KB Peja

Edhe një Reprezentues i Kosovës Verdhë dhe Zi! 💛🖤

KB Peja ka kënaqësinë të njoftojë se Orges Shatri, është përforcimi më i ri i skuadrës sonë për edicionin 2026-27!

Basketbollisti 21-vjeçar, i gjatë 198 cm, luan në pozitën e shooting guard dhe konsiderohet një nga talentet më premtues të basketbollit kosovar. Ai ka qenë pjesë e grupmoshave të reja të Përfaqësueses së Kosovës, duke përfaqësuar vendin në garat e FIBA U16 dhe FIBA U20 EuroBasket Division B, duke pasur paraqitje mjaftë të mira si ato kundër;
Suedisë(20 pikë), Turqisë(11 pikë), Moldavisë(10 pikë), Irlandës(9 pikë).

Orgesi, është rritur si lojtar te KB Istogu tek trajneri Fikret Shatri dhe në edicionin 2023-24, më Istogun në superligë ka pasur hapesirë dhe ka treguar ndeshje të mira, duke dëshmuar që është talent i madh. Ai ka qenë pjesë edhe një ekipi tjetër, në kohën e trajnerëve Murat Bilge dhe Paco Olmos, të cilët poashtu e kanë vlerësuar talentin e tij.

Pas një sezoni të shkëlqyer në 2025-26 me KB Istogun në Ligën e Parë, ku regjistroi mesatarisht 17.8 pikë për ndeshje, por edhe paraqitjeve të tij shumë të mira më Kosovën-U20, Orges Shatri vjen te KB Peja i gatshëm për hapin e radhës në karrierën e tij.

KB Peja, krahas 4 përforcimeve të huaja dhe 5 të atyre vendore të nënshkruara këtë edicion, bordi i ri i klubit kanë vendosur që 3 vende në ekip të blindohen për lojtarët e rinjë si; Orgesi, Diari, Eloni të tre këta që vlerësohen si talentët më të mëdhenjë të basketbollit tonë dhe bashkë më trajnerin Kakiouzis, do t’i shtyjmë përpara, duke treguar se kur ka vullnet të klubit mund të përkrahen edhe të rinjët dhe pikërisht kjo është edhe ideja jonë.

Sepse realisht pa të ardhmen nuk ka as të tashme. Pikërisht për këtë arsye, investimi në gjeneratat e reja është një domosdoshmëri, veçanërisht në një kohë kur të gjithë jemi dëshmitarë se basketbolli ynë po përballet me mungesë të lojtarëve cilësorë vendorë.

Vetëm duke u besuar dhe duke u krijuar hapësirë talentëve të ri mund ta forcojmë basketbollin tonë dhe ta ndërtojmë të ardhmen edhe të klubit tonë por edhe të Reprezentacionit të Kosovës.

Mirë se vjen Orges! 🦅

NJOFTIM:

Shorti për fazën kualifikuese të FIBA Europe Cup do të mbahet me 16 korrik, e martë, në Mynih - ku KB Peja do të zbuloj kundërshtarin me të cilin do të ballafaqohet për një vend në grupet e Europe Cup për edicionin 2026/27.

Kundërshtarët e mundshëm të KB Peja në këtë fazë janë:

🇦🇿 Neftchi IK
🇭🇷 KK Samobor
🇷🇴 Dinamo Bucharest

Ndeshjet zhvillohen me sistemin vajtje ardhje dhe kosh-diferenca totale e dy takimeve do të vendos skuadrën që kualifikohet tutje.

Varësisht nga kualifikimet e Champions League, me shumë mundësi edhe një nga ekipet humbëse do të jetë pjesë e FIBA Europe Cup.

💛🖤

NJOFTIM ZYRTAR | DALIN NË SH*TJE KARTAT SEZONALE 2026/27

KB Peja njofton të gjithë tifozët, përkrahësit dhe partnerët e klubit se, duke filluar nga nesër, fillon sh*tja e kartave sezonale për edicionin 2026/27.

Për këtë edicion, kartat sezonale janë të ndara në tri kategori:

🟡 ULTRA VIP

* Qasje në ballkonin e palestrës.
* E dedikuar për ata që dëshirojnë ta ndjekin çdo ndeshje nga sektori VIP në ballkon.

🟡 MEMBER VIP

* Qasje në parketin e palestrës, pranë aksionit.
* Kjo është karta e duhur për të gjithë ata që dëshirojnë të jenë pjesë e atmosferës ekskluzive në parket.

🟡 SPECIAL GUEST

* Kartë e dedikuar për sponsorët dhe partnerët e klubit, me statusin “Special Guest”(Bëhu sponsor Krenar i KB Peja).

Të gjitha kartat sezonale janë valide për të gjitha ndeshjet që KB Peja zhvillon si vendas, në të gjitha kompeticionet gjatë sezonit 2026/27.

Procedura e blerjes👇

Sh*tja e kartave bëhet ekskluzivisht nga KB Peja.

Pagesa kryhet vetëm përmes xhirollogarisë bankare. Pas realizimit të pagesës, duhet të dërgohet dëshmia e pagesës, ndërsa më pas klubi do ta bëjë dorëzimin e kartës sezonale.

📞 Për informata të tjera dhe rezervime, por edhe secilin detaj tjetër numri kontaktues👇
+383 49 618 240(whatsApp).

Përparësi për mbajtësit aktualë!

Mbajtësit e kartave dhe ulëseve të sezonit të kaluar do të kenë një përparësi të lehtë për rinovimin e vendeve të tyre. Në rast se ata nuk paraqiten brenda afatit të caktuar(një ditë pas publikimit të këtij postimi), vendet do të lirohen dhe do t’u ofrohen tifozëve të tjerë sipas radhës së aplikimit.

Sezoni i ri po afron dhe dëshirojmë që edhe këtë vit ta kemi përkrahjen tuaj të jashtëzakonshme në çdo ndeshje, kurse pjesa VIP, është gjithmonë e limituar!

Bëhu pjesë e familjes verdhezi dhe siguro vendin tënd për sezonin 2026/27! 💛🖤

RIKTHEHEMI NË SKENËN EVROPIANE! 💛🖤

Historia vazhdon.
Pas një rruge të ndërtuar me punë të palodhur, disiplinë, përkushtim dhe paraqitje dinjitoze në arenën ndërkombëtare, që nga debutimi ynë në FIBA Europe Cup në vitin 2016, kur filluam historinë tonë ndërkombetarisht në ato ndeshjet spektakolare kundër Cluji, nga Rumania pastaj prapë në 2023/24/25(champions league dhe kualifikimi në grupe të FEC), tashme KB Peja rikthehet sërish aty ku i takon — mes klubeve që përfaqësojnë me krenari basketbollin evropian.

Kjo pjesëmarrje është një dëshmi e qartë e zhvillimit të klubit tonë dhe e standardeve që kemi ndërtuar ndër vite. Për KB Pejën, kjo nuk është vetëm një garë sportive, por një mundësi e madhe për të afirmuar identitetin tonë, për të përfaqësuar me dinjitet qytetin e Pejës, tifozët tanë besnikë dhe basketbollin e Kosovës në një skenë të rëndësishme ndërkombëtare.

Me një skuadër të përgatitur për të garuar me seriozitet, karakter dhe ambicie, synimi ynë është i qartë: të paraqitemi me krenari, të luftojmë në çdo ndeshje dhe të japim maksimumin për të arritur sa më larg në këtë rrugëtim evropian.

Ky është një kapitull i ri për klubin tonë, një sfidë që e presim me besim, përgjegjësi dhe vendosmëri.

Çdo ndeshje do të jetë një test i karakterit tonë, çdo minutë një mundësi për të treguar vlerat tona dhe për ta mbajtur lart emrin e Pejës.

Deri më 16 korrik kur në Gjermani, do të tërhiqet shorti, mbesim më shpresë se kjo sezon do të jetë sezona e KB Peja.

Rikthehen netët Evropiane në Karagaçin tonë. 🦅

👀

Arti Hajdari vazhdon me KB Peja!💛🖤

KB Peja ka kënaqësinë të njoftojë se Arti Hajdari do të vazhdojë të jetë pjesë e familjes verdhezi edhe për sezonin e ri.

Një lojtar që nuk ka kursyer asnjëherë djersën për këtë fanellë, duke qenë pjesë e çdo beteje dhe e çdo suksesi të klubit. Gjatë rrugëtimit të tij me KB Pejën, Arti ka kontribuar në fitimin e 3 Kupave të Kosovës, 1 Superkupe të Kosovës dhe super titullin e Kampionit të Kosovës, në 2023 në Mitrovicë, duke e ngritur trofeun si Kapiten e duke u bërë pjesë e një gjenerate që shkroi histori për klubin tonë.

Vazhdimësia e tij është dëshmi e besimit që kemi te vlerat, karakteri dhe mentaliteti fitues që ai sjell në parket.

Sezoni i ri na pret me objektiva të mëdha, ndërsa Arti Hajdari do të jetë sërish aty, i gatshëm të japë gjithçka për ngjyrat verdhezi.

Mirë u pafshim në “Karagaçi”!

Bashkë, për fitore të reja! 🦅

Sonte të gjithë në Karagaçi, vajzat tona zhvillojnë ndeshjen kundër Shqipërisë, me fillim në orën 19:00. 💛

🇽🇰🇦🇱✨Sot na pret një super ndeshje! Kosova do të përballet me Shqipërinë në gjysmëfinale, në ora 19:00.

📍Palestra sportive “Karagaç”, Pejë

🇽🇰🏀

Xavier Johnson nga sot është “Verdhezi”. 🦅

KB Peja, ka kënaqësinë e jashtëzakonshme të prezantojë përforcimin më të ri të skuadrës, forcën tonë te re dhe dominuese të pozitës 4 Xavier Johnson, një basketbollist me përvojë të dëshmuar në arenën ndërkombëtare dhe me një karrierë të ndërtuar në kampionate elitare si Italia dhe Izraeli.

Johnson vjen në Pejë, pas pesë sezoneve të jashtëzakonshme në Itali, ku u shndërrua në një nga lojtarët më dominues të Serie A2. Gjatë kësaj periudhe, ai fitoi dy tituj të Serie A2 me ekipet Verona dhe Udine, gjithashtu ishte protagonist në dy promovime drejt elitës së basketbollit italian, ku pastaj edhe ne Serie A1 pati paraqitje tejet solide duke lënë gjurmë në çdo skuadër ku luajti.

Johnson, i njohur për fuqinë fizike, atletizmin, dominimin në kërcime, agresivitetin në mbrojtje dhe efikasitetin në sulm, është absolutisht një basketbollist që sjell intensitet, forcë permanente perfundi tabeleve, karakter çeliku dhe mentalitet të fitoreve në çdo ndeshje. Ai e ka vetëm një synim, të fitoj dhe asgjë tjetër.

Pra, nga sot ai zgjedh të veshë fanellën e KB Pejës dhe të bëhet pjesë e një klubi me histori, traditë dhe ambicie të mëdha. Besojmë se përvoja, cilësia dhe karakteri i tij do të jenë një armë e rëndësishme në rrugëtimin tonë drejt objektivave të sezonit jo vetëm në superligën tonë por edhe në arenën ndërkombetare(FEC).

Xavier! Le të shkruajmë së bashku kapitullin e radhës të historisë së KB Pejës. 💛🖤

👀💣

Elon Hasanaj vazhdon me KB Peja! 🦅

Pavarësisht moshës së re, ai ka treguar përkushtim, disiplinë dhe dëshirë të madhe për t’u zhvilluar, duke fituar besimin e klubit për të vazhduar rrugëtimin e tij me Pejën.

KB Peja do të vazhdojë t’i qëndrojë pranë Elonit në çdo hap të zhvillimit të tij, duke i ofruar mbështetjen e plotë për të shpalosur potencialin e tij dhe për t’u rritur si basketbollist.

E ardhmja është e verdhë e zi. Vazhdojmë së bashku, Elon! 💛🖤