Paravolley Kosova

Federata e Paravolejbollit e Kosovës zhvilloi një takim me përfaqësuesit e Shoqatës së Invalidëve të Luftës të UÇK-së - dega Prishtinë, ku u diskutua për mundësitë e bashkëpunimit dhe përfshirjes së anëtarëve të shoqatës në sportin e paravolejbollit.

Gjatë takimit u theksua rëndësia e sportit si një mjet i fuqishëm për socializim dhe fuqizim të personave me aftësi të kufizuara, si dhe u shpreh gatishmëria për bashkëpunim në aktivitete të përbashkëta që kontribuojnë në zhvillimin dhe masovizimin e paravolejbollit në Kosovë.

Federata e Paravolejbollit e Kosovës shpreh falënderimi për Shoqatën e Invalidëve të Luftës të UÇK-së për mikpritjen, gatishmërinë për bashkëpunim dhe mbështetjen e dhënë në avancimin e sportit të paravolejbollit.

🇽🇰 Një tjetër hap historik për paravolejbollin e Kosovës!

Me ftesë të Federatës Italiane të Paravolejbollit, Kombëtarja e Kosovës në paravolejboll do të marrë pjesë për herë të parë në një turne ndërkombëtar, i cili do të zhvillohet në Rotondo të Italisë, nga 23 deri më 25 Korrik.

Në këtë turne do të marrin pjesë përfaqësueset e Italisë,Anglisë, Spanjës dhe Kosovës, duke i dhënë ekipit tonë mundësinë të fitojë përvojë të çmuar në arenën ndërkombëtare.

Kjo pjesëmarrje shënon një moment të rëndësishëm në historinë e paravolejbollit të Kosovës dhe është rezultat i punës së vazhdueshme për zhvillimin dhe ndërkombëtarizimin e këtij sporti në vendin tonë.

I urojmë suksese sportistëve dhe stafit të Kombëtares sonë në këtë sfidë të rëndësishme dhe besojmë se do ta përfaqësojnë Kosovën me dinjitet, krenari dhe shpirt garues.

Forca Kosova! 🇽🇰🏐

#

Klubi i Volejbollit Femrat “Ferizaj”, mirëpriti garat e paravolejbollit në Ferizaj, ku u zhvillua me sukses xhiroja e parë e kampionatit në kategorinë Mix.

Në këtë kampionat të kategorisë mix morën pjesë ekipet:

🏐 KPV “Fushë Kosova”
🏐 KPV “Prishtina”
🏐 KPV “Lipjani”
🏐 KPV “Kamenica”

Pjesë e kësaj xhiroje ishte edhe KVF “Ferizaj”prirë nga trajnerja Arta Ramadani, i cili për herë të parë u bë pjesë e aktiviteteve të paravolejbollit, duke shënuar një hap të rëndësishëm drejt zgjerimit dhe promovimit të këtij sporti.

Falënderojmë të gjitha ekipet pjesëmarrëse, sportistët, trajnerët dhe organizatorët për kontributin dhe angazhimin e tyre.

Vazhdon rritja dhe masovizimi i paravolejbollit në Kosovë, duke krijuar më shumë mundësi për përfshirje, zhvillim dhe promovim të sportit të paravolejbollit.

Ky aktivitet është mbështetur nga Ministria e Sportit dhe Rinisë, dhe Korporata Rugove.

Fillojnë përgatitjet e sportistëve në sportin e paravolejbollit, me përkushtim, motivim dhe angazhim të vazhdueshëm drejt zhvillimit dhe avancimit të këtij sporti.
Sportistët po punojnë për ngritjen e formës taktike dhe teknike, duke u përgatitur për aktivitetet dhe garat e ardhshme.

Po ashtu, është zhvilluar edhe loja e parë në kategorinë Mix, e cila ka sjellë energji sportive dhe pjesëmarrje aktive të sportistëve.

Ky aktivitet është përkrahur nga Ministria e Sportit dhe Rinisë si dhe Korporata Rugove!

Federata e Paravolejbollit e Kosovës vazhdon aktivitetet e saj në funksion të promovimit dhe zhvillimit të paravolejbollit në vend.

Në kuadër të këtyre aktiviteteve, në bashkëpunim me “Klubin e Volejbollit Prishtina Femrat” me trajneren Hadije Rama, është realizuar një aktivitet promovues me qëllim njohjen dhe avancimin e këtij sporti.

Gjatë aktivitetit, trajneri me licencë ndërkombëtare Gëzim Brahimi prezantoi rregullat bazë të paravolejbollit, u zhvilluan përgatitjet para lojës, si dhe u organizua një ndeshje praktike.

Federata e Paravolejbollit e Kosovës shpreh mirënjohje dhe falënderim për Klubin e Volejbollit Prishtina Femrat.

Ky aktivitet është mbështetur nga Ministria e Sportit dhe Rinisë.

Këtë fundjavë u përmbyll me sukses seminari për referët e paravolejbollit. Kemi pasur nderin dhe privilegjin që ligjërues kryesor të këtij seminari të kishim Armin Mujkic, refer me licencë ndërkombëtare, i cili ndau me pjesëmarrësit përvojën e tij të pasur dhe njohuritë mbi rregullat e kësaj disipline.

Ky seminar është një hap i rëndësishëm drejt ngritjes së profesionalizmit dhe rritjes së cilësisë së referimit në vendin tonë.

Falënderojmë ligjëruesin Mujkovic për përkushtimin dhe të gjithë referët pjesëmarrës për motivimin e treguar!