San Mc Sport

#កំពង់ស្ពឺគឹតត្រឹមរសៀលថៃ្ងទី១៣ខែកក្ដដា​ ឆ្នាំ២០២៦
ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដម​សេ​នីយ៍ទោ​ ឃឹម​ សុកខៃ​ ស្នងការនគរបាលខេត្ដកំពង់ស្ពឺ​
កងកម្លាំងនគរបាលនៃអធិការដ្ឋាននគរបាលស្រុកឱរ៉ា​ល់​ នៅតែបន្ដឈរជេីងជួយអន្ដរាគមន៍ជួយដល់ប្រជាពលរដ្ឋដែលជួបបញ្ហានៅពេលទឹកស្ទឹងអូរហក់ឡេីងខ្លាំង​ បណ្ដាលមកពីទឹកភ្លៀងនៅតែបន្ដធ្លាក់យ៉ាងច្រេីនពីខាងលេីភ្នំ​ចុះមក​ ☔☔☔.,។

👉👉អ្នកមកស្រុកឱរ៉ាល់ជាប់ទឹកស្ទឹងសូមទាក់ទាងមកលេខទូរស័ព្ទ​ Hotline ឬអធិការស្រុកផ្ទាល់​ 088 888 8561​ ☎️

កំពង់ស្ពឺ៖​ នាព្រឹកថ្ងៃទី១៣ ខែកក្កដា ឆ្នាំ២០២៦ គិតត្រឹមម៉ោង១២:៥៥​នា​ទីនេះ យោងតាមស្ថានភាពទឹកភ្លៀ​ងដែលធ្លាក់លេីភ្នំនៅក្នុងស្រុកឱរ៉ា​ល់ បានកំពុងបន្តធ្លាក់និងបានទឹក​ហូ​រចុះមកយ៉ាងគំហក​ធ្វេីអោយមាន​កា​​រជន់លិចរួចហូរចុះមកតាមសណ្ដរអូរស្ទឹងតូចមួយចំនួន​ បណ្ដាលឱ្យលិចផ្លូវ​ដែលមិនអាចធ្វេីដំណេីរឆ្លង​កាត់បាន។

ដោយបានការណែនាំដ៏ខ្ពង់ខ្ពស់ពី​លោកឧត្ដមសេនីយ៍ទោ​ ឃឹម​ សុកខៃ​ ស្នងការនគរបាលខេត្ដកំពង់ស្ពឺ​ លោកវរសេនីយ៍ឯក ប៊ុត ប៊ុនធឿន អធិការនគរបាលស្រុកឱរ៉ាល់ បាន​ដឹកនាំកម្លាំងនគរបាលចេញអន្តរាគមន៍ជួយចម្លងប្រជាពលរដ្ឋនិងបង្ការមិនអោយកេីតមានគ្រោះថ្នាក់
ដោយសារតែចរន្ដទឹកហូរខ្លាំង​ ។

ជាការសំណូមពរ​ ដល់បងប្អូនដែល​មានលំនៅដីចម្ការឬអ្នកទេសចរណ៍​ដេីរបោះតង់​ និងជិះម៉ូតូឡេីងភ្នំ​និងអ្នកទេសចរណ៍តាមព្រៃ​ មេត្តាប្រុងប្រយ័ត្ននិងជៀសវាងការកម្សា​ន្តតាមភ្នំក្នុងស្រុកឱរ៉ាល់ក្នុងរយៈពេ​លមេឃកំពុងតែភ្លៀងប៉ុន្មានថៃ្ងនេះបច្ចុប្បន្នទឹកស្ទឹងបានហក់ឡេីងខ្ពស់​ដែលអាចនាំអោយមានការគ្រោះថ្នាក់ជាយថាហេតុ​ ៕

#គងពិសី៖ ដោយទទួលបានការបញ្ជាដឹកនាំដ៏ខ្ពង់ខ្ពស់របស់ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងដឹកនាំផ្ទាល់ដោយលោកវរសេនីយ៍ឯក យ៉ាង សុខលី អធិការនគរបាលស្រុក
- នៅថ្ងៃទី១១ ខែកក្កដា ឆ្នាំ២០២៦ ក្រោយពីបានទទួលព័ត៌មានពីមហាជនល្អ ថានៅចំណុចបន្ទប់ជួលជាប់ផ្លូវលំភូមិក្របីត្រាំ ឃុំជង្រុក ស្រុកគងពិសី សង្ស័យមានការជួញដូ និងប្រើប្រាស់គ្រឿងញៀន នៅវេលាម៉ោង ១៣:០៥នាទី កម្លាំងជំនាញបានចុះទៅដល់ទីតាំងខាងលើ ជាក់ស្តែងឃាត់ខ្លួនមុខសញ្ញាសង្ស័យចំនួន ៣នាក់
១/ឈ្មោះ ដូត សុភា ភេទប្រុស អាយុ ៣៣ឆ្នាំ នៅបន្ទប់ជួលភូមិក្របីត្រាំ ឃុំជង្រុក ស្រុកគងពិសី
២/ឈ្មោះ ដារ៉ា វ៉ាន់ឆៃ ភេទប្រុស អាយុ ១៨ឆ្នាំ នៅបន្ទប់ជួលភូមិក្របីត្រាំ ឃុំជង្រុក ស្រុកគងពិសី
៣/ឈ្មោះ រុន សៅលី ភេទប្រុស អាយុ ២៧ឆ្នាំ នៅបន្ទប់ជួលភូមិព្រៃរោង ឃុំជង្រុក ស្រុកគងពិសី
ត្រួតពិនិត្យដកហូតបានម្សៅក្រាមពណ៌សថ្លាសង្ស័យជាគ្រឿងញៀនចំនួន ០២កញ្ចប់ (តូច១-ធំ១),ទូរស័ព្ទដៃ ០២គ្រឿង, ដាវ ០២ដើម និងឧបករណ៍វេចខ្ចប់ប្រើប្រាស់គ្រឿងញៀនមួយចំនួន ។
ករណីនេះកសាងសុំណុំរឿងបញ្ជូនទៅស្នងការដ្ឋាននគបាលខេត្តកំពង់ស្ពឺ ចាត់ការតាមនិតិវិធី។

👉ក្រុមចោរស្ទាក់ធាក់ម៉ូតូឲ្យដួលរួចកាន់កាំបិតផ្គាក់ដេញកាប់ប្លន់យ៉ាងសាហាវ ត្រូវសមត្ថកិច្ចតាមក្របួចបាន ២នាក់ ខណៈ ៣នាក់ទៀតរត់គេចខ្លួន

ជនសង្ស័យញៀនថ្នាំចំនួន ២នាក់ ក្នុងចំណោមបក្ខពួក ៥នាក់ ត្រូវបានកម្លាំងសមត្ថកិច្ចស្រាវជ្រាវឃាត់ខ្លួនបានសម្រេច បន្ទាប់ពីពួកគេបានធ្វើសកម្មភាពជិះម៉ូតូស្ទាក់ធាក់ជនរងគ្រោះឲ្យដួល រួចកាន់កាំបិតផ្គាក់ដេញកាប់ដើម្បីប្លន់យកម៉ូតូ។ អំពើប្លន់ប្រដាប់អាវុធយ៉ាងសាហាវនេះ បានកើតឡើងកាលពីម៉ោង ០ និង៥០នាទី រំលងអធ្រាត្រ ថ្ងៃទី១០ កក្កដា ២០២៦ នៅចំណុចផ្លូវលំក្នុងភូមិត្រពាំងសុក្រំ ឃុំបែកចាន ស្រុកអង្គស្នួល ខេត្តកណ្ដាល។

លោកវរសេនីយ៍ឯក មាន សំណាង អធិការនគរបាលស្រុកអង្គស្នួល បានឲ្យដឹងថា ជនសង្ស័យដែលត្រូវឃាត់ខ្លួនមានទី១ ឈ្មោះ ឈុំ វ៉ារ៉ាប៊ី (ប្រុស, ១៩ឆ្នាំ) និងទី២ ឈ្មោះ វិចិត្រ ច័ន្ទដាវីត (ប្រុស, ២៣ឆ្នាំ) ដែលអ្នកទាំងពីរមានមុខរបរមិនពិតប្រាកដ រស់នៅឃុំបែកចាន និងមានសារធាតុញៀនក្នុងទឹកនោមវិជ្ជមានដូចគ្នា ចំណែកបក្ខពួក ៣នាក់ទៀត មិនទាន់ស្គាល់អត្តសញ្ញាណកំពុងរត់គេចខ្លួន។ ដោយឡែក ជនរងគ្រោះមានឈ្មោះ ច្រឹក ភក្តី (ប្រុស, ១៧ឆ្នាំ) ជាកម្មកររោងចក្រ ត្រូវក្រុមចោរធាក់បណ្ដាលឲ្យដួលរលាត់ស្មាខាងឆ្វេង និងរលាត់ក្បាលជង្គង់ទាំងសងខាង។ នៅក្នុងប្រតិបត្តិការនេះ សមត្ថកិច្ចបានដកហូតវត្ថុតាងរួមមាន កាំបិតផ្គាក់ដងឫស្សី ១ដើម ទូរស័ព្ទដៃម៉ាកអាយហ្វូន ៧ ពណ៌ខ្មៅ ១គ្រឿង រួម និងម៉ូតូរបស់ជនរងគ្រោះ ១គ្រឿង ម៉ាកហុងដាឌ្រីមសង់ពណ៌ខ្មៅស៊េរីឆ្នាំ២០២៤ ដែលជនសង្ស័យបានយកទៅប្លុងចោលនៅរោងបុណ្យដោយមានស្នាមកាប់ខូចខាតជាច្រើនកន្លែង។

លោកអធិការបានបន្តថា មុនពេលកើតហេតុ កាលពីម៉ោង ២៣ និង៥០នាទី ថ្ងៃទី៩ កក្កដា ២០២៦ ជនរងគ្រោះ និងមិត្តភក្ដិបានជិះម៉ូតូ ២គ្រឿង មានគ្នា ៣នាក់ ចេញពីផ្ទះជួលឆ្ពោះទៅរាជធានីភ្នំពេញតាមបណ្ដោយផ្លូវជាតិលេខ៤។ លុះដល់ចំណុចកើតហេតុ ស្រាប់តែមានជនសង្ស័យ ៣នាក់ ជិះម៉ូតូ ១គ្រឿង បិទភ្លើងតាមពីក្រោយ រួចធាក់ម៉ូតូជនរងគ្រោះបណ្ដាលឲ្យដួលនៅលើចិញ្ចើមថ្នល់។ ភ្លាមនោះ ជនសង្ស័យបានលើកម៉ូតូបម្រុងជិះចេញទៅ តែដោយសារម៉ូតូបញ្ឆេះមិនឆេះ ទើបពួកគេដកយកតែកូនសោជិះគេចខ្លួនទៅទិសខាងលិច ខណៈជនរងគ្រោះបានរត់ចូលទៅពួនក្នុងការ៉ាស់លក់ហ្គាស។

ពេលស្ងាត់ ជនរងគ្រោះបានចេញមករុញម៉ូតូគ្មានសោនោះចូលទៅក្នុងភូមិត្រពាំងសុក្រំ ស្រាប់តែប្រទះឃើញជនសង្ស័យ ២នាក់ទៀត ជិះម៉ូតូ ១គ្រឿង ម៉ាកស៊ុយហ្ស៊ុយគីនិចមកដល់ ដោយអ្នកជិះក្រោយកាន់កាំបិតផ្គាក់ស្រែកគំរាម ទើបជនរងគ្រោះផ្ដួលម៉ូតូចោលរត់ឡើងជិះម៉ូតូ ១គ្រឿងទៀត របស់មិត្តភក្ដិគេចខ្លួន និងទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបែកចានតែម្ដង។
លោកអធិការបានបញ្ជាក់ថា លុះព្រឹកឡើងកម្លាំងជំនាញស្រុកបានសហការជាមួយកម្លាំងប៉ុស្តិ៍ចុះឆែកកាមេរ៉ាសុវត្ថិភាពរហូតកំណត់មុខសញ្ញាបាន និងឈានដល់ការឃាត់ខ្លួនជនសង្ស័យទាំង ២នាក់ នាំយកមកសួរនាំ។

នៅចំពោះមុខសមត្ថកិច្ច ជនសង្ស័យទាំង ២នាក់ បានឆ្លើយសារភាពថា ក្រុមដែលដេញវាយប្លន់យកម៉ូតូជនរងគ្រោះនោះពិតជាបក្ខពួករបស់ខ្លួនមែន ប៉ុន្តែពួកគេមិនស្គាល់អត្តសញ្ញាណច្បាស់នោះទេ ហើយពួកខ្លួនក៏ជាអ្នកប្រើប្រាស់គ្រឿងញៀនផងដែរ។ បច្ចុប្បន្ន ជនសង្ស័យ រួម និងវត្ថុតាង ត្រូវបានកសាងសំណុំរឿងបញ្ជូនទៅកាន់សាលាដំបូងខេត្តកណ្ដាល ដើម្បីចាត់ការបន្តតាមនីតិវិធីច្បាប់ ខណៈសមត្ថកិច្ចកំពុងតាមប្រមាញ់បក្ខពួក ៣នាក់ទៀត យ៉ាងយកចិត្តទុកដាក់បំផុត៕

👉អាវុធហត្ថ​ខេត្តកំពង់ស្ពឺ​ បាន​ធ្វើការបង្ក្រាបនិងឃាត់ខ្លួនជនសង្ស័យ​ពីរនាក់ បញ្ជូនទៅសាលាដំបូង​ខេត្ត​កំពង់ស្ពឺ​​​ ជាប់ពាក់ព័ន្ធ​ពាក់ព័ន្ធ​ករណី​គ្រឿងញៀនក្នុងភូមិសាស្ត្រ​ស្រុក​សាមគ្គី​មុនីជ័យ...

កំពង់ស្ពឺ៖ក្រោមការដឹកនាំបញ្ជាដោយផ្ទាលយ៉ាងម៉ឺងម៉ាត់និងយកចិត្តទុកដាក់ខ្ពស់បំផុតរបស់​ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ‌‎ព្រមទាំងមានការសម្របសម្រួលនីតិវិធីពី​ ឯកឧត្ដម​ព្រះរាជអាជ្ញា អមសាលាដំបូងខេត្តកំពង់ស្ពឺ​​​​​​​​​​ កាលពីវេលាម៉ោង១១:៣០នាទីព្រឹក នា​ថ្ងៃទី​០៤​ ខែកក្កដា​ ឆ្នាំ២០២៦​ កម្លាំង​មូលដ្ឋាន​កងរាជ​អាវុធ​ស្រុកសាមគ្គីមុនីជ័យ ដឹកនាំដោយលោកវរសេនីយ៍ទោ ជាង រចនា មេបញ្ជាការ​ មូលដ្ឋានកង​រាជ​អាវុធហត្ថ​ស្រុក​សាមគ្គី​មុនី​ជ័យ​ បានធ្វើការបង្ក្រាប​និង​ឃាត់ខ្លួន​ជនសង្ស័យ​ម្នាក់ពាក់ព័ន្ធករណីគ្រឿងញៀន នៅចំណុចវាលស្រែ ស្ថិតក្នុងភូមិទួលបារ៉ាយ ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ។

ជនសង្ស័យ​មានឈ្មោះ ចក់ សៅ ភេទប្រុស អាយុ៣១ឆ្នាំ មុខរបរដុតឡរធ្យូង មានទីលំនៅបច្ចុប្បន្ននៅភូមិដំឡូងស្យា ឃុំព្នាយ ស្រុកសំរោងទង ខេត្តកំពង់ស្ពឺ។ចាប់យកវត្ថុតាងបានរួមមាន:ម្សៅក្រាមពណ៍សរថ្លាសង្ស័យជាសារធាតុញៀន ចំនួន០៥កញ្ចប់(ទម្ងន់០.៩៦ក្រាម)និងឧបករណ៍ប្រើប្រាស់មួយចំនួនទៀត។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបានកម្លាំងជំនាញការិយាល័យប្រឆាំង‌‎គ្រឿងញៀន ក្នុងមន្ទីរស្រាវជ្រាវ​និងបង្រ្កាបបទល្មើស​​ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ កសាងសំណុំរឿងបញ្ជូទៅ​សាលាដំបូងខេត្តកំពង់ស្ពឺដើម្បីចាត់ការតាមនីតិវិធី៕

តាកែវ៖ថ្ងៃទី១០ ខែកក្កដា ឆ្នាំ២០២៦

👉ដោយទទួលបានបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថ ខេត្តតាកែវ និងសម្របសម្រួលនីតិវិធី ដោយ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ។
នៅវេលាម៉ោង១៤:៤០នាទី ថ្ងៃទី៨ ខែកក្កដា ឆ្នាំ២០២៦ កម្លាំងមន្ទីរស្រាវជ្រាវនិងបង្ក្រាបបទល្មើស ដឹកនាំដោយលោកអនុសេនីយ៍ឯក ជួន តូរ:ត: នាយការិយាល័យប្រឆាំងគ្រឿងញៀន បានចុះប្រតិបត្តិការបង្ក្រាបករណី រក្សាទុក ជួញដូរ និងប្រើប្រាស់នូវសារធាតុញៀន នៅចំណុចភូមិអង្គញ់ ឃុំខ្វាវ ស្រុកសំរោង ខេត្តតាកែវ។
+ លទ្ធផលឃាត់ខ្លួនជនសង្ស័យបានចំនួន ១ នាក់ ឈ្មោះ សែត ស្ទ័រ ភេទប្រុស អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ រស់នៅ ភូមិអង្គញ់ ឃុំខ្វាវ ស្រុកសំរោង ខេត្តតាកែវ។
+ ដកហូតវត្ថុតាងរួមមាន÷
១/ ក្រាមពណ៌សថ្លា ចំនួន ១ កញ្ចប់ ទម្ងន់ ៥.៣៥ក្រាម (ថ្លឹងទាំងសំបកថង់)
២/ ទូរស័ព្ទ ចំនួន ១ គ្រឿង
៣/ សម្ភារៈវេចខ្ចប់និងសម្ភារៈប្រើប្រាស់គ្រឿងញៀនមួយចំនួន។
បច្ចប្បន្ន ជនសង្ស័យ រួមនិងវត្ថុតាង ការិយាល័យជំនាញ កំពុងកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធី។

👉បង្ក្រាបករណីក្មេងទំនើង ចូលចិត្តបង្ហោះម៉ូតូ តាមផ្លូវសាធារណៈ ...នៅកំពង់ស្ពឺ!

ក្មេងទំនើងមួយក្រុមដែលនិយមចូលចិត្ត​បង្ហោះម៉ូតូតាមដងផ្លូវសាធារណៈចំនួន ០៤នាក់ ត្រូវ​បានកម្លាំងកងរាជ​អាវុធហត្ថ​ខេត្ត​កំពង់ស្ពឺ​ ធ្វើការ​បង្ក្រាប និងឃាត់ខ្លួន​ យកមកអប់រំណែនាំធ្វើកិច្ចសន្យាបញ្ឃប់រាលទង្វើទំនើងដែលសង្គមស្អប់ខ្ពើម និងដកហូតម៉ូតូទុកជាបណ្តោះអាសន្ន​​ នៅទីបញ្ជាការកងរាជអាវុធហត្ថខេត្តកំពង់ស្ពឺ......

កំពង់ស្ពឺ​, ​ដោយ​អនុវត្តតាមគោលការដឹកនាំរបស់ ឯកឧត្តម​នាយ​ឧត្តម​សេនីយ៍​ សៅ​ សុខា​​​ អគ្គ​មេបញ្ជាការ​រង​ កងយោធពល​ខេមរភូមិន្ទ ​មេបញ្ជាការ​ កង​រាជ​អាវុធហត្ថ​លើ​ផ្ទៃ​ប្រទេស​ ព្រមទាំង​មាន​ការណែនាំ​ដោយ​ផ្ទាល់ពីសំណាក់​ ឯកឧត្តម បណ្ឌិត ជាម ច័ន្ទសោភ័ណ អភិបាល នៃ គណៈ អភិបាលខេត្ត​កំពង់ស្ពឺ​​​ ក្រោម​ការដឹកនាំ​បញ្ជា​ដោយផ្ទាល់យ៉ាងម៉ឺងម៉ាត់របស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងអង្គភាពនគរបាលយុត្តិធម៌ នៃបញ្ជាការដ្ឋាន កងរាជអាវុធហត្ថខេត្តកំពង់ស្ពឺ បានធ្វើការបង្ក្រាបករណី ក្មេងទំនើងចូលចិត្តបង្ហោះម៉ូតូតាមដងផ្លូវសាធារណៈ ដែលប្រព្រឹត្តកាលពីវេលាម៉ោង ០១:១០នាទី ត្រូវនិងថ្ងៃទី០៥ ខែកក្កដា ឆ្នាំ២០២៦ នៅត្រង់ចំណុចស្ពានចាស់ខាងត្បូងផ្សារកំពង់ស្ពឺ ស្ថិតនៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ និងបានធ្វើការឃាត់ខ្លួនជនសង្ស័យ ចំនួន០៤នាក់ ទី០១មានឈ្មោះ នឹល គីនីន ភេទប្រុស អាយុ២០ឆ្នាំ មុខរបរកម្មកររោងចក្រ ទី០២ឈ្មោះ ភឿន ពេជ្រ ភេទប្រុស អាយុ១៩ឆ្នាំ មុខរបរកម្មកររោងចក្រ ទី០៣ឈ្មោះ រិទ្ធ ពុទ្ធត្រា ភេទប្រុស អាយុ១៩ឆ្នាំ មុខរបរកម្មកររោងចក្រ ទី០៤ឈ្មោះ សំណាង វណ្ណា ភេទប្រុស អាយុ១៧ឆ្នាំ មុខរបរកម្មកររោងចក្រ ។ និងវត្ថុតាងចាប់យករួមមាន ម៉ូតូ ចំនួន០៣គ្រឿង (ម៉ាក HONDA DREAM ពណ៌ខ្មៅ ឆ្នាំ២០២៣ ផ្លាកលេខ កំពង់ស្ពឺ 1X-0834 , NEX ពណ៌ក្រហម ឆ្នាំ២០២៥ ផ្លាកលេខ ភ្នំពេញ 1KY-1321 , NEX ពណ៌ខៀវ ឆ្នាំ២០២០ ផ្លាកលេខ ភ្នំពេញ 1IG-7937) , ទូរស័ព្ទ ចំនួន0៣គ្រឿង (ម៉ាក IPHONE), ប្រាក់រៀល ចំនួន៣៩០ ០០០រៀល

បច្ចុប្បន្នក្រុមក្មេងទំនើងទាំង៤នាក់ ត្រូវបានកម្លាំងកងរាជអាវុធហត្ថខេត្តកំពង់ស្ពឺ យកមកអប់រំណែនាំ​ និងធ្វើកិច្ចសន្យាចំពោះមុខ ឪពុក ម្តាយ​​​ និង​អាណាព្យាបាល​ ដើម្បីបញ្ឈប់រាល់សកម្មភាពទំនើងទាំងនេះ ដែលនាំឱ្យប៉ះពាល់​ជាហេតុ ដល់ប្រជាពលរដ្ឋធ្វើដំណើរតាមដងផ្លូវ ព្រមទាំងធ្វើឲ្យប៉ះពាល់ដល់សណ្តាបធ្នាប់សាធារណៈ និងឈានទៅដល់បំផ្លាញទ្រព្យសម្បត្តិក៏ដូចជាកិត្តិយសគ្រួសារ ព្រមទាំងបង្ករការភ័យខ្លាចដល់អ្នកជុំវិញ ជាពិសេបង្កភាពអនាធិបតេយ្យក្នុងសង្គម ចំណែកម៉ូតូត្រូវបានកម្លាំងជំនាញដកហូតយកទៅរក្សាទុករយៈពេល០៣ខែ នៅទីបញ្ជាការកងរាជអាវុធហត្ថខេត្តកំពង់ស្ពឺ ៕

👉អាវុធហត្ថ​ខេត្តកំពង់ស្ពឺ​ បាន​ធ្វើការបង្ក្រាបនិងឃាត់ខ្លួនជនសង្ស័យ​ម្នាក់ បញ្ជូនទៅសាលាដំបូង​ខេត្ត​កំពង់ស្ពឺ​​​ ជាប់ពាក់ព័ន្ធ​ករណី​គ្រឿងញៀនក្នុងភូមិសាស្ត្រក្រុងច្បារមន...

កំពង់ស្ពឺ៖ក្រោមការដឹកនាំបញ្ជាដោយផ្ទាលយ៉ាងម៉ឺងម៉ាត់និងយកចិត្តទុកដាក់ខ្ពស់បំផុតរបស់​ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ‌‎ព្រមទាំងមានការសម្របសម្រួលនីតិវិធីពី​ ឯកឧត្ដម​ព្រះរាជអាជ្ញា អមសាលាដំបូងខេត្តកំពង់ស្ពឺ​​​​​​​​ កាលពីវេលាម៉ោង១០:៣៩នាទីព្រឹក​ ថ្ងៃទី០៤​ ខែកក្កដា​ ឆ្នាំ២០២៦ កម្លាំងមន្ទីរស្រាវជ្រាវ​ និងបង្ក្រាបបទល្មេីស​​​​ សហការ​ជាមួយកម្លាំងមូលដ្ឋានកងរាជអាវុធហត្ថក្រុងច្បារមន​ ដឹកនាំដោយ​លោកអនុសេនីយ៍ឯក​ ហ៊ត​ រិទ្ធី​ នាយសេនាធិការ​ មូលដ្ឋាន​កង​រាជ​អាវុធហត្ថ​ខេត្ត​ក្រុងច្បារមន​ បាន​ធ្វើការ​បង្រ្កាប​និង​ឃាត់ខ្លួន​ជនសង្ស័យ​ម្នាក់​ពាក់ព័ន្ធករណីគ្រឿងញៀន​ ស្ថិតនៅក្នុងភូមិត្រពាំងលេីក សង្កាត់​រកាធំ ក្រុងច្បារមន ខេត្តកំពង់ស្ពឺ។

ជនសង្ស័យមានឈ្មោះ លី ស្រឡឹម ភេទប្រុស អាយុ២៨ឆ្នាំ មុខរបរមិនពិតប្រាកដ ទីលំនៅបច្ចុប្បន្ន ភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ។ចាប់យកវត្ថុតាងបានរួមមាន : ម្សៅក្រាមថ្លាសង្ស័យជាសាធាតុញៀន ចំនួន០២កញ្ចប់​ (ទម្ងន់៧៥.៤២ក្រាម),ជញ្ជីងថ្លឹងគ្រឿងញៀន​ ចំនួន០១គ្រឿង​,ទូរស័ព្ទចំនួន០១គ្រឿង,ដែកកេះ​ ចំនួន​០២,កាបូ​ប​ពណ៌​ខ្មៅ​ (ដាក់គ្រឿងញៀន​)ចំនួន០១​​​ និងឧបករណ៍​ប្រើប្រាស់​គ្រឿងញៀន​មួយចំនួន​ទៀត​៊។

បច្ចុប្បន្នជនសង្ស័យខាងលើ រួមនិងវត្ថុតាងត្រូវបានកម្លាំងជំនាញការិយាល័យប្រឆាំង‌‎គ្រឿងញៀន ក្នុងមន្ទីរស្រាវជ្រាវ​និងបង្រ្កាបបទល្មើស​​ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ កសាងសំណុំរឿងបញ្ជូទៅ​សាលាដំបូងខេត្តកំពង់ស្ពឺដើម្បីចាត់ការតាមនីតិវិធី៕

👉ករណីអនុវត្តដីកាបង្គាប់ឲ្យចាប់ខ្លួន នៅថ្ងៃទី០៩.០៧.២០២៦ វេលាម៉ោង ០៩.៤០នាទី ស្ថិតនៅចំណុចភូមិ ស្វាយព្រៃឃុំ កណ្តោក ស្រុកកណ្តាលស្ទឹង ខេត្តកណ្ដាល។

ក្រោយពីទទួលបានព័ត៌មានថាជនជាប់ចោទកំពុងស្ថិតនៅចំណុចខាងលើ កម្លាំងផ្នែកជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលកណ្តោក បានចុះទៅដល់ទីតាំងកើតហេតុហើយធ្វើការឃាត់ខ្លួនជនជាប់ចោទបានតែម្តង។
-តាមដីកាបង្គាប់ឲ្យចាប់ខ្លួនលេខ ១០៦៦ ចខ/ងចុះថ្ងៃទី០៩ខែ កក្ដដា ឆ្នាំ២០២៦របស់លោក អ៊ុក សុវណ្ណារិទ្ធ ចៅក្រមស៊ើបសួរ នៃសាលាដំបូងខេត្តកណ្ដាលពីបទ រក្សាទុកនឹងជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិចំបក់ ឃុំកណ្តោក ស្រុកកណ្តាលស្ទឹង ខេត្តកណ្ដាល កាលពីថ្ងៃទី២៣ ខែកក្កដា ឆ្នាំ២០២៤។
ជនជាប់ចោទ ០១នាក់
ឈ្មោះ ហឿន ហ៊ាន ហៅខ្មៅភេទប្រុស អាយុ៣០ឆ្នាំជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិ គោរមៀត ឃុំ កណ្តោក ស្រុកកណ្តាលស្ទឹង ខេត្តកណ្ដាល។

ជនជាប់ចោទបានធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន(+) បច្ចុប្បន្នជនជាប់ចោទត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកកណ្ដាលស្ទឹង ដើម្បីបន្តចាត់ការតាមនីតិវិធី៕