nga kryetari i komunës, Ferit Idrizi dhe nënkryetari Shpëtim Zhegrova, pas një sezoni historik që u kurorëzua me rikthimin në Superligën e Kosovës dhe triumfin në Kupë.

Në këtë takim, përfaqësuesit komunalë shprehën vlerësimin maksimal për futbollistët, shtabin teknik dhe bordin e klubit, duke theksuar se sukseset e arritura kanë rikthyer krenarinë dhe atmosferën sportive në qytetin e Vushtrrisë.

Pjesë e pritjes ishin edhe tifozët e zjarrtë të klubit, Forca, të cilët gjatë gjithë sezonit kanë qëndruar pranë ekipit dhe kanë dhënë mbështetje të pandalshme në çdo ndeshje.

Historia u shkrua!

Pas gjashtë vitesh pritje, sakrifice dhe besimi të palëkundur, klubi ynë rikthehet aty ku e ka vendin — në elitën e futbollit kosovar!

Ky rrugëtim nuk ishte aspak i lehtë. Kishte sfida, pengesa dhe momente të vështira, por asnjëherë nuk u dorëzuam. Me përkushtimin maksimal të futbollistëve tanë, punën e palodhshme të stafit teknik në krye me Armendin, përkrahjen e jashtëzakonshme të tifozërisë më të mirë në botë — “Forca”, si dhe angazhimin e madh të bordit të klubit, u arrit ajo që për gjashtë vite ishte ëndërr dhe objektiv i përbashkët.

Sot jemi këtu sepse e merituam.

Ky sukses është i secilit që besoi, që qëndroi pranë klubit edhe në ditët më të vështira, i secilit qytetar të Vushtrrisë që jeton me futbollin dhe me ngjyrat e klubit tonë.

Një objektiv u realizua, por rruga jonë nuk ndalet këtu. Para nesh kemi synime të reja dhe do të luftojmë me të njëjtin pasion, krenari dhe zemër.

Urime Vushtrri!
Bashkë drejt sukseseve të radhës!

KF Vëllaznimi 🆚️ FC Vushtrria 1 - 3

Golashënues
Urim Statovci x2
Erjon Krasniqi

📸 Enis Neziri

EM30

Sonte nuk është vetëm festë — sonte është histori!

I gjithë qyteti mblidhet në arenën tonë “Ferki Aliu” për t’i pritur kampionët tanë, krenarinë e secilit prej nesh!

Ora 20:00 — të gjithë në stadium!

Le të jehojë qyteti, le të ndizet atmosfera, sepse sonte festojnë zemrat që besuan deri në fund!

JEMI KAMPION!
E sonte i presim kampionët ashtu siç e meritojnë — me dashni, me krenari dhe me zë që nuk ndalet!

Ferki Aliu na pret!