29/08/2026
Chempion bo‘lish — bir marta yutish emas, har safar g‘alaba uchun tayyor turishdir.
Uchinchi Superkubok sari — atigi 4 kun qoldi!
MUXLISLAR, SIZNI HUMO ARENADA KUTAMIZ! Ovozimiz birlashsin, qo‘llab-quvvatlashimiz raqibga bosim, futzalchilarimizga esa qo‘shimcha kuch bo‘lsin!
“Katta g‘alabalar katta jamoaviy ruh bilan qo‘lga kiritiladi.”
BMB PFC — G‘ALABA SARI!
28/08/2026
SUPERKUBOK OLDIDAN MUHIM G‘ALABA!
Bugun Oq yo‘lbarslar yangi mavsum va yaqinlashib kelayotgan O‘zbekiston Superkubogi uchrashuviga tayyorgarlik doirasida Olmaliq jamoasiga qarshi navbatdagi o‘rtoqlik uchrashuvini o‘tkazdi.
Bahs Oq yo’lbarslarning 3:1 hisobidagi g‘alabasi bilan yakunlandi.
Yangi mavsumga tayyorgarlik boshlanganidan buyon jamoa mashg‘ulot jarayonlarini tizimli va izchil davom ettirmoqda. Rahbariyat tomonidan yaratilgan munosib shart-sharoitlar, murabbiylar shtabi tomonidan ishlab chiqilgan aniq mashg‘ulot rejasi va futzalchilarning tinimsiz mehnati o‘z samarasini bermoqda.
Ayniqsa, jamoaga yangi qo‘shilgan futzalchilarning BMB o‘yin falsafasi va jamoaviy tizimga moslashuv jarayoni ijobiy kechmoqda.
Oldinda esa yanada katta sinov — Superkubok!
Oq yo‘lbarslar yangi mavsumga ham, Superkubok bahsiga ham chempionlarga xos ruh, ishonch va tayyorgarlik bilan yetib boradi.
28/08/2026
O‘zbekiston Superkubogi bahsiga atigi 5 kun qoldi!
2-sentabr kuni “Humo Arena”da BMB Professional Futsal Club yangi mavsumdagi ilk katta sinovlardan biriga chiqadi. “Oq yo‘lbarslar” esa har doimgidek maydonga faqat g‘alaba uchun tushadi!
Bu uchrashuv yana bir futzalchi uchun alohida ahamiyat kasb etishi mumkin.
Aslbek Vafoyev BMB safidagi ilk rasmiy uchrashuvini o‘tkazishi mumkin. Agar u maydonga tushib, raqib darvozasini ishg‘ol qilsa, faoliyatidagi 31-golini ham nishonlashi ehtimol!
31-gol… BMB libosidagi debyut… Superkubok…
Balki 2-sentabr kuni yangi tarixning birinchi sahifasi aynan Aslbekning goli bilan yozilar?
Buni esa faqat Humo Arenadagi jang ko‘rsatadi!
27/08/2026
Superkubok uchrashuviga 6 kun qoldi!
BMB Professional Futsal Club O‘zbekiston Superkubogi uchrashuviga jiddiy va yuqori tempda tayyorgarlik ko‘rmoqda. Chunki Superkubok — oddiy uchrashuv emas. Bu yangi mavsum oldidan xarakter, birlik va chempionlik ruhini namoyish etish uchun katta imkoniyat.
“G‘alaba avval maydonda emas, insonning ongida qo‘lga kiritiladi.”
BMB uchun maqsad aniq: maydonga tayyor, birlashgan va g‘alabaga chanqoq jamoa bo‘lib chiqish!
28/08/2026
28/08/2026
27/08/2026