25/12/2020
Наманган шаҳридаги маҳалла фуқаролар йиғинлари ва жисмоний тарбия фани ўқитувчилари иштирокида ўтказилган спорт мусобақалари ва танлов ғолибларини тақдирлаш маросими ҳақида
М А Ъ Л У М О Т
Ўзбекистон Республикаси Президентининг 2020 йил
30 октябрдаги “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисидаги”
ПФ-6099-сонли Фармонига асосан Наманган шаҳрида бир қатор ишлар амалга ошириб келинмоқда.
Жумладан, жорий йилнинг декабр ойида шаҳарнинг 4 та секторидаги 104 та маҳалла фуқаролар йиғинлари аҳолиси иштирокида оммавий спорт турлари бўйича икки босқичли мусобақалар бўлиб ўтди. Мусобақалар мини-футбол, шахмат, шашка, волейбол, стол тенниси спорт турлари бўйича ўтказилиб, шунингдек, стрит болл, дартс спорт турлари бўйича тажрибали спортчилар томонидан маҳалла аҳолиси учун маҳорат дарслари ўтказилди.
Шунингдек, таълим муассасалари бўлинган 5 та сектордаги 91 та умумтаълим мактабларининг жисмоний тарбия фани ўқитувчилари ўртасида маҳалла аҳолиси ўртасида жисмоний тарбия ва спортни оммалаштириш, соғлом турмуш тарзини тағиб қилиш, спортни кундалик турмуш тарзига айлантириш бўйича “Жисмоний тарбия йил ўқитувчиси - 2020” танлов ўтказилди.
2020 йил 25 декабр куни Наманган шаҳридаги Ёшлар ишлари агентлиги маркази биносида Наманган шаҳар ҳокимлиги, секторлар раҳбарлари иштирокида ғолибларни тақдирлаш маросими ўтказилди.
Наманган шаҳар ҳокимлиги ва ташкилотчилар томонидан ғолиб бўлган маҳалла жамоалари иштирокчилари, алохида жонбозлик кўрсатган фуқаролар турли номинациялар бўйича қимматбаҳо совғалар ва дипломлар билан тақдирландилар.
Шунингдек, “Жисмоний тарбия йил ўқитувчиси - 2020” номинацияси бўйича ғолиб бўлган иштирокчилар Ўзбекистон Республикаси Жисмоний тарбия ва спорт вазири томонидан ажратилган қимматбаҳо совғалар билан тақдирландилар.
Ташкилий қўмита ушбу тадбирларни ташкил этилишида Наманган шаҳар ҳокими О.Исаев, Ўзбекистон Республикаси Жисмоний тарбия ва спорт вазири Д.Набиев, Наманган шаҳар жисмоний тарбия ва спорт бўлими, Наманган шаҳар ёшлар ишлари агентлиги, Наманган шаҳар 1-БЎСМ, Бадиий гимнастикага ИБЎСМ, Спорт ўйинлари ва енгил атлетика ИБЎСМ, Наманган шаҳар 2-БЎСМ, Наманган шаҳар 4-БЎСМларга миннатдорчилик билдиради.
