FC Besa Peja

Mirë se na vjen, Ares Thaqi! 💛🖤

FC Besa Peja ka kënaqësinë të njoftojë arritjen e marrëveshjes me mbrojtësin Ares Thaqi, i cili nga sot është pjesë e familjes verdhezi.

Me përvojën e fituar në këtë ligë, Aresi vjen për të forcuar repartin defensiv të skuadrës. Luftarak, i disiplinuar dhe i sigurt, ai pritet të jetë një vlerë e shtuar për Besën në sezonin e ri.

Mirë se erdhe në Pejë, Ares! Të urojmë shumë suksese me fanellën verdhezi!

Besa përforcon portën! 💛🖤

FC Besa Peja ka kënaqësinë të njoftojë transferimin e portierit Jon Qorri, i cili i bashkohet skuadrës sonë si një përforcim i rëndësishëm për repartin e portës.

Qorri vjen me përvojë nga Feronikeli në Superligën e Kosovës, duke sjellë cilësi, profesionalizëm mes shtyllave të portes.

I urojmë Jonit mirëseardhje në familjen verdhezi dhe shumë suksese me fanellën e Besës! 💛🖤

Besa ka magjistarin e ri!

FC Besa Peja ka kënaqësinë të njoftojë marrëveshjen me mesfushorin Omer Shemshiu, i cili nga sot është pjesë e familjes verdhezi.

Shemshiu vjen me përvojë nga nivelet më të larta të futbollit, pasi ka mbrojtur ngjyrat e SC Gjilanit në Superligën e Kosovës dhe ka qenë pjesë e FK Kukësit në futbollin shqiptar.

Me teknikën, vizionin në lojë dhe karakterin luftarak në mesfushë, Omeri pritet të jetë një nga figurat e rëndësishme të skuadrës sonë në rrugëtimin e ri.

Mirë se erdhe në familjen verdhezi, Omer!
Së bashku për Bësen, qytetin dhe tifozët tanë!

Sulmi i Besës forcohet me Florent Dervishajn!

FC Besa e Pejës ka arritur marrëveshje me sulmuesin Florent Dervishaj, i cili do të jetë pjesë e skuadrës verdhezi në sezonin e ri.

Dervishaj është një sulmues i ri dhe me shumë perspektivë, i cili pas përvojës së tij në futbollin kroat me NK Jarun, vjen në Pejë për ta vazhduar zhvillimin dhe për të dhënë kontributin e tij në objektivat e klubit.

Pas nënshkrimit, Dervishaj u shpreh:

“Jam shumë i lumtur që i bashkohem Besës së Pejës. Projekti i klubit dhe ambiciet që ka më kanë bindur për këtë hap. Mezi po pres ta vesh fanellën verdhezi, ta përfaqësoj klubin dhe qytetin e Pejës para tifozëve. Do të j*p maksimumin në çdo ndeshje dhe shpresoj që së bashku të arrijmë gjëra të mëdha.”

Mirë se erdhe, Florent!

Gardiani i ri i Besës – Elmedin Tërholli!

FC Besa e Pejës ka kënaqësinë të njoftojë arritjen e marrëveshjes me portierin Elmedin Tërholli, reprezentues i Kosovës U-20, i cili nga sezoni i ri do të mbrojë ngjyrat verdhezi.

“Mezi po pres të fillojë sezoni, ta përfaqësoj këtë klub të madh dhe qytetin e Pejës, si dhe të takohem me tifozët. Projekti i klubit dhe ambiciet e Besës më kanë bindur të vij këtu. Jam i gatshëm të j*p maksimumin dhe besoj se së bashku do të arrijmë suksese.”

Mirë se erdhe, Elmedin! Të urojmë shumë suksese me fanellën e Besës!

...✍️

Një falënderim i sinqertë për Vokshi Impex, sponsor dhe mbështetës i çmuar i FC Besa Peja.

Mbështetja dhe besimi juaj i vazhdueshëm kanë vlerë të madhe për klubin tonë. Jemi të lumtur që kemi arritur marrëveshje për vazhdimin e bashkëpunimit edhe për sezonin 2026/2027.

Faleminderit që qëndroni pranë FC Besa Peja dhe që jeni pjesë e rrugëtimit tonë drejt synimeve dhe sukseseve të reja.

Një falënderim i veçantë për Ndertimari Beton, partner dhe mbështetës i rëndësishëm i FC Besa Peja.

Besimi dhe përkrahja juaj janë një forcë shtesë në rrugëtimin tonë. Me kënaqësi ju njoftojmë se bashkëpunimi ynë do të vazhdojë edhe për sezonin 2026/2027.

Faleminderit që vazhdoni të qëndroni pranë klubit tonë dhe të kontribuoni në rrugën drejt objektivave të reja.

Besa Peja dhe Sparissimo vazhdojn së bashku.

FALEMINDERIT SPARISSIMO WORLD

Një falënderim i veçantë për Sparissimo World dhe pronarin e saj, Bardhyl Salihaj, sponsor i artë i klubit tonë.

Mbështetja dhe besimi juaj kanë qenë me një rëndësi të veçantë në rrugëtimin tonë. Jemi krenarë që kemi arritur marrëveshje për vazhdimin e bashkëpunimit edhe për sezonin 2026/2027.

Faleminderit që vazhdoni të qëndroni pranë FC Besa Peja.

FALEMINDERIT ELKO

Me kënaqësi ju njoftojmë për vazhdimin e bashkëpunimit me ELKO edhe për sezonin 2026/2027.

Faleminderit për besimin e vazhdueshëm dhe mbështetjen ndaj klubit tonë. Jemi krenarë që do ta vazhdojmë këtë rrugëtim së bashku.