Myanmar Ballone Ibet789 Agent

🚨 BREAKING — လီယွန်နယ် မက်ဆီက အာဂျင်တီးနား လက်ရွေးစင်အသင်းကနေ အနားယူလိုက်ပြီ။ 🇦🇷💙

“ဗိုလ်လုပွဲပြီးဆုံးခဲ့တာကနေ အချိန်အတော်ကြာလာခဲ့ပြီဖြစ်သလို ဒီဆုံးဖြတ်ချက်ကိုလည်း အများကြီး စဉ်းစားခဲ့ပြီးနောက်မှာ အားလုံးကို အသိပေးချင်ပါတယ်။ ကျွန်တော် အာဂျင်တီးနား လက်ရွေးစင်အသင်းကနေ အနားယူတော့မယ်။

ဒီဆုံးဖြတ်ချက်က ကျွန်တော့်အတွက် အရမ်းနာကျင်စရာကောင်းခဲ့ပါတယ်။ အခုချိန်ထိလည်း ရင်ထဲမှာ နာကျင်နေဆဲပါ။ ဒါပေမယ့် အချိန်တန်ပြီဆိုတာကို ကျွန်တော် နားလည်ပါတယ်။

ကျွန်တော် ကတိပေးနိုင်တာတစ်ခုကတော့ အမြဲတမ်း အကောင်းဆုံးပေးဆပ်ခဲ့တယ်ဆိုတာပါပဲ။ အရာအားလုံးကို အနိုင်ရခဲ့တဲ့ ဒီနှစ်တွေထဲမှာတင်မဟုတ်ဘဲ အဲဒီမတိုင်ခင်ကတည်းက ဒီဂျာစီအတွက် အမြဲတိုက်ပွဲဝင်ခဲ့ပြီး ကွင်းထဲမှာ အရာအားလုံးကို ချန်ထားခဲ့ပါတယ်။ ဘောလုံးကနေတစ်ဆင့် ခင်ဗျားတို့ကို ပျော်ရွှင်စေဖို့၊ အာဂျင်တီးနားလူမျိုးဖြစ်ရတာအတွက် ဂုဏ်ယူစေဖို့ အမြဲကြိုးစားခဲ့ပါတယ်။

အချိန်က တဖြည်းဖြည်း ကုန်ဆုံးလာနေပြီ၊ အခန်းတွေကလည်း တစ်ခုပြီးတစ်ခု ပိတ်သိမ်းလာကြပါပြီ။ ဒီအခန်းကတော့ ကျွန်တော့်အတွက် အရမ်းနာကျင်စရာကောင်းပါတယ်။

အာဂျင်တီးနား လက်ရွေးစင်အသင်းရဲ့ အစိတ်အပိုင်းတစ်ခု ဖြစ်နေရတာကို ကျွန်တော် ချစ်ခဲ့တယ်၊ အခုလည်း ချစ်နေဆဲပါ၊ နောင်လည်း အမြဲချစ်နေမှာပါ။ ကျွန်တော့်မှာ ရှိသမျှ အားလုံးကို ပေးဆပ်ပြီးပါပြီ။ ထပ်ပေးစရာ ဘာမှမကျန်တော့ပါဘူး။ ဒါ့အပြင် အသင်းမှာ ပါဝင်ဖို့ ထိုက်တန်တဲ့ လူငယ်ကစားသမားကောင်းတွေ အများကြီးလည်း ပေါ်ထွက်လာနေပါပြီ။

ပြီးခဲ့တဲ့ ၂၀ နှစ်အတွင်း ပေးခဲ့ကြတဲ့ ချစ်ခြင်းမေတ္တာနဲ့ အားပေးမှုတွေအတွက် ကျေးဇူးတင်ပါတယ်။ ကွင်းထဲကနေ ခင်ဗျားတို့ရဲ့ အားပေးသံတွေကို ကြားရတာကို ကျွန်တော် အရမ်းလွမ်းနေတော့မှာပါ။

အခုကစပြီးတော့ ကျွန်တော်လည်း ခင်ဗျားတို့ထဲက တစ်ယောက်ပဲ ဖြစ်တော့မှာပါ။ အပြင်ကနေ အသင်းကို အားပေးပြီး အားပေးကူညီနေမှာပါ။ ကောင်းတဲ့အချိန်တွေရော၊ မကောင်းတဲ့အချိန်တွေရော အတူရှိနေမှာပါ။ အထူးသဖြင့် မကောင်းတဲ့အချိန်တွေမှာ ပိုပြီး အားပေးနေမှာပါ။

ကျွန်တော့်မိသားစုကိုလည်း အမြဲတမ်း အနားမှာရှိပေးခဲ့ပြီး ဒီလမ်းခရီးမှာ အတူလိုက်ပါပေးခဲ့တဲ့အတွက် ကျေးဇူးတင်ပါတယ်။ ဒီခရီးက အရမ်းလှပသလို အရမ်းလည်း ခက်ခဲခဲ့ပါတယ်။

ဒီလမ်းခရီးတစ်လျှောက်မှာ ကျွန်တော်နဲ့အတူ ရှိပေးခဲ့ကြတဲ့ နည်းပြတွေ၊ အသင်းဖော်တွေနဲ့ အသင်းတာဝန်ရှိသူအားလုံးကိုလည်း ကျေးဇူးတင်ပါတယ်။ မမေ့နိုင်တဲ့ အမှတ်တရတွေနဲ့ အခိုက်အတန့်တွေကိုတော့ ကျွန်တော်နဲ့အတူ ယူဆောင်သွားမှာပါ။

ကျွန်တော့်အသင်းဖော်တွေနဲ့အတူ တစ်ချိန်က အိပ်မက်ထဲမှာပဲ မြင်ခဲ့ရတဲ့ အခိုက်အတန့်တွေကို ခင်ဗျားတို့အတွက် ဖန်တီးပေးနိုင်ခဲ့တယ်ဆိုတဲ့ စိတ်အေးချမ်းမှုနဲ့ ဂုဏ်ယူမှုတွေကို ယူဆောင်ပြီး ထွက်ခွာပါမယ်။

ခင်ဗျားတို့အားလုံးနဲ့အတူ ဒီလိုအတွေ့အကြုံမျိုးကို ဖြတ်သန်းခွင့်ရခဲ့တာဟာ တကယ့်ကို မယုံနိုင်လောက်အောင် အံ့သြစရာကောင်းတဲ့ အတွေ့အကြုံတစ်ခုပါပဲ။ ခင်ဗျားတို့အားလုံးကို ချစ်ပါတယ်!

ကျွန်တော့်ကို အာဂျင်တီးနားလူမျိုးအဖြစ် မွေးဖွားပေးခဲ့တဲ့အတွက် ဘုရားသခင်ကို ကျေးဇူးတင်ပါတယ်။

အာဂျင်တီးနား ရှေ့ဆက်ပါစေ!

ဒီစာကိုတော့ ဇူလိုင် ၂၁ ရက်နေ့၊ ဗိုလ်လုပွဲပြီးပြီး နှစ်ရက်အကြာမှာ ရေးခဲ့တာပါ။

ဒီနေ့မှာတော့ အဖေ့နဲ့ပတ်သက်ပြီး ဖြစ်ပျက်ခဲ့တဲ့အရာတွေကြောင့် အရင်ကထက်တောင် ပိုပြီး ယုံကြည်လာပါပြီ။”

🏆 ဆာကာ၏ တစ်လုံးတည်းသော ဂိုးဖြင့် ဗီလာကို အနိုင်ရရှိပြီး အဆင့်၂ နေရာ ရောက်လာတဲ့ အာဆင်နယ်

▪️အာဆင်နယ်အသင်းသည် အက်စတန်ဗီလာအသင်းကို အဝေးကွင်း၌ ၁-၀ ဂိုးဖြင့် အနိုင်ရရှိခဲ့ပြီး သုံးမှတ် အပြည့် ဆွတ်ခူးနိုင်ခဲ့ပါတယ်။ ပွဲချိန်အများစုတွင် ဘောလုံးပိုင်ဆိုင်မှု ၆၁ ရာခိုင်နှုန်းအထိ အသာစီးရယူကာ ပေးပို့မှု ပိုင်နိုင်ခဲ့သည့် အာဆင်နယ်အတွက် အနိုင်ဂိုးကိုတော့ ပွဲချိန် ၅၉ မိနစ်တွင် အဓိက တိုက်စစ်ကစားသမား ဘူကာယို ဆာကာက သေသပ်စွာ သွင်းယူပေးခဲ့တာ ဖြစ်ပါတယ် ။

▪️အိမ်ရှင် အက်စတန်ဗီလာအသင်းအနေဖြင့် ဂိုးပေါက်ကန်သွင်းခွင့် ၇ ကြိမ်အထိ ရရှိခဲ့သော်လည်း ဂိိုးမရှိခဲ့ဘဲ ဖိအားပေးမှုကိုသာ ခံခဲ့ရတာ ဖြစ်ပါတယ်။ ဒီနိုင်ပွဲကြောင့် အာဆင်နယ်အသင်းသည် ရမှတ် ၆ မှတ် ရရှိကာ အမှတ်ပေးဇယား အဆင့် ၂ နေရာတွင် ဆက်လက် ရပ်တည်နိုင်ခဲ့ပြီး အက်စတန်ဗီလာအသင်းကတော့ အဆင့် ၁၉ နေရာသို့ ရောက်ရှိသွားခဲ့ပါတယ်။

အာဆင်နယ်အတွက် ခက်ခဲတဲ့ပွဲစဉ်တပွဲကို အနိုင်ကစားခဲ့ပါပြီ ။ အိုလီဝက်ကင်းစ်နဲ့ အီမီလ် မာတီနက်ဇ်တို့ မရှိတော့ပေမယ့် ဗီလာအသင်းဟာ အာဆင်နယ်ကို အကောင်းဆုံးတုန့်ပြန်ကစားခဲ့တာပါ ။ အနိုင်ဂိုးကိုတော့ ဆာကာက သွင်းယူပေးခဲ့ပါတယ် ။ အခုဆိုရင် အာဆင်နယ်လည်း ၂ ပွဲကစား ၊ ၂ ပွဲနိုင် ၊ ပေးဂိုးမရှိတဲ့ ၆ မှတ်အပြည့်ရရှိထားခဲ့ပါပြီ ။

လာမယ့်ပွဲစဉ်မှာတော့ ချဲလ်ဆီးအသင်းနဲ့ ယှဉ်ပြိုင်ကစားရတော့မှာပါ ။

✅အနာဂတ်မှာထွန်းတောက်လာမယ့်ကြယ်ပွင့်လေးကတော့ ပွဲစတော့မှာမို့လို့ သူ့ကို အတင်းသွားတားလိုက်ရတဲ့အထိပါပဲ!

သူကတော့ အေဂျက်ဇ် အကယ်ဒမီက ထွက်လာတဲ့ လူငယ်ကစားသမားလေး Syb Zeldenthuis ပါ။

FC Sion နဲ့ ပွဲမစခင် သွေးပူဆင်းနေတုန်း ဒီကောင်လေး ဘောလုံးမကျတမ်း တော့တဲ့ စိန်ခေါ်မှုတစ်ခု လုပ်ခဲ့ပါတယ်။ သူ ဘောလုံးတစ်ချက်တော့တိုင်း အေဂျက်ဇ်အသင်းက Ajax Foundation ကို ၁ ယူရို နှုန်းနဲ့ လှူပေးမယ်ဆိုတဲ့ စိန်ခေါ်မှုပေါ့။

နောက်ဆုံး ဘာဖြစ်သွားလဲဆိုရင် ကွင်းထဲမှာ ပွဲစတော့မှာမို့ အသင်းဝန်ထမ်းတွေက အတင်းလိုက်တားရတဲ့အထိ Syb တစ်ယောက် ဘောလုံး မကျတမ်း ၃,၀၈၅ ချက်တောင် တော့ပြသွားခဲ့တာပါ။

ပရဟိတအတွက် ယူရို ၃,၀၈၅ တောင် အလိုအလျောက် ရသွားခဲ့တာဖြစ်ပါတယ်...