Michael Noel

KUKOPESHA WASANII WASIO NA ELIMU YA FEDHA SERIKALI IMEKOSEA- MUSUKUMA

Mbunge wa Geita Joseph Kasheku Musukuma wakati akichangia kwenye bajeti ya wizara ya Habari, Utamaduni, Sanaa na Michezo amekosoa kitendo cha serikali kupitia mfuko wa sanaa kukopesha mabilioni ya fedha wasanii ambao wengi wao wameshindwa kurejesha mikopo hiyo.

Amesema Wasanii wengi hawana elimu ya fedha, hivyo wengi wao wameitumia mikopo hiyo kununua magari ama kuoa na hivyo kujikuta wanashindwa kutimiza malengo ya mikopo waliyopewa.

Mbunge Msukuma amesema ni vyema mikopo hiyo ikatolewa kwa watayarishaji (producers) badala ya kukopesha wanaoonekana kwenye Tv (Luninga) kwa kuangalia mionekano yao (shape) kitendo kinachosababisha serikali kukosa marejesho ya mikopo hiyo.

KISA DERBY MUSUKUMA ATAKA BODI YA LIGI IVUNJWE

Mbunge wa Geita Joseph Kasheku Musukuma amemtaka Waziri wa Habari, Utamaduni, Sanaa na Michezo kuja na Majibu yanayoeleweka kuhusiana na mvutano unaoendelea baina ya Klabu ya Yanga, TFF, Bodi ya Ligi na Simba sc baada ya kuahirishwa mchezo wa Watani wa Jadi Yanga sc vs Simba sc Machi 08 mwaka huu uwanja wa Benjamin Mkapa Dar es salaam na Yanga sc kuweka msimamo wa kutocheza tarehe nyingine iliyopangwa.

Katika sehemu ya mchango wake Bungeni Jijini Dodoma wakati wa wasilisho la Bajeti ya Wizara hiyo, Musukuma ameshauri iundwe bodi mpya ya ligi iliyo huru badala ya hii inayopokea maelekezo.

Nini maoni yako juu ya Mchango huu wa Msukuma? Tuandikie

PROF KABUDI AOMBA BAJETI YA TSH BIL. 519,660,073,000

Wizara ya Habari, Utamaduni, Sanaa na Michezo kupitia kwa Waziri wake Prof. Palamagamba Kabudi imeliomba Bunge kuridhia bajeti ya wizara hiyo kwa mwaka wa fedha 2025/26 ikiwa na makadirio ya shilingi bilioni mia tano kumi na tisa milioni mia sita sitini na elfu sabini na tatu (519,660,073,000).

Bajeti ya wizara hiyo imesomwa leo Mei 07, 2025 na Waziri Prof. Kabudi Bungeni Jijini Dodoma.