Mohammed Elyas محمد الياس

ي شباب أنا الليلة مستمتع من نفسي شديد خلاص 😁 انتو عارفين انو أنا غيرت الشغل بتاعي من مصانع لإنشاءات وقبل ما أغير الشغل سالت الناس الشغالة قلت ليهم إذا اشتغلت حأقدر امش الجيم ولا لا المهم كلهم قالو لى الشغل براو جيم ومستحيل تقدر تمش لأنك بتجي ميت بس 😂
المهم أنا الليلة اشتغلت ومشيت الجيم بس في حاجة وحدة خاربة مزاجي لأني ما كملت احتياجي ودا لانو ما عدلت النظام حقي ودا يعتبر أسوء أسبوع واجهني لانو ما كنت بقفل احتياجي كل يوم المهم حسي نترقب يوم عطلة عشان نظبط نظام جديد
وفي النهاية ما تسمع كلام الناس قبل ما تجرب الحاجة لانو كل زول وقدرتو لاكين بيني وبينكم تعبان والله😂😂💔لكن نتامل انو إذا ظبطنا الأكل الموز بتظبط ان شاءالله

الفرق 3 شهور ….
#جيم #تطور

تمرين اليوم علوي تم✅


اتمرنتو شنو ي شباب 🏋️

70 كيلو يطبخ على نار هادئة 😌

دي اول التعديلات في الشهر دا جهزت وجبات بعد التمرين لأسبوع كامل عشان حرفيا كنت باخد وقت كتير عشان احضر وجبة ودا واحد من الأسباب البقلل وقت النوم حقي المهم كدا وفرنا نص ساعة مرتاحة نضيفها لزمن النوم😂

نتيجة اول شهر تضخيم..🏋🏽
دا نتيجة اول شهر تضخيم كنت بتمرن 3 أيام في الأسبوع وكنت ماشي على نظام 2600 سعرة المهم في الشهر دا واجهني تحديات كتيرة واتعملت حاجات كتيرة يعني مثلا من التحديات الواجهتني إني ما بقدر اقفل سعراتي في بعض الأيام ودا بسبب طبيعة الشغل بتاعي وضيق الوقت العندي المهم حاليا لقيت حل للموضوع دا والتحدي التأني كان في النوم حرفيا كنت بنوم 6 ساعات ومرات ما بقدر أنوّم كويس لعدة أسباب المهم ان شاء الله حنعمل تطور اكبر من كدا في الأشهر الجاية .
في الشهر دا زدت 2كيلو ماء وجلايكوجين وشوية عضل
وبس دا كان الشهر الأول من الرحلة وإن شاء حأعمل فيديو أوضح ليكم كل الحصل في الشهر دا .
#جيم