LoyalMatch Sports

🏆🌍 ၂၀၂၆ ကမ္ဘာ့ဖလားပြိုင်ပွဲ အုပ်စု K နှင့် L အဖွင့်ပွဲစဉ် | ပွဲကြိုသုံးသပ်ချက် & Score Predictions! 🎯⚽

---
🏟️ ပေါ်တူဂီ 🆚 DRကွန်ဂို
⏰ ဇွန်လ ၁၇ ရက် | မြန်မာစံတော်ချိန် ည ၁၁:၃၀ နာရီ

_DRကွန်ဂိုအသင်းဟာ ၁၉၇၄ ပြိုင်ပွဲတုန်းက ဇိုင်ယာအမည်နဲ့ ကမ္ဘာ့ဖလား ယှဉ်ပြိုင်ခဲ့ဖူးပြီး အခုတော့ (၅၂) နှစ်ကြာမှ ဒုတိယအကြိမ်မြောက်အဖြစ် ကမ္ဘာ့ဖလားဝင်ခွင့်ကို ပြန်လည်ရရှိလာတာ ဖြစ်ပါတယ်။ သူတို့အသင်းကို ဘက်တစ်တိုက်စစ်မှူး ဘာကမ်ဘူအပြင် ပရီးမီးယားလိဂ်မှာ လက်ရှိနဲ့ အရင်က ကစားခဲ့ဖူးတဲ့ ဝစ်ဆာ၊ ဝမ်ဘစ်ဆာကာ၊ ဆာဒီကီ၊ တွမ်ဇီဘီ၊ အမ်ဘမ်ဘာ၊ မာဆူအာကူ၊ ကာကူတာတို့လို အတွေ့အကြုံရှိ ကစားသမားကောင်းတွေနဲ့ ဖွဲ့စည်းထားတာပါ။
_တစ်ဖက်က ပေါ်တူဂီအသင်းရဲ့ လူစာရင်းကလည်း ရှေ့၊ လယ်၊ နောက် နေရာစုံမှာ ကမ္ဘာ့အဆင့်ကြယ်ပွင့်တွေနဲ့ တကယ့်ကို တောင့်တင်းလွန်းတဲ့ အနေအထားမှာ ရှိနေပါတယ်။ ဒါကြောင့် အသင်းအင်အားရော အစဉ်အလာပိုင်းမှာပါ အဆမတန် သာလွန်နေတဲ့ ပေါ်တူဂီအသင်းကိုပဲ ယုံကြည်မှုအပြည့်နဲ့ ရွေးချယ်ချင်ပါတယ်။
*နေရာစုံ လူစာရင်းပိုမိုတောင့်တင်းပြီး ကမ္ဘာ့ဖလားအတွေ့အကြုံရင့်ကျက်လှတဲ့ ပေါ်တူဂီတို့ အဖွင့်ပွဲမှာ သုံးမှတ်အပြည့် ယူသွားပါလိမ့်မယ်။*

👉 ဂိုးခန့်မှန်းချက်: ၂ - ၀ (သို့မဟုတ်) ၃ - ၀ (ပေါ်တူဂီ နိုင်)

---
🏟️ အင်္ဂလန် 🆚 ခရိုအေးရှား
⏰ ဇွန်လ ၁၈ ရက် | မြန်မာစံတော်ချိန် နံနက် ၂:၃၀ နာရီ

အုပ်စုတွင်း အစောဆုံး စောင့်ကြည့်ရမယ့် ထိပ်သီးနှစ်သင်းရဲ့ ပွဲကြီးပွဲကောင်းတစ်ပွဲပဲ ဖြစ်ပါတယ်။

_အင်္ဂလန်အသင်းဟာ ကမ္ဘာ့ဖလားပြိုင်ပွဲနဲ့ နီးကပ်လာလေလေ ရေပန်းစားမှု လျော့ကျလာသလို ဖြစ်နေပြီး နည်းပြ တူဟယ်လ်ရဲ့ ကမ္ဘာ့ဖလားအတွက် လူရွေးချယ်မှုကလည်း ဝေဖန်ထောက်ပြစရာတွေ ဖြစ်ခဲ့ပါတယ်။ ဒါပေမဲ့ ကော်စတာရီကာနဲ့ပွဲတုန်းက အသုံးပြုခဲ့တဲ့ Line-up ကိုပဲ နည်းပြတူဟယ်လ် ဆက်သုံးဖို့များပြီး အပြောင်းအလဲရှိရင်လည်း ခံစစ်အတွင်းအတွဲပဲ ဖြစ်လိမ့်မယ်။ တစ်ဖက်က ခရိုအေးရှားအသင်းကတော့ ၂၀၁၈ မှာ ဒုတိယနဲ့ ၂၀၂၂ မှာ တတိယရခဲ့တဲ့ အသင်းကြီးဖြစ်ပေမဲ့ လက်ရှိမှာ မျိုးဆက်သစ်ထွက်ပေါ်မှု နည်းပါးနေလို့ အရင်လို အဆင့်အထိ မျှော်မှန်းဖို့ ခက်ခဲသွားပါပြီ။ နောက်ဆုံးတွေ့ဆုံမှု ၆ ပွဲမှာလည်း ၂၀၁၈ ကမ္ဘာ့ဖလား ဆီမီးဖိုင်နယ်ကလွဲလို့ ကျန် ၄ ပွဲလုံး အင်္ဂလန်ကပဲ အနိုင်ရထားတာကြောင့် အခုပွဲလည်း အင်္ဂလန်ပဲ နိုင်ဖို့များပါတယ်။
*ခရိုအေးရှားရဲ့ လူအိုကြီးတန်းထက် လူငယ်သွေးသစ် ပိုစုံလင်ပြီး အစဉ်အလာသာတဲ့ အင်္ဂလန်ကိုပဲ အနိုင်ရွေးချယ်ချင်ပါတယ်။*

👉 ဂိုးခန့်မှန်းချက်: ၂ - ၁ (သို့မဟုတ်) ၁ - ၀ (အင်္ဂလန် နိုင်)

---
🏟️ ဂါနာ 🆚 ပနားမား
⏰ ဇွန်လ ၁၈ ရက် | မြန်မာစံတော်ချိန် နံနက် ၅:၃၀ နာရီ

အာဖရိကရဲ့ လူမည်းကြယ်ပွင့် ဂါနာအသင်းနဲ့ မြောက်အမေရိကဇုန်က ပနားမားအသင်းတို့ရဲ့ အားပြိုင်ပွဲ ဖြစ်ပါတယ်။

_ဂါနာအသင်းမှာ တစ်ဦးချင်း အရည်အချင်း ကောင်းမွန်တဲ့ ကစားသမားတွေ အများကြီး ရှိနေပါတယ်။ နည်းပြ ကွီရော့ဇ်ရဲ့ လက်အောက်မှာတော့ အသင်းရဲ့ လက်ရှိအခြေအနေက စောင့်ကြည့်ရဦးမယ့် အနေအထားမျိုး ဖြစ်နေတာပါ။ _တစ်ဖက်က ပနားမားအသင်းမှာတော့ ပြည်တွင်းလိဂ်ကစားသမား (၂) ဦးသာ ပါဝင်ပြီး ကျန်တာ ပြည်ပရောက် ကစားသမားအများစုနဲ့ပဲ စုဖွဲ့ထားတာ ဖြစ်ပါတယ်။ ဒါပေမဲ့ တစ်ဦးချင်း အရည်အချင်းပိုင်းနဲ့ လူစာရင်းအင်အား ပိုမိုသာလွန်နေတဲ့ ဂါနာအသင်းဘက်ကပဲ ရပ်တည်တာ ပိုပြီးစိတ်ချရပါလိမ့်မယ်။
*တစ်ဦးချင်းခြေစွမ်းအရရော လူစာရင်းအရပါ ပိုမိုတောင့်တင်းတဲ့ ဂါနာတို့ ပနားမားကို အသာစီးနဲ့ ကစားသွားနိုင်ပါတယ်။*

👉 ဂိုးခန်းမှန်းချက်: ၂ - ၀ (သို့မဟုတ်) ၁ - ၀ (ဂါနာ နိုင်)

---
🏟️ ဥဇဘက်ကစ္စတန် 🆚 ကိုလံဘီယာ
⏰ ဇွန်လ ၁၈ ရက် | မြန်မာစံတော်ချိန် နံနက် ၈:၃၀ နာရီ

အာရှခြေစစ်ပွဲအောင် ဥဇဘက်ကစ္စတန်နဲ့ လက်တင်အမေရိကရဲ့ ထိပ်သီး ကိုလံဘီယာတို့ရဲ့ ပွဲစဉ်ပဲ ဖြစ်ပါတယ်။

_ဥဇဘက်ကစ္စတန်အသင်းမှာ ခူဆာနော့ဗ်၊ ရှိုမူရိုဒေါ့ဗ်တို့လို အားကိုးရမယ့် ကစားသမားတွေ ရှိနေပေမဲ့ လက်ရှိကိုလံဘီယာအသင်းနဲ့ ယှဉ်လိုက်ရင်တော့ အသင်းအဆင့်အတန်းချင်း အတော်လေးကို ကွာခြားလှပါတယ်။ _လက်ရှိ ကိုလံဘီယာအသင်းက အသံ သိပ်မထွက်လှပေမဲ့ လက်ရှိကစားသမားအင်အား စုဖွဲ့မှုအရတော့ တောင့်တင်းတဲ့စာရင်းထဲ ထည့်သွင်းရမယ့် အသင်းပါ။ ကိုလံဘီယာရဲ့ တိုက်စစ်ပိုင်းကိုတော့ လူးဝစ်ဒီယက်ဇ်ကပဲ အဓိက ဦးဆောင် မောင်းနှင်သွားမှာဖြစ်လို့ ဒီပွဲမှာ ကိုလံဘီယာတို့ ဂိုးပြတ်သွင်းပြီး အနိုင်ရသွားဖို့ များနေပါတယ်။
*ဥရောပအဆင့် တိုက်စစ်မှူး လူးဝစ်ဒီယက်ဇ်ကို ဥဇဘက်တို့ ထိန်းချုပ်နိုင်ဖို့ ခက်ခဲမှာဖြစ်လို့ ကိုလံဘီယာရဲ့ ဂိုးပြတ်ပွဲကိုပဲ ရွေးချယ်ချင်ပါတယ်။*

👉 ဂိုးခန့်မှန်းချက်: ၀ - ၂ (သို့မဟုတ်) ၀ - ၃ (ကိုလံဘီယာ နိုင်)

---

📢 နည်းပြတူဟယ်လ်ရဲ့ အင်္ဂလန်တို့ ဝေဖန်မှုတွေကို အနိုင်ပွဲနဲ့ ချေဖျက်ပြမလား? ပေါ်တူဂီကရော DRကွန်ဂိုကို ဂိုးပြတ်သွင်းနိုင်မလား? 👀
👇ပရိသတ်တို့ရဲ့ ခန့်မှန်းချက်တွေကိုလည်း Comment မှာ မျှဝေပေးသွားခဲ့ကြပါဦး! 💬⚽
_____________________________________

(Credit: Photo)

👑 ★𝐓𝐇𝐄 𝐆𝐎𝐀𝐓 𝐃𝐎𝐌𝐈𝐍𝐀𝐍𝐂𝐄: အမ်ဘာပေနှင့် ဟာလန်းတို့ကို မှေးမှိန်စေပြီး (၆) ကြိမ်မြောက် ကမ္ဘာ့ဖလားပွဲဦးထွက်တွင် သမိုင်းဝင်ဟက်ထရစ်နှင့်အတူ ကမ္ဘာကြီးတစ်ခုလုံးကို ကိုင်လှုပ်လိုက်သည့် လီယွန်နယ်မက်ဆီ!🔝

​_၂၀၂၆ ကမ္ဘာ့ဖလားပြိုင်ပွဲကြီးဟာ ဇွန် (၁၁) ရက်နေ့ကတည်းက စတင်ခဲ့တာဖြစ်ပေမယ့် အာဂျင်တီးနားပရိသတ်တွေ ကြုံးဝါးခဲ့တဲ့အတိုင်း လက်ရှိချန်ပီယံအသင်း ကွင်းထဲဝင်လာတဲ့ ဒီနေ့ညကျမှပဲ စစ်မှန်တဲ့ ကမ္ဘာ့ဖလားပွဲကြီး စတင်လိုက်သလို ဖြစ်သွားခဲ့ရပါတယ်။ အာဂျင်တီးနားအသင်းဟာ သူတို့ရဲ့ အုပ်စုအဖွင့်ပွဲစဉ်မှာ အယ်လ်ဂျီးရီးယားအသင်းကို (၃-၀) ဂိုးနဲ့ အပြတ်အသတ်အနိုင်ယူပြီး ချန်ပီယံဆု ကာကွယ်ပွဲခရီးစဉ်ကို အားဟုန်အပြည့်နဲ့ စတင်လိုက်ပြီ ဖြစ်ပါတယ်။

***
​🔥 အမ်ဘာပေလည်း မှေးမှိန်၊ ဟာလန်းလည်း မှေးမှိန်သွားရသည့် နာရီပိုင်းအတွင်းက အဖြစ်အပျက် -

• အာဂျင်တီးနားပွဲမတိုင်ခင်မှာ ပြင်သစ်က ဆီနီဂေါကို ရင်ဆိုင်ရာမှာ အမ်ဘာပေက (၂) ဂိုးသွင်းခဲ့သလို၊ ပထမဆုံးအကြိမ် ကမ္ဘာ့ဖလားကစားခွင့်ရတဲ့ နော်ဝေတိုက်စစ်မှူး ဟာလန်းကလည်း အီရတ်နဲ့ပွဲမှာ (၂) ဂိုး သွင်းယူပြခဲ့ပါတယ်။
​• အမ်ဘာပေဟာ ပြင်သစ်အသင်းအတွက် (၅၈) ဂိုးမြောက်သွင်းဂိုးနဲ့အတူ သမိုင်းတစ်လျှောက် ဂိုးသွင်းအများဆုံးကစားသမား ဖြစ်လာခဲ့သလို၊ ကမ္ဘာ့ဖလားသွင်းဂိုး (၁၄) ဂိုးနဲ့ ဂန္ထဝင် ဂတ်မူလာနဲ့အတူ ပူးတွဲရပ်တည်နိုင်ခဲ့ပါတယ်။ ဒါပေမယ့် ဒီချီးကျူးမှုတွေဟာ နာရီပိုင်းအကြာ မက်ဆီ ကွင်းထဲဝင်လာချိန်မှာတော့ လုံးဝမှေးမှိန်သွားခဲ့ရပါတယ်။

***
​📊 အသက် (၃၈) နှစ်အရွယ် မက်ဆီ ရေးထိုးလိုက်သည့် အံ့မခန်း ကမ္ဘာ့စံချိန်သစ်များ -
​
• လက်ရှိမှာ အသက် (၃၈) နှစ်နဲ့ (၃၅၇) ရက် ရှိပြီဖြစ်တဲ့ မက်ဆီဟာ ကမ္ဘာ့ဖလားသမိုင်းမှာ အသက်အကြီးဆုံး ဟက်ထရစ်သွင်းသူအဖြစ် စံချိန်တင်ထားတဲ့ စီရော်နယ်လ်ဒိုရဲ့ စံချိန် (၃၃ နှစ်နဲ့ ၁၃၀ ရက်) ကို ချိုးဖျက်နိုင်လိုက်ပါတယ်။

• မက်ဆီဟာ အာဂျင်တီးနားလက်ရွေးစင်အသင်းအတွက် ပွဲပေါင်း (၂၀၀) ပြည့် ကစားခဲ့တဲ့ပွဲမှာပဲ နိုင်ငံတကာ သွင်းဂိုး (၁၂၀) ပြည့်မြောက်အောင် စွမ်းဆောင်သွားခဲ့တာပါ။
• အခုပွဲက ဟက်ထရစ်ကြောင့် မက်ဆီဟာ ကမ္ဘာ့ဖလား သွင်းဂိုးစုစုပေါင်း (၁၆) ဂိုး ရှိလာခဲ့ပြီး ဂျာမနီတိုက်စစ်မှူး မီရိုဆလပ်ကလိုဆေးရဲ့ ထာဝရဂိုးသွင်းအများဆုံးစံချိန်ကို လိုက်မီကာ ထိပ်ဆုံးမှာ ပူးတွဲရပ်တည်နိုင်ခဲ့ပြီ ဖြစ်ပါတယ်။

• ကမ္ဘာ့ဖလားပြိုင်ပွဲအတွင်း ဂိုးဖန်တီးမှု (၈) ကြိမ် ပြုလုပ်ထားတဲ့ မက်ဆီဟာ ဂန္ထဝင် မာရာဒိုနာရဲ့ အများဆုံးစံချိန်နဲ့ တူညီနေတာကြောင့် နောက်ထပ် ဂိုးတစ်ဂိုး သို့မဟုတ် ဖန်တီးမှုတစ်ကြိမ် ရရုံနဲ့ ကမ္ဘာ့ဖလားသမိုင်းရဲ့ ပြိုင်ဘက်ကင်း ဘုရင်တစ်ပါး ဖြစ်လာတော့မှာပါ။

​သူ့ရဲ့ (၆) ကြိမ်မြောက် ကမ္ဘာ့ဖလားပြိုင်ပွဲကြီးကို ရင်သပ်ရှုမောဖွယ် စတင်လိုက်ပြီး ကမ္ဘာကြီးတစ်ခုလုံးကို မက်ဆီအဖြစ် ပြောင်းလဲပစ်လိုက်တဲ့ ဘောလုံးနတ်ဘုရားရဲ့ စွမ်းဆောင်ရည်ကတော့ အံ့မခန်းပါပဲ။ 🇦🇷🏆🔟🪄

---

‼️ပရိသတ်တို့ အနေနဲ့...အသက် ၃၈ နှစ်ကျော်အရွယ်မှာ ကမ္ဘာ့ဖလားပွဲဦးထွက်တင် ဟက်ထရစ်သွင်းပြီး စီရော်နယ်လ်ဒိုရဲ့ 'အသက်အကြီးဆုံးဟက်ထရစ်ရှင်' စံချိန်ကို ချိုးဖျက်ပြလိုက်တဲ့ မက်ဆီရဲ့ အစွမ်းအစအပေါ် ဘယ်လိုမြင်ကြလဲ? 🥶
💥 ကလိုဆေးရဲ့ ထာဝရဂိုးသွင်းအများဆုံး ၁၆ ဂိုးစံချိန်ကို ကျော်ဖြတ်ဖို့ ၁ ဂိုးပဲ လိုတော့တဲ့ မက်ဆီတစ်ယောက် လာမယ့်ပွဲတွေမှာ ပြိုင်ဘက်ကင်း သမိုင်းသစ် ရေးထိုးနိုင်မလား? 👇💬
_____________________________

​(Credit: Photo)

➤၂၀၂၆ ကမ္ဘာ့ဖလားပြိုင်ပွဲ Group Stage | (Player of the Match) ရရှိသော ကစားသမားများ...🏅

---
(Credit: Photo)

➤၂၀၂၆ ကမ္ဘာ့ဖလားပြိုင်ပွဲ အုပ်စု(J) ပွဲစဉ် ရလဒ်များ...

⚽ အာဂျင်တီးနား (၃-၀) အယ်လ်ဂျီးရီးယား
⚽ ဩစတြီးယား (၃-၁) ဂျော်ဒန်

---









အားကစား သတင်းကောင်းများကို
နေ့စဉ်ကြည့်ရှုနိုင်ဖို့ LoyalMatch Sports ကို
Like & Follow လုပ်ထားပေးကြပါဦး! 🙏
အားပေးမှုအတွက် ပရိသတ်တစ်ယောက်ချင်းစီတိုင်းကို ကျေးဇူးအများကြီးတင်ပါတယ်ဗျ! ♥️
___________________________________

(Credit: Photo)

➤၂၀၂၆ ကမ္ဘာ့ဖလားပြိုင်ပွဲ အုပ်စု(I) ပွဲစဉ် ရလဒ်များ...

⚽ ပြင်သစ် (၃-၁) ဆီနီဂေါ
⚽ အီရတ် (၁-၄) နော်ဝေ

---









အားကစား သတင်းကောင်းများကို
နေ့စဉ်ကြည့်ရှုနိုင်ဖို့ LoyalMatch Sports ကို
Like & Follow လုပ်ထားပေးကြပါဦး! 🙏
အားပေးမှုအတွက် ပရိသတ်တစ်ယောက်ချင်းစီတိုင်းကို ကျေးဇူးအများကြီးတင်ပါတယ်ဗျ! ♥️
___________________________________

(Credit: Photo)

🏆🌍 ၂၀၂၆ ကမ္ဘာ့ဖလားပြိုင်ပွဲ အုပ်စု I နှင့် J ပွဲစဉ် | ပွဲကြိုသုံးသပ်ချက် & Score Predictions! 🎯⚽

---
🏟️ ပြင်သစ် 🆚 ဆီနီဂေါ
⏰ ဇွန်လ ၁၇ ရက် | မြန်မာစံတော်ချိန် နံနက် ၁:၃၀ နာရီ

၂၀၀၂ ခုနှစ် ကမ္ဘာ့ဖလားပြိုင်ပွဲတုန်းက သမိုင်းဝင် ထိပ်တိုက်တွေ့ဆုံမှုကို ပြန်လည်အမှတ်ရစေမယ့် ပြင်သစ်နဲ့ ဆီနီဂေါတို့ရဲ့ စိတ်လှုပ်ရှားဖွယ် ပွဲစဉ်တစ်ပွဲပဲ ဖြစ်ပါတယ်။

_အဲဒီတုန်းက ကမ္ဘာ့ဖလားအဖွင့်ပွဲမှာ ဆီနီဂေါက လက်ရှိချန်ပီယံ ပြင်သစ်အသင်းကို အံ့အားသင့်ဖွယ် အနိုင်ယူခဲ့တာကို ပရိသတ်တွေ မှတ်မိကြဦးမှာပါ။ လက်ရှိ ဆီနီဂေါအသင်းရဲ့ လူအင်အားက အဲဒီ ၂၀၀၂ ခုနှစ်က အသင်းထက်တောင် ပိုမိုတောင့်တင်းနေတာကို တွေ့ရပါတယ်။ _တစ်ဖက်က ပြင်သစ်အသင်းကတော့ စပိန်အသင်းရဲ့ အဖွင့်ပွဲခြေချော်မှုအပြီးမှာ ဘွတ်ကီဒိုင်အများစုရဲ့ ရေပန်းစားမှုအဆင့် ထိပ်ဆုံးနေရာကို ရောက်ရှိလာခဲ့ပါတယ်။ ပြင်သစ်အသင်းရဲ့ လူစာရင်းကတော့ အခုကမ္ဘာ့ဖလား ပြိုင်ပွဲဝင်အသင်းတွေထဲမှာ အတောင့်တင်းဆုံးလို့ ပြောရမှာဖြစ်လို့ ဒီပွဲမှာတော့ ပြင်သစ်အသင်း ဂိုးပြတ်၊ မပြတ်ဆိုတာကိုပဲ စောင့်ကြည့်ရဖို့ ရှိပါတယ်။
*ကမ္ဘာ့အဆင့် ကစားသမားတွေ အစုံအလင်နဲ့ အင်အားအကောင်းဆုံး စုဖွဲ့ထားတဲ့ ပြင်သစ်အသင်းရဲ့ ကလဲ့စားချေ နိုင်ပွဲကြီးကိုပဲ ယုံကြည်မှုရှိရှိ ရွေးချယ်ချင်ပါတယ်။*
👉 ဂိုးခန့်မှန်းချက်: ၃ - ၁ (သို့မဟုတ်) ၃ - ၀ (ပြင်သစ် နိုင်)

---
🏟️ အီရတ် 🆚 နော်ဝေ
⏰ ဇွန်လ ၁၇ ရက် | မြန်မာစံတော်ချိန် နံနက် ၄:၃၀ နာရီ

အုပ်စုတွင်း ဒုတိယမြောက် ပွဲစဉ်အဖြစ် အာရှခြေစစ်ပွဲအောင် အီရတ်အသင်းနဲ့ ဥရောပကလပ် နော်ဝေအသင်းတို့ ယှဉ်ပြိုင်ကစားကြမှာ ဖြစ်ပါတယ်။

_အီရတ်အသင်းက နှစ်ပေါင်း ၄၀ ကြာမှ၊ နော်ဝေအသင်းကတော့ ၂၈ နှစ်ကြာမှ ကမ္ဘာ့ဖလားပြိုင်ပွဲဆီ တစ်ကျော့ပြန် ယှဉ်ပြိုင်ခွင့် ရရှိလာကြတာ ဖြစ်ပါတယ်။ အခုကမ္ဘာ့ဖလားပြိုင်ပွဲမှာ နော်ဝေအသင်းကို အင်အားကြီးအသင်းတွေကို ဒုက္ခပေးနိုင်မယ့် (Dark Horse) ကော်ကောင်ဖြစ်နိုင်တဲ့ စာရင်းထဲအထိ တင်ထားကြတာပါ။ နော်ဝေအသင်းဟာ ဟာလန်း၊ အော်ဒီဂွါ၊ အော်စကာဘော့ဘ်၊ ဆော်လော့သ်၊ လာဆင်တို့အပါအဝင် ဥရောပထိပ်တန်းလိဂ်တွေက နာမည်ကြီး ကစားသမားအများအပြားနဲ့ တောင့်တောင့်တင်းတင်း ဖွဲ့စည်းထားပါတယ်။ အီရတ်အသင်းကတော့ ဒီအုပ်စုထဲမှာ အိမ်ဖြည့်အဆင့်ထက် မပိုနိုင်တာမို့ နော်ဝေကိုပဲ အပိုင်ရွေးချယ်ချင်ပါတယ်။
*ဟာလန်းတို့၊ အော်ဒီဂွါတို့လို ကမ္ဘာ့အဆင့် ကြယ်ပွင့်တွေ ဦးဆောင်လာမယ့် နော်ဝေအသင်းရဲ့ ဂိုးပြတ်နိုင်ပွဲကို မြင်တွေ့ရပါလိမ့်မယ်။*

👉 ဂိုးခန့်မှန်းချက်: ၀ - ၃ (သို့မဟုတ်) ၀ - ၄ (နော်ဝေ နိုင်)

---
🏟️ အာဂျင်တီးနား 🆚 အယ်လ်ဂျီးရီးယား
⏰ ဇွန်လ ၁၇ ရက် | မြန်မာစံတော်ချိန် နံနက် ၇:၃၀ နာရီ

လက်ရှိကမ္ဘာ့ဖလားချန်ပီယံ အာဂျင်တီးနားအသင်းနဲ့ မြောက်အာဖရိကရဲ့ မာကျောတဲ့ အယ်လ်ဂျီးရီးယားတို့ ထိပ်တိုက်တွေ့ဆုံနေပါတယ်။

_လက်ရှိချန်ပီယံ အာဂျင်တီးနားအနေနဲ့ ပြီးခဲ့တဲ့ ၂၀၂၂ ကာတာကမ္ဘာ့ဖလား အဖွင့်ပွဲစဉ်တုန်းက ဆော်ဒီအာရေဗျကို မထင်မှတ်ဘဲ အရေးနိမ့်ခဲ့ဖူးတဲ့ သင်ခန်းစာ ရှိခဲ့တာကြောင့် နည်းပြ စကာလိုနီအနေနဲ့ အခုပွဲကို သတိကြီးကြီးထားပြီး စနစ်တကျ ချဉ်းကပ်လာမယ့် ပုံပါပဲ။ အာဂျင်တီးနားအတွက် အဓိက စိုးရိမ်စရာ ဖြစ်စေတာကတော့ အုပ်စုတွင်းမှာ သူတို့ကို ဒုက္ခပေးနိုင်စွမ်းရှိတဲ့ အယ်လ်ဂျီးရီးယား၊ သြစတြီးယားအသင်းတွေနဲ့ ဆက်တိုက် ကစားရဖို့ ရှိနေတာပါပဲ။ အယ်လ်ဂျီးရီးယားကတော့ ကမ္ဘာ့ဖလားအကြို ခြေစမ်းပွဲတုန်းက အင်အားကြီး နယ်သာလန်အသင်းကိုတောင် အဝေးကွင်းမှာ အနိုင်ကစားခဲ့တဲ့အထိ ရုန်းအား ကောင်းနေတာကြောင့် အာဂျင်တီးနား နိုင်ရင်တောင် ဂိုးပြတ်ဖို့တော့ ခက်ပါလိမ့်မယ်။
*ချန်ပီယံတို့ရဲ့ အတွေ့အကြုံအရ အနိုင်သုံးမှတ် ရယူသွားနိုင်ပေမဲ့ အယ်လ်ဂျီးရီးယားရဲ့ ခံစစ်မာကျောမှုကြောင့် ကပ်နိုင်ရုံသာ ဖြစ်နိုင်ပါတယ်။*

👉 ဂိုးခန့်မှန်းချက်: ၂ - ၁ (သို့မဟုတ်) ၁ - ၀ (အာဂျင်တီးနား နိုင်)

---
🏟️ သြစတြီးယား 🆚 ဂျော်ဒန်
⏰ ဇွန်လ ၁၇ ရက် | မြန်မာစံတော်ချိန် နံနက် ၁၀:၃၀ နာရီ

အုပ်စု J ရဲ့ နောက်ဆုံးပွဲစဉ်အဖြစ် ဥရောပခြေစစ်ပွဲအောင် သြစတြီးယားနဲ့ အာရှအင်အားစု ဂျော်ဒန်အသင်းတို့ အားပြိုင်ကြမှာ ဖြစ်ပါတယ်။

_ကမ္ဘာ့ဖလားပြိုင်ပွဲသမိုင်းတစ်လျှောက်ကို ပထမဆုံးအကြိမ်အဖြစ် ခြေစစ်ပွဲအောင်မြင်လာခဲ့တဲ့ ဂျော်ဒန်အသင်းအဖို့ကတော့ ဒီပြိုင်ပွဲကြီးမှာ အတွေ့အကြုံရှာရုံ သက်သက်လောက်ပဲ ဖြစ်လာဖို့ များပါတယ်။ _တစ်ဖက်က သြစတြီးယားအသင်းကတော့ လတ်တလော ဖြတ်သန်းမှုတွေမှာ အရှိန်အဟုန် တော်တော်လေး ကောင်းမွန်နေသလို၊ အသင်းလိုက် စုစည်းမှုအပိုင်းမှာလည်း တကယ့်ကို အားရစရာ ကောင်းနေတာကို တွေ့ရပါတယ်။ ဒါကြောင့် ဒီပွဲမှာတော့ သြစတြီးယားအသင်း ဂိုးပြတ်အနိုင်ရသွားဖို့ ရေပန်းအစားဆုံး ဖြစ်နေပါတယ်။
*နည်းဗျူဟာပိုင်း စနစ်ကျပြီး အသင်းလိုက်ကစားဟန် ပိုမိုမြင့်မားတဲ့ သြစတြီးယားအသင်းရဲ့ ဂိုးပြတ်ပွဲစဉ်ကိုပဲ ရွေးချယ်ချင်ပါတယ်။*

👉 ဂိုးခန့်မှန်းချက်: ၃ - ၀ (သို့မဟုတ်) ၂ - ၀ (သြစတြီးယား နိုင်)

---

📢 ပြင်သစ်တို့ ဆီနီဂေါကို ၂၀၀၂ အရှုံးကြွေး ပြန်ဆပ်နိုင်မလား? ကော်ကောင် နော်ဝေကရော အဖွင့်ပွဲမှာ ဘယ်လောက်အထိ အစွမ်းပြမလဲ? 👀
👇ပရိသတ်တို့ရဲ့ ခန့်မှန်းချက်တွေကိုလည်း Comment မှာ မျှဝေပေးသွားခဲ့ကြပါဦး! 💬⚽
_____________________________________

(Credit: Photo)

➤ကမ္ဘာ့ဖလားပြိုင်ပွဲကို ပထမဆုံးအကြိမ် ဝင်ရောက်ယှဉ်ပြိုင်တဲ့ ကိပ်ဗာဒီ (Cape Verde) အသင်းရဲ့ အသက် ၄၀ အရွယ် ဂိုးသမားကြီး ဗိုဇင်ညာ (Vozinha) ဟာ အင်အားကြီး စပိန်အသင်းနဲ့ပွဲမှာ သူ့ရဲ့ကစားသမားသက်တမ်းတစ်လျှောက် အကောင်းဆုံး လက်စွမ်းပြကစားနိုင်ခဲ့ပြီး အသင်းအတွက် အဖိုးတန် သရေတစ်မှတ်ကို ရရှိအောင် စွမ်းဆောင်ပေးနိုင်ခဲ့ပါတယ်။ 🇨🇻🧤🔥

တကယ့်ကို မယုံနိုင်စရာပါပဲ! ✨👏

---
(Credit: Photo)

➤၂၀၂၆ ကမ္ဘာ့ဖလားပြိုင်ပွဲ အုပ်စု(G) ပွဲစဉ် ရလဒ်များ...

⚽ ဘယ်လ်ဂျီယံ (၁-၁) အီဂျစ်
⚽ အီရန် (၂-၂) နယူးဇီလန်

---









အားကစား သတင်းကောင်းများကို
နေ့စဉ်ကြည့်ရှုနိုင်ဖို့ LoyalMatch Sports ကို
Like & Follow လုပ်ထားပေးကြပါဦး! 🙏
အားပေးမှုအတွက် ပရိသတ်တစ်ယောက်ချင်းစီတိုင်းကို ကျေးဇူးအများကြီးတင်ပါတယ်ဗျ! ♥️
___________________________________

(Credit: Photo)

➤၂၀၂၆ ကမ္ဘာ့ဖလားပြိုင်ပွဲ အုပ်စု(H) ပွဲစဉ် ရလဒ်များ...

⚽ စပိန် (၀-၀) ကိတ်ဗက်
⚽ ဆော်ဒီအာရေဗျ (၁-၁) ဥရုဂွေး

---









အားကစား သတင်းကောင်းများကို
နေ့စဉ်ကြည့်ရှုနိုင်ဖို့ LoyalMatch Sports ကို
Like & Follow လုပ်ထားပေးကြပါဦး! 🙏
အားပေးမှုအတွက် ပရိသတ်တစ်ယောက်ချင်းစီတိုင်းကို ကျေးဇူးအများကြီးတင်ပါတယ်ဗျ! ♥️
___________________________________

(Credit: Photo)