GROMBALIOS

وجيعة ما يحسها حد بخلاف العباد المهبلة بالجمعية ٠٠ اليوم محب مشى باللواج و المبترو و لواج مرة اخرى و ستوب على موتور في طقس بارد علخر في ستاد في اخر الدنيا و ناس تتفرج فالخلاء و ريح و ناس تلم بعضها و تزدم معاها وين تلعب ناس تبكي فالخسارة و ناس تسلم في عايلاتها و مصالحها بش اتبع جمعيتها.. نقسم بالله رجال تبكي و رجال فالغربة اتبع بالتاليفون .. ما نحسو بالوجيعة كان احنا الي نحبوها من غير حتى مصلحة و تعكعيك نحنا قلوبنا توجعنا على اسم جمعيتنا اليوم مدرب والله لا يشم شيء مالكورة الي جابو عبد ما يشم شيء مالكورة و التسيير..
جمعية تتسير بالكيف متاع فلان الي يكرز عليه يطردوا جمعية دار مقام عاملينها ملخر حد منكم ماو عامل مزية عالحريڤة و راي جمعية ملك جمهورها و ملك الزواولة

جمعية ما فيها حد يفهم شوية كورة جايبين مدرب منتهي فاشل ياخي تخمموا بمخاخكم؟

قولو نبارة قولو الي تحبوا اما راكم ما تشمو شيء مالكورة و التسيير و الي يقول عندي سنين نسير فالجمعية اهوكا ديحا 10 سنين و احنا في الحضيض اكثر من 10 سنين فالرابطة الثالثة جراير التسيير متاع الكيوف.. عندك اولادك يكورو في جمعيات منافسة خير ملي عندنا بسبيعن مرة اما لا كبفاش سي فلان ميحبهمش ..

يا رئيس تحب تصلح جيب ناس تفهم كورة و ناس عندها تجربة ناجحة فالكورة جيب ناس عندها عين متاع كورة زعمة مسيرينك يفهموا كورة بش نصحوك بالمدرب هذا؟ الي نصحك بش تنحي غابوني و هو عامل باركور كيما هذيكا السبب رياضي؟ المدرب الفاشل راهو ما ينجمش يطلع جمعية

نحمل المسؤولية الكاملة للإدارة الي غيرت مدرب متصدر بمدرب فشل معانا من قبل و ما عندو حتى اضافة للجمعية..

جمعية كانت متصدرة جوها باهي في عوض نعزز الرصيد البشري و نحافظو عالاطار الفني لا نحيو الممرن و نجيبو واحد مازال يراني بتكتيك عام 80 و نطردو مسؤول خاتر سي المسؤول لاخر مش متفاهم معاه لين الجو فسد فالجمعية و دخلت بعضها

نقولوها و نعاودو المسيرين فالجمعية عباد تسير بعلي اكبر
دليل المدرب الي جايبينوا 0 اضافة
خسارة تعب الناس الي كل جمعة وراكم فالبرد و المطر عباد في ستوبات و عباد متمردة و عباد متملحة و تسبق مصالحها الشخصية و تصفي حساباتها الشخصية على حساب العباد المرضى بالجمعية

يعطيكم الصحة لولاد فرحتونا بالربح اليوم 💙🤍 تمنينا نكونو حاضرين معاكم الله غالب هذا اول طرح منكونوش حاضرين فيه معاكم بسبب العقوبة ..

الحمد لله فرحتونا و ان شاء الله التنقل الجاي تلقاو بلاد كاملة وراكم 💙🤍

سبحان الله ربي قاعد يوري انو في تونس نعفسو عالضعيف و ما نعملولو حتى حساب …

قرمبالية ما عندها حد احكم عليها طول و ما تخاف من شيء اما الجمعيات فالرابطة الاولى فالمستير الستاد تعبى بالحجر و ما حبش يوقف الماتش حاول يرجع مرتين و حكى مع قائدي الفريقين و عمل كل ما في وسعو بش ما يوقفش المقابلة البارح كيف كيف ماتش قابس و العمران احنا جمعية رابحة و متصدرة الترتيب علاش حرام عليكم رابطة الفضايح …

لينا ربي و اكهو ..

مازلنا واقفين رغم كل شيء 💙🤍

ان شاء الله في صورة تعاود ماتش قليبية نرجعو للمرتبة الاولى و الله لا يقدر بش يعطيو نقاط المقابلة لقليبية فالحالات الكل مازلنا فاللعبة و الsaison مازلت طويلة و عنا رجال فالتيران معملين عليهم و على ربي ✌️

اصعب ماتش نظريا تعدى لاباس رغملي كنا نجمو نروحو رابحين الله غالب اما جبنا تعادل من منافس مباشر و الماتشوات الي بقاو نظريا فالمتناول و تنقلاتنا اسهل من تنقلات منافسينا 💙🤍

بالنسبة للكوتش لازم تراجع روحك شوية فالتغييرات و ان شاء الله لي صار ماتش منوبة ما يتعاودش ✌️

حريقة تعيش 🤍💙