03/08/2026
⚽ 喺台灣想搵腳踢波？想放膽講全廣東話，唔使「雙語切換」？
【林港聯】SINCE 2020 ｜ 大台北廣東話足球隊 🔥
我哋「始於林口，活躍大台北」！喺【林港聯】 踢波，最大樂趣就係全程全廣東話溝通，完全唔使 NICAM 國粵語切換！我地主打100% 高度還原香港街場 FU～
不論你係神腳、平時踢開聯賽，定係好耐冇踢、想去球場流下汗嘅「球場小飛俠」，只要你熱愛踢波，北部嘅港澳星馬廣東話朋友仔，都歡迎加入我哋 【林港聯】呢個大家庭！
✨ 我哋平時玩咩？
⚽ 每週賽事：定期玩波、友誼賽，感受最純粹嘅廣東話球場態度！
🍻 睇波聚會：不定期一齊睇波、食飯、吹水吃喝萬樂
🎤 節慶圍爐：逢年過節聚頭食飯、唱K狂歡，喺台灣都有屋企人嘅感覺！
喺呢度唔止係踢波，仲可以交到過頸好朋友，一齊建立喺台灣嘅「廣東話共榮圈」！🤝
🤝 【特別招募 ＆ 跨界合作】 除了球員之外，我哋亦非常歡迎：
💼 商業合作／贊助：歡迎熱血、有心嘅「大老細」同我哋傾合作或贊助，一齊壯大呢個廣東話社群！
📸 影相拍片技術支援：如果你有攝錄、攝影、剪片專長，想幫球隊記錄球場精彩瞬間，歡迎加入我哋嘅 Media Team！
👉 心動不如行動，快啲 PM 我哋或者喺下面留言加入啦！
#林港聯 #大台北港人足球隊 #在台港人 #廣東話共榮圈 #香港街場 #馬來西亞人在台灣 #香港人在台灣 #廣東話足球 #大台北足球 #台灣足球 #台北足球 #新北足球 #桃園足球 #台灣踢波 #台北踢波 #新北踢波 #桃園踢波
