الترجي الشعبية

19/08/2026

Go go🏃‍♀️🏃‍♂️🏃‍♀️🏃‍♂️

و كان إنت زادة عندك نومرو متاع مشغّل آخر وما تحبّش تخسرو، أما تحب تولّي ترجي موبيل، ساهل برشا 🤩

أدخل للsite متاعنا، عمّر الاستمارة وخلي الباقي علينا 👌

الـ puce الجديدة توصلك وين ما تحب، بنفس النومرو، والتوصيل مجاني 🚚

مالا فاش تستنّى؟ جيب نومروك وإيجا معانا 💪🔴🟡

حكاية معاك ما توفاش… 💛❤️

رابط الإستمارة https://www.tarajimobile.com.tn/formulaire

18/07/2026

يا مكشخ الاشتراك السنوي، بطاقة الانخراط، والترجي موبيل ماهمش مزيّة تعملها على الجمعية، بل واجب على كل واحد قادر يساهم ويدعم ناديه من القنوات الرسمية.
الجمعية القوية ما تتبناش كان بالنتائج والانتدابات، تتبنى زادة بجمهور واعي، يعرف اللي كل اشتراك وكل مساهمة تنجّم تقوّي موارد النادي، تعاون على تطوير فروعو، وتحافظ على استقلاليتو وقدرتو على التخطيط للمستقبل.
وزاد اليوم المولود الجديد My Taraji، اللي يوفّرلك خدمات تستعملها في حياتك اليومية: تخلّص فواتيرك، تعمل تحويلات مالية، تشرّجي تليفونك، وحتى تدعم الجمعية مباشرة.
يعني في بلاصة ما تستعمل خدمات أخرى، تنجّم تختار خدمة تحمل اسم الترجي، تقضي بيها شؤونك اليومية، وفي نفس الوقت تساهم في دعم ناديك.
و الشراء من الترجي ستور موش واجب، وكل واحد وقدرتو وظروفو.
لكن الواجب الحقيقي إنك ما تشريش السلعة المضروبة، وما تساهمش في تكسير سوق الجمعية، وما تعطيش فلوسك لناس تستغل اسم الترجي وشعارها من غير ما يرجع حتى مليم للنادي.
تحب الترجي؟
اشترك، انخرط، استعمل الترجي موبيل وMy Taraji، واشري الرسمي وقت تكون قادر

26/06/2026

ميركاتو الصيف - 🏁🇧🇪
مدافع النادي الرياضي الصفاقسي يوسف حبشية مطروح على طاولة إهتمامات نادي الترجي الرياضي التونسي ..
و يبدو أن اللاعب رافض الإنتقال للترجي ..

هذا اللاعب عمره 23 عام قلب دفاع تكوينه في السياساس و عقده مع فريق عاصمة الجنوب ينتهي في جوان 2028 ..
قوي بدنيا ، يملك لياقة بدنية عالية و عالية جدا ، ممتاز جدا في الثنائيات الهوائية خاصة و طوله 1,92 متر ..

سوى في قلعة الأجداد أو في الترجي المهم يكون في فريق ينافس قارياً يشرّف تونس 🇹🇳 أو يمشي لأوروبا ..
إن شاء الله يواصل في الخدمة ، يخدم أكثر باش يتطور أكثر على جميع المستويات باش يعاون أكثر كورتنا أنديتنا و لما لا في المستقبل لو برز تألق أكثر منتخبنا ..

لي فيه الخير للكرة التونسية ..

26/06/2026

14/06/2026

الترجي موبيل™️ شركة تابعة بنسبة 100% للترجي الرياضي التونسي.
يعني كل مكالمة، كل رسالة نصية تبعثها، وكل استهلاك إنترنت تعملو... يساهم مباشرة في مداخيل الجمعية.

تحب رقم جديد يبدأ بـ90 🇧🇪🫆؟
تنجّم تاخو البيس من ترجي ستور مونبليزير، شارع قرطاج، الباساج، ولا من أقرب نقطة بيع اتصالات تونس

تحب تخلي نفس النومرو 🇧🇪🫆؟
عمّر الاستمارة وإحنا نبعثولك البيس لباب الدار مجانًا ومعاها هدية 🎁
🔗 https://www.tarajimobile.com.tn/formulaire 🔗

بالنسبة للعروض، عنّا أوفر 35 مليم سوم الدقيقة، ولا زادة أوفر 500% بونيس وإنت اختار العرض اللي يناسبك 👌

نجيو للرسمي: الفرق الحقيقي بين ترجي موبيل وبقية المشغّلين، إنّو الاستهلاك اللي تعملو كل يوم من مكالمات، إرساليات قصيرة، وأنترنات موبيل… يمشي لجمعيتك، للترجي الرياضي التونسي.

بمعنى آخر، استهلاكك اليومي ما يوقفش عند التواصل والأنترنات، بل يولّي زادة مساهمة مباشرة في مداخيل الترجي الرياضي التونسي 🇧🇪

هذا علاش .. هذا موش مجرد رقم…
هذا انتماء.
هذه هويّة.
هذه طريقة تقول بها:
"أنا مكشّخ… أنا الترجي كل يوم."
ترجي يا دولة! 🫆❤️💛