09/11/2026
🚨 إسبانيا دخلات ملف الصحراء من باب الجنسية! والقرار اللي خرج اليوم من البرلمان الإسباني ماشي عادي نهائياً! 🇪🇸🇲🇦
🟢 مجلس النواب الإسباني صوّت اليوم على قانون جديد كيسمح بمنح الجنسية الإسبانية لفئة من الصحراويين اللي تزادو فالصحراء خلال الفترة اللي كانت فيها المنطقة تحت الإدارة الإسبانية، وحتى بعض الأبناء ديالهم يمكن يستافدو من هاد الحق.
🟢 القانون كيهضر على تسهيلات خاصة فمسطرة الحصول على الجنسية، وكيعطي إمكانية الاستفادة حتى للي ما عايشينش بشكل قانوني فإسبانيا، بشرط إثبات العلاقة بالمنطقة وبالفترة التاريخية المعنية من خلال وثائق محددة.
🟢 والأهم أن هاد التصويت جا فواحد الظرف حساس بزاف بين الرباط ومدريد، خصوصاً مع التوتر اللي وقع مؤخراً حول ملف سبتة، ومع استمرار الخلافات السياسية المرتبطة بملف الصحراء.
🟢 المفارقة الكبيرة هي أن إسبانيا من جهة كتأكد منذ 2022 دعمها لمقترح الحكم الذاتي تحت السيادة المغربية، ومن جهة أخرى البرلمان ديالها كيدفع اليوم ف اتجاه قانون خاص بالجنسية لفئة مرتبطة تاريخياً بالصحراء.
🟢 القانون مازال ما سالاش المسار ديالو، حيث خاصو يدوز من مجلس الشيوخ قبل ما يكمل الطريق التشريعي. ولكن التصويت ديال اليوم كافي باش يفتح نقاش كبير : واش هادشي غير تصحيح لوضع تاريخي، ولا أن مدريد بدات كتستعمل ورقة الجنسية بطريقة جديدة فملف الصحراء؟
واش كتبان ليكم هاد القضية ديال منح الجنسية الاسبانية للصحراويين بريئة و لا كاينة نوايا سيئة من الجانب الاسباني نحو المغرب ؟!!
#المغرب #إسبانيا #مدريد #الرباط #سبتة #الصحراء
