The Tunisian Football Critic

كيفاش الترجي تنجم ننقذ الكرة التونسية؟

المنتخبات التونسية القوية كانت فيها عمود فقري محلي من الفرق الكبرى و محترفين فقط لتقديم الإضافة لا للنزهة... نبداو من وقت اللي انا بديت نتفرج في الكورة اي أواخر التسعينات... منتخب متكون من الأربعة الكبار خاصة النجم الساحلي و الإفريقي و الترجي... هذا كان آخر مساهمة فعلية للإفريقي بلاعبين كيما صبري جاب الله و الرويسي و السليمي و غيرهم وبعد الفترة هذي مساهمة الإفريقي في المنتخبات القوية أصبحت محدودة عدديا.. ثم جات الفترة الذهبية، المنتخب بين 2004 و 2006؛كان المنتخب يهيمن عليه المحترفون مع عمود فقري من النجم الساحلي (جزيري، حڨي، جديدي، غضبان) و الترجي(كلايتن، بدرة، جعايدي، مالكي)... أواخر الألفينات مرينا بفترة فراغ أصعب من الحاليةسببها فكرة غالطة طالب بيها الجمهور وهي إقصاء كل المحترفيين و التعويل فقط على المحليين في فترة لم يكن فيها أي فريق تونسي قوي فعلا، حيث برز الترجي بالدراجي و المساكني و العياري و القربي و الراڨد و البوعزي، ليس كفريق قوي فعلا، لكن كفريق استفاد من تراجع الكرة المحلية و تراجع الأهلي قاريا بفعل الأحداث في مصر، و لذلك هذا العمود الفقري فشل في النهوظ بالمنتخب...ثم بعد عامين النادي الصفاقسي كون فريق عالمي خسارة ما فازش بدوري أبطال إفريقيا... لاعبين كيما الخنيسي و الروج و ساسي و منصر و المثلوثي كونو عمود فقري لمنتخب رجع تونس من المرتبة 65 عالميا للمراتب الأولى في القارة و هزم مصر في مصر في مباراة رسمية... ثم جاء منتخب فترة 2017 -2019 و اللي مجددا هيمنو عليه الترجي و النجم بدري، مساكني، خنيسي، روج، ساسي، رامي البدوي، النڨاز، حمزة لحمر، بن عمر، الطرابلسي...المنتخب هذا مع المحترفين اللي جاو في منديال 2018 هو آخر منتخب قوي لتونس لأن كل الإنجازات اللي جات بعدو زهر (نهائي كأس عربية تونس كانت المنتخب القوي الوحيد اللي شارك فيها بالفريق الأول، ترشح بهدف عكسي لمنديال 2022 و انتصار مشككوك فيه ضد فرنسا و ترشح في مجموعة اكثر من سهلة لمنديال 2026)... علاش طحنا من 2019؟ مرة أخرى، الجمهر غلط لكن المرة هذي فكرة خاطئة أخرى: إغلاق الباب في وجه المحليين...

نرجعو للفكرة الأساسية... كيفاش الترجي ينجم يرجع الكرة التونسية... الإتصالات بالمستوري و دوليين آخرين جارية و ممكن فما زوز أسماء دولية قادرة تجي و نزيدوهم وجود رفيعة و بن علي و الليفي و غيرهم، ينجم الترجي يكون نواة منتخب جديدة محلية مع الإفريقي و صفاقس و النجم... مع غربلة للاعبين المحترفين خارج تونس، علاش لا؟الريسك الوحيد هو فشل لاعبي الفرق هذي في المنافسة مع الأجانب.

حتى نهاية الألفينات، كانت الأندية المصرية و التونسية تسيطر على المراتب العشرة الأولى في إفريقيا... أما الآن فتونس تغيب حتى على ترتيب العشرين الأفضل بإستثناء فريق الترجي

علاش الترجي متميز على الفرق التونسية و كذلك على منتخب تونس... لأنو فريق يراجع روحو..الترجي يبني حتى على نتايج و اغلاط فرق أخرى بما في ذلك منتخب تونس... اللاعب التونسي و الإفريقي ضعيف ذهنيا و هندو هشاشة نفسية.... اكتشف هذه الهشاشة و اقتنع بيها مع نتايج المنتخب في الكان و المنديال... تحرك و عين ناس في الإعداد الذهني... والمنتخب و الجامعة وقتاش يتحركو؟؟

قريت التعليقات على تعيين معين الشعباني ناخب وطني في صفحة الجامعة و استوقفني أن التعليقات انقسمت بين التفاؤل و الطموح المبالغ فيه بالمطالب الغير عقلانية و كذلك التشاؤم المبني على فكرة أننا معندناش ملاعبية...

أحسن حل لا هكة ولا هكة... الجينات التونسية مهيش متاع كرة قدم مستوى أروبي وهي كذلك مش دونية لدرجة نوليو نحطو راسنا من راس سوريا ... اللي عطا لتونس اسم في كرة القدم الإفريقية هو الدهاء التكتيكي و انظباط اللاعب التونسي و للأسف دمرنا هذا الكل في عامين بطموح غير مشروع و الإستماع للفايسبوك و كذلك ضعف التسيير...

لذلك لازم التوانسة يعرفو يطمحو بالعقل... شخصيا اللي نطلبو من معين هو أنو يرجعنا وين كنا،منتخب ما ميمكتعش لأنو مينجمش لكن ولد أمو اللي يتعدا معاه افريقي او اروبي او آسيوي... نرجعو وين كنا يعني نلعبو الأدوار الأولى للكان اي من ال8 الأوائل و نترشحو للمنديال و نتعبو الأقوى منا و نتعادلو مع اللي كيفنا و نربحو مع الأضعف و نغدرو كان نجمنا... نرجعو غادي مهمة صعبة جدا لكن ممكنة كان عطينا الراجل الوقت...إذا كان فما فرصة للتحسين ، العقلانيين كيفي مناش ضدو، لكن توا بعد ما دمرنا مكتسباتنا لازمنا برشا وقت بش نسترجعوها ثم تجي فترة البناء على هذه المكتسبات سواء بقيادة المدرب اللي يقودنا للهدف هذا ولا بقيادة غيرو...

و نطالب معين كذلك انو يكون اول مسير في تاريخ المنتخب يعطي اولوية لقضية الهشاشة النفسية للاعب التونسي... يا معين راهو حد ماهو فايق بيها القضية هذي و كان تخرج انت و تثير النقطة هذي كأولوية راهي بش تتسجلك في تاريخك الحافل رغم صغر سنك..

في ترتيب أحسن الرياضيين العرب في كل رياضة على حدة، نجد حضور بارز لتونس و مصر

المنتخب المصري من سنة 2021 انتهج تكتيكا دفاعيا مكنه من الوصول لنهائي كأس إفريقيا و نهائي تصفيات كأس العالم بالتعادلات ...

في كأس إفريقيا الموالية تعادل في كل مباريات الدور الأول و تعادل في دور ال16 ضد الكنغو لينسحب بضربات الجزاء...

في تصفيات المنديال المنتخب المصري لعب بأسلوب البلوك و التحولات السريعة و الهجمات المعاكسة مع تغيير التكتيك اذا سمحت الظروف

مصر ينطبق عليها حاليا وصف إيطاليا إفريقيا فبينما تصارع فرق القارة للحفاظ على تركيزها آخر المباراة تجد مصر تقف للحظات الأخيرة بثبات الطليان

في هذه الأثناء طالما النتائج مشرفة تجد الإعلام المصري و الجمهور المصري و اللاعب المصري راضين لأنهم ناس وهبهم الله التواضع و القناعة و نالوا جزاء صبرهم

في نفس الوقت فما بلاد كانت عندها إسم بالأسلوب الدفاعي تلقا فيها واحد ميفرقش بين الظهير و الجناح يحك راسو و يقلك: يزينا من الحظبة و ڨول، على أساس هو مورينهو و البلاد ما فيبالهاش...

هاك نحيت الحظبة و ڨول و هاك خرجت من خارطة الكرة وليت وراء سوريا و الأردن و العراق و يحبلك سنين بش ترجع وين كنت قبل

لم تحدث مفاجأة منذ بدأت متابعة المنديال في 2002 بحجم ما يقدمه منتخب الرأس الأخضر... قد يقول البعض السنغال أقصت بطل العالم في 2002 و كوريا أقصت ألمانيا و تونس هزمت فرنسا... لا، السنغال و كوريا عملاقان في قارتيهما و تونس في 2022 لم يكن فريقها مجهولا و فرنسا لم تلعب للفوز يومها... لكن الرأس الأخضر فريق مجهول دوليا في قارة غير منتظمة النتائج في المنديال يضع رجليه لأول مرة في الكأس العالمية ليحرج كبار العالم... هذا الفريق غير تاريخ الكرة و سيحدث زلزالا ستمتد ارتجاجاته لعقود

كم هي رائعة هذه المنتخبات الإفريقية الأخرى: كل التهاني لمصر و المغرب على ما يقدمانه من رجولة و تفان في حب الوطن و اتقان لعملهم..

A la selección de Cabo Verde yo digo: chicos, habéis dado una lección al campeón del mundo. Lo que habéis hecho va a cambiar el fútbol mundial por décadas.

تشكيلة ممكن ياسر نشوفوها في الترجي، آخر صرح حاليا يدافع على سمعة الكرة التونسية..متأكد اللي هي أقوى من تشكيلة اللموشي... نتمنى أن يتمكن الإفريقي من تخطي حاجز الخبرة الإفريقية و تشريف الراية الوطنيى

من الحقائق التي يقولها الكثيرون في قرارة أنفسهم لكن لا يجرؤون على الإعتراف بها لأنها مؤلمة: :

1- تونس لا تستحق التأهل للمنديال و وجودها فيه هو محض صدفة حيث لو تواجد فريق افريقي عملاق معها في التصفيات لما تأهلت.. ليس من المنطقي تواجد تونس في المنديال و غياب نيجريا و الكامير ن

2- تونس لا تستحق الإنتصار على فرنسا في منديال قطر و الفرنسيون تركو المجال لتونس لتلعب خوفا من سيناريو تأهل الدنمارك

3- مستوى تونس في الأعوام الفارطة أصبح قريبا من مستوى عرب آسيا خااصة فرق الشام كسوريا و لبنان و الأردن و الهزائم مع سوريا ليست محض صدفة...

4- السبب الحقيقي للخيبات الكروية المتتالية هو الهساشة النفسية

5- الجماهير التونسية ساندت الكثير من القرارات التي ترفضها اليوم مثل:

- تغيير منتخبات التصفيات بمنتخبات شبه محترفة كلما تأهل المنتخب للمنديال و تتحمل المسؤولية الأخلاقية في المظلومية التي لحقت الكثيرين...

- التخلي على ركائز في المنتخب

- خيارات المكتب الجامعي فيما يخص اختيار المدربين و الفنيين.

6- الجماهير التونسية تتحمل المسؤولية الأخلاقية المتمثلة في تبجيل مصلحة أندية لا تشارك حتى في كأس إفريقيا على مصلحة منتخب كان له إشعاع عالمي و إفريقي في الماضي القريب

7- ليس لتونس مستوى عظيم مخفي... نستطيع أن نعود كما كنا منتخبا تكتيكيا نحرج أي منافس في العالم و يمكن البناء على ذلك... غير هذا الهدف هو مسكنات...

قلتلهم الترجي أقوى من المنتخب تغششو... بن حميدة في الترجي الجمهور ڨالڨ منو و في المنتخب يلعب خير من المخير فيهم...