029 SPORT

KF Studençani krah veteranëve të UÇK-së – Bashkimi që na bën më të fortë!

KF Studençani dëshmoi edhe një herë se sporti dhe vlerat kombëtare ecin gjithmonë krah për krah.
Të dielën, më 05.07.2026, në orën 19:00, klubi pati nderin të mirëpresë komandantin e Kompanisë së Parë, Batalionit të Parë, Brigadës 123 të Zonës Operative të Pashtrikut
Agron Tafaj, së bashku me stafin dhe kryesinë e kompanisë.
Në këtë takim u përcoll një mesazh i fuqishëm uniteti, respekti dhe mirënjohjeje për veteranët e luftës, të cilët dikur mbrojtën atdheun me armë në dorë, ndërsa sot vazhdojnë të japin kontribut të çmuar në jetën shoqërore dhe sportive.
Për KF Studençani është krenari që pjesë e klubit janë edhe veteranë të UÇK-së, njerëz që mishërojnë sakrificën, dinjitetin dhe përkushtimin. Kjo vizitë ishte një dëshmi se fryma e bashkimit dhe e luftës çlirimtare vazhdon të jetojë edhe sot.

Një moment i veçantë i kësaj vizite ishte dhurimi i fanellës zyrtare të KF Studençani me numrin 77, një numër që simbolizon vitin e themelimit të klubit, 1977.
Ky gjest përfaqëson respektin, mirënjohjen dhe lidhjen e fortë mes klubit dhe veteranëve, duke bashkuar historinë e sportit me vlerat e sakrificës dhe atdhedashurisë.

Bashkë në luftë, bashkë në paqe – të bashkuar për të ardhmen!

Lavdi dëshmorëve të kombit! Nderim dhe mirënjohje për të gjithë veteranët e UÇK-së!

Tri super derbi për ta mbyllur Gjiron e Tretë! 🔥

Sonte zhvillohen tri ndeshjet e fundit të Gjiros së Tretë në kuadër të Turnirit Tradicional të Futbollit të Vogël “Dëshmorët dhe Martirët e Fortesës”. Tri përballje që premtojnë ritëm, rivalitet dhe emocione deri në sekondën e fundit.

📍 Fortesë, Rahovec
🕣 Ndeshja e parë fillon në 20:30.

Ju mirëpresim të jeni pjesë e atmosferës sportive dhe ta përmbyllim së bashku një tjetër mbrëmje spektakolare të turnirit!