Icon of Kality

09/06/2026

09/06/2026

09/06/2026

ከሰሞኑ በማህበራዊ ሚዲያ እና በተለያዩ መንገዶች ከቦሌ - መገናኛ የቪአይፒ ኮሪደር ልማት ላይ ቦሌ ብራስ አካባቢ የሚገኝ በመንገድ መሿለኪያ ውስጥ የተፈጠረውን የውሃ መሙላት ችግር አስመልክቶ የሰጣችሁትን ጥቆማ በአክብሮት ተቀብለናል።

የተለያዮ የከተማችን ነዋሪዎች በማህበራዊ ሚድያና ሌሎች መንገዶች የገለጻችሁት ጥቆማ በእርግጥም ትክክል እና ተገቢነት ያለው ነው። ለከተማችን ያላችሁን የላቀ ተቆርቋሪነት ስለሚያሳይ ከልብ እያመሰገንን።

ይህ ያልተጠናቀቀው የምድር ውስጥ መሿለኪያ ቦታ የውሃ ማቆር ችግር ያጋጠመው፤ ቀደም ሲል ስራውን ይዞት ከነበረው ኮንትራክተር ጋር በተፈጠረ አለመግባባት ምክንያት የውል መቋረጥ በማጋጠሙ እና የግንባታ መጓተት በመከሰቱ ነው።

ይህንን ያልተጠበቀ ችግር በወቅቱ በመረዳት ተቋማችን መፍትሄ ለመስጠት ሲሰራ ቆይቷል። በመሆኑም ያልተጠናቀቀውን የመሿለኪያውን የምድር ውስጥ ስራ ዳግም ለማስጀመር በፍጥነት የአዲስ ኮንትራት ግዢ ጨረታ ወጥቶ ሂደቱ ተጠናቋል።

ስለሆነም ሀሳባችሁን ለገለጻችሁ እና ላጠቆማችሁን የከተማችን ነዋሪዎች በድጋሚ ምስጋናችንን እያቀረብን፤ ይህንን የተጓተተ ስራ ሰርተን በማጠናቀቅ በአጭር ጊዜ ውስጥ ውጤቱን መልሰን ለእናንተው የምናሳውቃችሁ ይሆናል።

የከተማችንን ልማት ከነዋሪዎቿ ጋር በመሆን በጋራ እናፋጥናለን!