FC Ferizaj

Mirë se vjen, Ovidijus Šiaulys! 💙🤍

FC Ferizaj me kënaqësi njofton arritjen e marrëveshjes me portierin lituanez Ovidijus Šiaulys, i cili do t’i bashkohet skuadrës sonë për sezonin e ri.

Šiaulys vjen nga skuadra italiane Entella, ndërsa ka qenë edhe pjesë e Përfaqësueses së Lituanisë U21.

Me cilësitë, profesionalizmin dhe përvojën e fituar gjatë karrierës së tij, ai pritet të jetë një vlerë e shtuar dhe një përforcim i rëndësishëm për skuadrën tonë.

I urojmë Ovidijusit mirëseardhje dhe shumë suksese me fanellën bardhekaltër! 💙🤍

Përfundon ndeshja e parë testuese!

Mirë se vjen, Sinan Kadiri! 💙🤍

FC Ferizaj me kënaqësi ju njofton se ka arritur marrëveshje me sulmuesin e krahut Sinan Kadiri, i cili i bashkohet klubit tonë nga FC Prishtina, pasi sezonin e kaluar ishte i huazuar te KF Vëllaznimi, ku pati paraqitje shumë të mira.

Me ardhjen e Kadirit, skuadra jonë forcohet edhe më shumë në repartin ofensiv, ndërsa klubi ynë i uron Sinanit shumë suksese me fanellën e FC Ferizajt.

Nesër zhvillojmë ndeshjen miqësore ndaj FC Lepencit, një test në përgatitjet për sezonin e ri.

Mirë se vjen, Emir Skenderi! 💙🤍

FC Ferizaj me kënaqësi ju njofton se ka arritur marrëveshje me sulmuesin Emir Skenderi.

Skenderi i bashkohet skuadrës sonë pas një sezoni të shkëlqyer me KF Vëllaznimi, ku me golat, asistimet dhe paraqitjet e tij u shndërrua në një nga lojtarët më të spikatur të kampionatit.

Me karakterin, cilësinë dhe ambicien që e dallojnë, jemi të bindur se Emiri do të jetë një vlerë e shtuar për ekipin tonë.

💙🤍 Mirë se vjen, Ermal Veliqi!

FC Ferizaj ka kënaqësinë të njoftojë arritjen e marrëveshjes me mbrojtësin e krahut Ermal Veliqi, i cili nga sot do të jetë pjesë e skuadrës sonë.

Gjatë karrierës së tij, Ermali ka qenë pjesë e FC Prishtinës, KF Vëllaznimit, KF Drenicës dhe së fundmi KF Trepçës, duke ndërtuar një përvojë të vlefshme në futbollin kosovar.

Me angazhimin dhe përvojën e tij, ai vjen për të forcuar repartin defensiv të ekipit dhe për të kontribuar në arritjen e objektivave të klubit.

I urojmë Ermalit shumë suksese me fanellën tonë!

Mirë se vjen, Diellor Beseni! 💙🤍

FC Ferizaj me kënaqësi ju njofton se ka arritur marrëveshje me mesfushorin Diellor Beseni, i cili së fundi ishte në klubin FC Ferronikeli.

Gjatë karrierës së tij, Beseni ka qenë pjesë edhe e FC Lirisë dhe KF Drenicës, duke fituar përvojë të vlefshme dhe duke dëshmuar cilësitë e tij në repartin e mesfushës.

Diellorit i urojmë mirëseardhje dhe shumë suksese me fanellën e FC Ferizajt!

💙🤍 Rui Carreira pjesë e FC Ferizajt

FC Ferizaj ka kënaqësinë të njoftojë se Rui Carreira është lojtari më i ri i skuadrës sonë.

Mbrojtësi portugez vjen pas eksperiencës së tij te Caldas SC, ndërsa më herët ishte pjesë e akademive të Sporting CP dhe FC Vizela.

Me profilin dhe potencialin që posedon, Carreira pritet të sjellë cilësi dhe konkurrencë në repartin defensiv, duke u bërë pjesë e projektit të klubit për sezonin e ri.

ZYRTARE | Fitim Shabani emërohet trajner kondicional i FC Ferizajt

FC Ferizaj njofton emërimin e Fitim Shabanit në pozitën e trajnerit kondicional të ekipit të parë.

Ai vjen me një përvojë të dëshmuar në futbollin kosovar, pasi ka punuar si trajner kondicional te Malisheva dhe Prishtina e Re, ndërsa më parë ka drejtuar edhe ekipin U17 të Ferizajt.

Njëkohësisht, është trajner kondicional i Kombëtares së Kosovës U21 dhe ligjërues në Federatën e Futbollit të Kosovës për licencat UEFA B dhe UEFA A.

I pajisur me licencat UEFA A dhe UEFA Fitness B, ai i bashkohet stafit teknik të FC Ferizajt, duke sjellë profesionalizëm dhe përvojë në përgatitjen fizike të ekipit.

I urojmë mirëseardhje dhe shumë suksese në detyrën e re me FC Ferizajn!

🔵 Sot skuadra jonë ka nisur zyrtarisht përgatitjet për sezonin e ri nën drejtimin e kryetrajnerit Alban Dragusha, së bashku me ndihmëstrajnerët Gramos Emini dhe Etrit Gagica.

Me energji të re, përkushtim dhe ambicie, futbollistët zhvilluan seancën e parë stërvitore, duke hedhur themelet për një sezon sa më të suksesshëm.

I urojmë stafit teknik dhe futbollistëve punë të mbarë, shëndet dhe suksese në këtë rrugëtim të ri.

Na priftë e mbara! Forca FC Ferizaj! 💙🤍