VETA

Usikose Kuangalia Kipindi cha VETA, Wiki ya Elimu, Ujuzi na Ubunifu, Leo Saa 3:05 usiku kupitia TBC1 Enjoy the videos and music you love, upload original content, and share it all with friends, family, and the world on YouTube.

Tanga | Katibu Mkuu Wizara ya Elimu, Sayansi na Teknolojia, Prof. Carolyne Nombo, Agosti 20, 2026 ametembelea Banda la VETA katika maadhimisho ya Wiki ya Elimu, Ujuzi na Ubunifu Kitaifa yanayofanyika jijini Tanga na kujionea shughuli na ubunifu mbalimbali unaofanywa na VETA katika kukuza elimu ya ufundi stadi nchini. Prof. Nombo amewapongeza VETA kwa kuendelea kutoa mafunzo yanayowawezesha vijana kupata ujuzi na weledi katika fani mbalimbali, amesema vijana wanaozalishwa na VETA wana mchango mkubwa katika jamii kwa kutumia ujuzi wao kujiajiri, kuajiriwa na kushiriki katika shughuli za maendeleo. Aidha, Prof. Nombo ameitaka VETA kuongeza juhudi za kujitangaza zaidi ili kuwafikia na kuwavutia watu wengi kujiunga na mafunzo ya ufundi stadi, ambapo kuongezeka kwa uelewa kuhusu fursa zinazopatikana VETA kutasaidia vijana wengi kutambua thamani ya ujuzi na kutumia fursa zilizopo.

KATIBU MKUU WIZARA YA ELIMU ATEMBELEA BANDA LA VETA WIKI YA ELIMU UJUZI NA UBUNIFU TANGA. Home KATIBU MKUU WIZARA YA ELIMU ATEMBELEA BANDA LA VETA WIKI YA ELIMU UJUZI NA UBUNIFU TANGA. sematv August 20, 2026 0  Katibu Mkuu Wizara ya Elimu, Sayansi na Teknolojia, Prof. Carolyne Nombo, Agosti 20, 2026 ametembelea Banda la VETA katika maadhimisho ya Wiki ya Elimu, Ujuzi na Ubunifu Kitaifa ...

Watu wenye ulemavu wanaotaka kupata ujuzi wa ufundi stadi sasa wana fursa ya kusoma bila kulipa karo katika vyuo vya Mamlaka ya Elimu na Mafunzo ya Ufundi Stadi (VETA), baada ya Mamlaka kuweka utaratibu wa kugharamia karo zao. Meneja Uhusiano na Masoko wa VETA, Sitta Peter, amesema utaratibu huo ulianza mwaka 2025 na unalenga kuhakikisha watu wenye ulemavu wanapata fursa sawa ya kupata ujuzi, kujiajiri au kuajiriwa. Akizungumza katika Wiki ya Elimu, Ujuzi na Ubunifu inayoendelea mkoani Tanga, Sitta amesema waombaji wenye ulemavu wanapaswa kufanya maombi na kufuata taratibu za udahili katika vyuo vya VETA, huku karo zao zikilipwa na Mamlaka. Amesema wanafunzi hao wataendelea kugharamia mahitaji yao binafsi kulingana na mazingira ya mafunzo, ikiwemo usafiri kwa wanaosoma kutwa au mahitaji binafsi kwa wanaoishi bweni. Sitta amesema fursa za mafunzo ya VETA zinapatikana kwa Watanzania wenye viwango mbalimbali vya elimu, kuanzia waliomaliza elimu ya msingi hadi wenye shahada na shahada za uzamili, huku kila mmoja akiwa na fursa ya kuchagua stadi inayoweza kumsaidia katika ajira au kujiajiri. Aidha, amesema VETA inaendelea kutekeleza Mradi wa Elimu na Stadi kwa Ajira zenye Tija Awamu ya Pili (ESPJ II), unaolenga kuanzisha vituo 15 vya umahiri katika maeneo mbalimbali ya mafunzo ya ufundi stadi. Amesema vituo hivyo vitaongeza ubora wa mafunzo na kuwaandaa wahitimu wenye ujuzi unaokidhi mahitaji ya soko la ajira, ikiwemo fursa za ajira nje ya Tanzania kupitia vyeti vya kimataifa.

SEKIBOKO: VIJANA GEUZENI UJUZI KUWA AJIRA

Mwenyekiti wa Kamati ya Kudumu ya Bunge ya Elimu, Utamaduni na Michezo, Mheshimiwa Husna Sekiboko, ametoa wito wa kuimarishwa kwa elimu na mafunzo ya ufundi na ujasiriamali nchini, akisema ujuzi wa vitendo unaweza kuwa silaha muhimu kwa vijana katika kukabiliana na ukosefu wa ajira kwa kujiajiri na kuunda ajira kwa wengine.

Amesema hayo jana, tarehe 19 Agosti, 2026 akiwa kwenye banda la VETA katika Maadhimisho ya Wiki ya Kitaifa ya Elimu, Ujuzi na Ubunifu, Jijini Tanga.

Sekiboko amesema badala ya vijana kuhitimu na kuendelea kusubiri ajira, wanapaswa kutumia ujuzi wanaoupata katika vyuo vya ufundi kuanzisha shughuli za uzalishaji, huku Serikali ikiendelea kuweka mazingira ya kuwawezesha kupata vitendea kazi, mitaji na masoko.

Amesema changamoto ya ukosefu wa ajira inahitaji suluhisho linalowafanya vijana kuwa sehemu ya uzalishaji, akisisitiza kuwa kijana mwenye ujuzi ana uwezo wa kujiajiri na baadaye kuwa mwajiri wa wengine.

“Ni bora kijana kuanza na kile kidogo alichonacho na kujenga shughuli yake mwenyewe, kwa sababu anaweza kujiajiri na baadaye kuajiri wengine. Kwa kufanya hivyo, anakuwa amefanya zaidi kwa ajili yake mwenyewe na jamii yake kuliko kusubiri ajira pekee,” amesema.

Ametoa kauli hiyo baada ya kutembelea banda la VETA na kukutana na vijana na wanachuo na wahitimu wa VETA ambapo amesema ameona uwezo mkubwa walionao katika kutengeneza bidhaa na kutoa huduma zinazoweza kukidhi mahitaji ya jamii.

Kwa mujibu wa Sekiboko, vyuo vya ufundi stadi vina nafasi kubwa katika utekelezaji wa jitihada za kukabiliana na ukosefu wa ajira kwa sababu vinawapatia vijana ujuzi wa vitendo ambao unaweza kutumika moja kwa moja katika uzalishaji.

Amesema ili ujuzi huo uwe na matokeo makubwa zaidi, vijana wanahitaji mazingira mazuri ya kujifunzia, vifaa vya kufanyia kazi na fursa za kupata mitaji ili kugeuza ujuzi wao kuwa biashara na ajira.

Amehimiza vijana kutumia fursa zinazotolewa na Serikali na taasisi mbalimbali kupata ujuzi na mitaji, akisema mtaji mdogo unaweza kuwa mwanzo wa shughuli kubwa endapo utatumika vizuri.

“Lengo ni kuondokana na utamaduni wa kusubiri ajira pekee. Kijana akipata ujuzi, anaweza kuutumia kuzalisha ajira yeye mwenyewe badala ya kusubiri kuajiriwa katika taasisi,” amesema.

Amesema hatua hiyo pia inaweza kusaidia kufikia malengo ya Dira ya Maendeleo ya Taifa 2050 kwa kuongeza idadi ya vijana wanaoshiriki katika uzalishaji na kujenga uchumi kupitia ujuzi, ubunifu na ujasiriamali.

#michuzitv_updates :-Mamlaka ya Elimu na Mafunzo ya Ufundi Stadi (VETA) inatekeleza Mradi wa Elimu na Stadi kwa Ajira zenye Tija Awamu ya Pili (ESPJ II), unaolenga kuimarisha mafunzo ya ufundi stadi nchini kupitia uanzishaji wa vituo 15 vya umahiri katika maeneo mbalimbali. Akizungumza katika Wiki ya Elimu, Ujuzi na Ubunifu, Meneja Uhusiano na Masoko kutoka VETA Sitta Peter, amesema mradi huo ni sehemu ya hatua za Mamlaka hiyo kupanua mafunzo ya ufundi stadi na kuhakikisha vijana wanapata ujuzi unaoendana na mahitaji ya soko la ajira. Amesema vituo hivyo vitajikita katika maeneo maalumu ya mafunzo na umahiri, hatua inayolenga kuongeza ubora wa mafunzo na kuwaandaa wahitimu wenye uwezo wa kufanya kazi kwa viwango vinavyohitajika katika sekta mbalimbali kwenye soko la ajira kimataifa. Amewahimiza wananchi kutumia fursa ya maonesho ya Wiki ya Elimu, Ujuzi na Ubunifu kutembelea banda la VETA na kupata taarifa kuhusu kozi zinazotolewa, hasa kwa kuwa maombi ya mafunzo ya muda mrefu yanaendelea kupokelewa. Amesema VETA ni kwa ajili ya Watanzania wote yaani wenye viwango tofauti vya elimu, kuanzia waliomaliza elimu ya msingi hadi wenye shahada na shahada za uzamili, hivyo wananchi wanapaswa kuchagua stadi wanayoona inaweza kuwasaidia katika ajira au kujiajiri.

ERNEST MASHIKU MLEMAVU WA MACHO ANAYEJIVUNIA UJUZI WA USELEMALA KUTOKA VETA nifahamishe blog

MWANAFUNZI VETA KIPAWA AJA NA BUNIFU SULUHISHO LA UDHIBITI WA AJALI BARABARANI nifahamishe blog