Federata e Kickbox-it të Kosovës | Faqja zyrtare
Kickboxing Federation of Kosova | Official Page
President
Fatmir Makolli
•KUPA SHTËTËRORE E KOSOVËS - KICKBOX 2026•
-26 Korrik, Prishtinë
08/07/2026
🏆 KUPA SHTETËRORE E KOSOVËS – KICKBOX 2026 🇽🇰
•Federata e Kick Box-it e Kosovës ka kënaqësinë të ftojë të gjitha klubet anëtare të marrin pjesë në Kupën Shtetërore të Kosovës – Kickbox 2026, e cila do të zhvillohet:
📅 26 Korrik 2026
📍 Pallati i Rinisë dhe Sporteve – Prishtinë
💢Disiplinat:
• Low Kick
• K1-Rule
👥 Kategoritë e moshave:
• YJ – Juniorë më të rinj: të lindur në vitet 2010–2011
• OJ – Juniorë më të vjetër: të lindur në vitet 2008–2009
• Senior: të lindur në vitin 2007 dhe më herët
⚠️ Rregull i rëndësishëm:
Juniorët e lindur në vitin 2008 lejohen të garojnë edhe në kategoritë e Seniorëve, vetëm nëse në ditën e regjistrimit zyrtar në vendin e garës kanë mbushur moshën 18 vjeç.
📝 Afatet dhe orari:
📌 Data e fundit për paraqitjen e garuesve: 18.07.2026
⚖️ Matja zyrtare e garuesve: 25.07.2026, ora 12:00
📍 Salla “Imperium” – Prishtinë
🤝 Organizator Teknik: Klubi Kickbox Prishtina
Ju mirëpresim në një nga garat më të rëndësishme të kalendarit të Federatës së Kick Box-it të Kosovës, ku sportistët do të kenë mundësinë të tregojnë nivelin, përkushtimin dhe shpirtin e garues.
Ju dëshirojmë suksese të gjithë garuesve dhe klubeve pjesëmarrëse! 🇽🇰
•Seminar i nivelit të lartë në Kickbox, organizuar nga Federata e Kickbox-it e Kosovës në bashkëpunim me Fight Club Arbër.
-Nën udhëheqjen e trajnerit të mirënjohur Valon Basha, një emër i respektuar në arenën ndërkombëtare të kickbox-it, sportistët dhe trajnerët patën mundësinë të përfitojnë njohuri të vlefshme nga përvoja e tij shumëvjeçare.
-Gjatë seminarit u trajtuan tema me rëndësi të veçantë për zhvillimin e një sportisti elitar, duke përfshirë:
✅ Teknikat moderne të sulmit dhe mbrojtjes.
✅ Këshilla profesionale për përgatitjen tekniko-taktike.
✅ Rëndësia e ushqimit dhe regjimit të shëndetshëm.
✅ Roli kyç i gjumit dhe rikuperimit në performancën sportive.
✅ Disiplina, sakrifica, përkushtimi dhe mentaliteti fitues që nevojiten për të arritur medaljen e artë në arenën botërore.
✅ Motivimi për të mos u dorëzuar kurrë dhe për të punuar çdo ditë drejt objektivave më të mëdha.
-Në seminar ishte i pranishëm edhe Kryetari i Federatës së Kickbox-it të Kosovës, z. Fatmir Makolli, i cili falënderoi Migjen Shalën, trajner i Fight Club Arbër, për organizimin e shkëlqyer dhe për kontributin e vazhdueshëm në zhvillimin e sportit të kickbox-it në Kosovë.
-Një falënderim i veçantë iu drejtua edhe Valon Bashës për ndarjen e përvojës dhe profesionalizmit të tij. Kryetari Makolli shprehu gatishmërinë e plotë të Federatës për të thelluar bashkëpunimin me Valon Bashën, si dhe me të gjithë trajnerët shqiptarë anembanë botës, me synimin e shkëmbimit të përvojave dhe ngritjes së mëtejshme të cilësisë së kickbox-it shqiptar.
🤝 Së bashku ndërtojmë kampionët e së nesërmes! 🇽🇰🥊
27/05/2026
Me Fat Kurban Bajrami të gjithë besimtarëve muslimanë!
Me rastin e Festës së Kurban Bajramit, patëm kënaqësinë të zhvillojmë një vizitë urimi në Bashkësinë Islame të Kosovës, ku uruam festën Myftiut Naim Tërnava dhe përfaqësuesve të tjerë të institucionit.
Urojmë që kjo festë e shenjtë të sjellë paqe, harmoni, shëndet dhe begati në çdo familje.
Me Respekt , Kryetari
Fatmir Makolli.
22/05/2026
•Sot, U.D. Presidentja e Republikës së Kosovës, Albulena Haxhiu, priti në takim Federatën e Kick Box-it të Kosovës, ku në shenjë vlerësimi institucional për sukseset e arritura në Turkish WAKO World Cup, ndau mirënjohje për kryetarin Fatmir Makolli, selektorët Ilir Menxhiqi dhe Nesret Salihaj për punën dhe përkushtimin e tyre me sportistët tanë.
U vlerësuan gjithashtu sportistët Art Dulaj me medalje të artë, si dhe Artor dhe Nart Mehmeti me medalje të bronzta, bashkë me sportistët tjerë që përfaqësuan Kosovën me dinjitet në këtë garë ndërkombëtare.
Mirënjohje edhe për referin Albin Musa për përfaqësimin profesional të Kosovës në arenën ndërkombëtare.
Falënderojmë institucionet për mbështetjen dhe vlerësimin ndaj sportit tonë. Këto suksese janë motiv për të vazhduar edhe më fuqishëm drejt rezultateve të reja për Kosovën.
22/05/2026
Haxhiu pret në takim Ekipin e Kikboxit të Kosovës Ushtruesja e detyrës së presidentes së vendit, Albulena Haxhiu, ka pritu në takimn Ekipin e Kikboxit të Kosovës, raporton Ekonomia Online. Takimi mes saj dhe ekipit të Kikboxit është mbajtur në presidencë.
19/05/2026
17/05/2026
🥇🥉🥉🇽🇰
•Përfaqësuesja e Kosovës në Kick Box pati paraqitje të suksesshme në Turkish WAKO World Cup, një nga garat më të mëdha ndërkombëtare me 2985 garues nga 45 shtete.
-Delegacioni u drejtua nga Kryetari Fatmir Makolli, së bashku me selektorët Nesret Salihaj (kadet/junior) dhe Ilir Menxhiqi (senior).
-Në kategorinë Full Contact, Art Dulaj fitoi medaljen e artë me tri fitore me nokaut, në Lowkick Artor Mehmeti dhe Nart Mehmeti siguruan medalje bronzi pas kualifikimit në gjysmëfinale me rezultat 3:0.
-Në aspektin e referimit, Albin Musa përfaqësoi Kosovën me profesionalizëm në panelin ndërkombëtar të gjyqtarëve.
-Federata e Kick Box-it e Kosovës vlerëson këto rezultate si dëshmi të punës dhe përkushtimit, si dhe një hap të rëndësishëm në afirmimin ndërkombëtar të sportit. Njëkohësisht falënderon trajnerët, klubet dhe familjarët për mbështetjen e vazhdueshme.
20/05/2026