أحباء بنزرت

بنزرت في عام 1893
كيما تشوفوا التوتة اللي تسمات عليها قهوة التوتة وواللي كانت موجودة في الرحبة و كانوا يتلمو فيها التجار و الحرفيين ..
الرحبة مركز المدينة العربي ،،كانت تمثل سوق المدينة و الساحة التي تربط بين احيائها ..فيها عين باب المدينة
BIZERTE
احكيولنا على ذكرياتكم و ذكريات اجدادكم خلي نعاودوا نسجلوا تاريخ بنزرت و نعاودو مع بعضنا نكتبوا اللي تنسى

قنطرة باب تونس ..وتتسمى زادة قنطرة الاقواس السبعة و تتسمى قنطرة عثمان داي .باسم الداي اللي بناها في اواخر القرن السادس عشر ..القنطرة هاكي كانت تربط بين القصيبة و دزيرة الربع ..بعض المؤرخين يحكيو اللي اللي من عهد الرومان كانت فما قنطرة تربط القصيبة و الدزيرة ..و عثمان داي عاود بناها ..
الربع كان جزيرة في قلب بنزرت ..و كانت مربوطة من شيرة المدينة العربي (جهة نهج العطارين ) بقنطرة الصقالة اللي فيها قوس واحد ...و من جهة القصيبة بقنطرة باب تونس اللي فيها 7اقواس ..في مداخل الزوز قناطر كانو التجار ينصبو بالبضائع متاعهم ..خضرة و غلة و حوت و توابل ...وقت جا الاحتلال الفرنسي كسر في البداية الجزء الاوسط مالقنطرة بش الزوارق الحربية متاعو ينجمو يدخلوا للبحيرة ..و بعد ما حفر القنال الفاصل بين جرزونة و بنزرت و اللي يربط البحيرة بالبحر المتوسط ..تم ردم القنال اللي تتعدا فوقو القنطرة ..و بعد تم هدم القنطرة و هدم باب تونس اللي يعتبروا من اجمل المعالم التاريخية في بنزرت ...
اليوم في بلاصة القنطرة ..الطريق اللي يهز من مدخل القصيبة لسوق الحوت و الا صالة الصفاقسيى ....ذكريات محلاها ..و كل فترة و مميزاتها ..و هاكي الدنيا

بنزرت قبل 150 عام ..شكون عرف البلاصة وين

اليوم نهار مصلي عالنبي... سخانة وشهيلي، لطفك يا رب.

راجع من بنزرت للمنزل، الكار شادّ الكياس، نوصلوا رمبوان سيدي حمد، نلقى راجل كبير يدزّ في مطوّر، والعرق يقطر من جبينو.

حبّسلو الشفور متاع الكبار، قالو: "شبيك يا بابا؟"
قالو: "موطور طاحت بان، يا ولدي."
سألو: "وين ماشي؟"
قالو: "لمنزل بورقيبة ."
ما تردّدش، طلعو للكار...
وأقسم بالله، مزالت الرحمة ساكنة في قلوب البعض.
ربي يبارك في الشفور، ويرحم والديه، ويكثر من أمثالو.