KF Dukagjini (Klinë)

🤝 Poliklinika MedicAL dhe KF Dukagjini zyrtarizojnë bashkëpunimin! 💙💚⚽

Me kënaqësi njoftojmë se Poliklinika MedicAL dhe KF Dukagjini kanë arritur marrëveshje bashkëpunimi për ofrimin e shërbimeve shëndetësore për klubin.
Në kuadër të këtij bashkëpunimi, Poliklinika MedicAL do të ofrojë:
✅ Vizita ortopedike, të udhëhequra nga Dr. Lavdim Berisha – Ortoped.
✅ Vizita shëndetësore për futbollistët, të realizuara nga Dr. Alban Palushi.
✅ Trajtimin dhe rehabilitimin e lojtarëve të lënduar.
✅ Mbështetje mjekësore gjatë gjithë sezonit garues.
✅ Pjesëmarrjen e mjekut në ndeshjet zyrtare, duke siguruar kujdes të menjëhershëm dhe profesional për ekipin.
Ky partneritet pasqyron përkushtimin e përbashkët të Poliklinikës MedicAL dhe KF Dukagjinit për shëndetin, sigurinë dhe performancën e sportistëve, duke garantuar kujdes profesional në çdo fazë të sezonit.

💙 Poliklinika MedicAL – Kujdes profesional për kampionët! 💚
⚽ Së bashku për një Dukagjin më të fortë!

Shorti i UEFA Conference League - na ka vënë përballë ekipit të FC Lugano nga Zvicra.

Ndeshja e parë do të zhvillohet më 23 korrik, ndërsa ndeshja e kthimit më 30 korrik.

Përballë një kundërshtari cilësor, klubi ynë do të japë maksimumin në fushë për të përfaqësuar klubin, qytetin dhe futbollin e Kosovës në mënyrën më dinjitoze të mundshme.

💚🤍

Sot në ora 14:00 ne Nyon të Zvicrës hidhet shorti për raundin e dytë kualifikues të UEFA Conference League.

Këta janë kundërshtarët e mundshëm për klubin tonë.

Hapësirat Reklamuese në Stadiumin “18 Qershori” – Sezoni 2026/2027

KF Dukagjini shpreh mirënjohjen më të sinqertë për të gjithë sponsorët, bizneset dhe dashamirët e klubit që kanë qenë pjesë e rrugëtimit tonë gjatë sezonit historik 2025/2026.
Ky sezon do të mbetet gjatë në kujtesën e secilit prej nesh:
✅ Fitues të Kupës së Kosovës
✅ Vendi i 4-të në Superligën e Kosovës
✅ Kualifikim në garat evropiane
Këto arritje janë rezultat i punës, përkushtimit dhe mbështetjes së vazhdueshme nga sponsorët, bizneset partnere dhe tifozët tanë besnikë.
Kanë filluar rezervimet për hapësirat reklamuese në Stadiumin “18 Qershori” për sezonin 2026/2027.
Me ndeshjet e Superligës së Kosovës, Kupës së Kosovës dhe prezencën e vazhdueshme në media, stadiumi ynë ofron një mundësi të shkëlqyer promovimi për biznesin tuaj para mijëra tifozëve dhe përmes transmetimeve televizive, portaleve sportive dhe rrjeteve sociale.
Ftojmë të gjitha bizneset që dëshirojnë të promovojnë aktivitetin e tyre dhe njëkohësisht të kontribuojnë në zhvillimin e sportit dhe sukseset e KF Dukagjinit, të rezervojnë hapësirat e tyre reklamuese për sezonin e ri.

Së bashku vazhdojmë të shkruajmë historinë!

💚

KF Dukagjini shpreh ngushëllimet më të sinqerta për ndarjen e parakohshme nga jeta të futbollistit Fatjon Bunjaku.

Largimi i tij në një moshë kaq të re është një humbje e madhe për familjen, miqtë dhe gjithë komunitetin e futbollit.

Në këto momente të vështira, qëndrojmë pranë familjes, të afërmve, bashkëlojtarëve dhe klubit të tij, duke ju shprehur ngushëllimet tona më të thella.

Prehu në paqe, Fatjon Bunjaku.

TELEGRAM NGUSHELLIMI

Me pikëllim të thellë morëm lajmin për ndarjen tragjike nga jeta të të riut Leonit Aliu. Leoniti do të kujtohet me respekt si ish-futbollist i KF Fushë Kosova dhe si një djalë i dashur për familjen, miqtë dhe komunitetin sportiv.Në këto çaste të rënda, i shprehim ngushëllimet më të sinqerta familjes Aliu, të afërmve, miqve dhe të gjithë atyre që e njohën dhe e deshën.

U prehtë në paqe, ndërsa kujtimi për të mbetet gjithmonë i paharruar. 🕊️

Ngushëllime të sinqerta familjes Aliu.

Hekuran Berisha, Dardan Morina, dhe Meris Maliqi, janë tre futbollistët klubit tonë të ftuar ne grumbullimin e rradhës te Kombëtares U21.

⭐️YLLI I JAVËS - Mergim Pefqeli 🫶

⭐️ YLLI I JAVËS ⭐️

⚽ Federata e Futbollit e Kosovës, në bashkëpunim me sponsorin zyrtar të Superligës, Albi Mall, vazhdon ndarjen e çmimit tradicional “Ylli i Javës”, i cili i dedikohet futbollistit më të dalluar të javës në Superligën e futbollit kosovar.

Për javën e fundit të këtij edicioni, ky çmim i është ndarë futbollistit të KF Dukagjinit, Mërgim Pefqeli, pas paraqitjes së tij vendimtare në fitoren ndaj Ballkanit me rezultat 1:0, ku realizoi golin e vetëm të ndeshjes dhe i siguroi skuadrës tri pikë shumë të rëndësishme.

📈 Vlerësimi është bërë nga Komisioni i Veteranëve të Futbollit.

🗣️ Pasi mori këtë çmim, Pefqeli u shpreh i lumtur për vlerësimin dhe suksesin e skuadrës:

“Kjo ka qenë ndeshja më e rëndësishme e sezonit pas finales së Kupës. Ishte një përballje shumë e vështirë dhe e rëndësishme, ndaj gjatë gjithë javës jemi përgatitur maksimalisht, duke e ditur se Ballkani ka qenë një prej pretendentëve kryesorë për titull.
Falë përkushtimit të stafit dhe angazhimit të gjithë lojtarëve, arritëm ta fitojmë këtë ndeshje dhe të marrim një rezultat shumë të rëndësishëm.
Synimet e KF Dukagjinit për sezonin e ardhshëm janë që të kalojmë të paktën një rund në garat evropiane dhe të synojmë të arrijmë sa më larg në UEFA Conference League.
Këtë çmim ia dedikoj vajzës sime, ndërsa edhe festimet e golave i kam dedikuar asaj. Një falënderim të veçantë kam për bashkëlojtarët e mi për mbështetjen dhe punën e madhe gjatë gjithë sezonit. Shpresoj të vazhdoj me këtë ritëm edhe në të ardhmen.” tha ai për faqen zyrtare të FFK-së.