01/09/2026
إجاني انتقاد لطيف من فترة:
((كوتش ليش ما بتكتبي أسماء التمارين بالانكليزي متل ما منشوفن عالانستغرام والفيسبوك والتيك توك ومتل ما كل الكوتشات بيكتبوهون وبيلفظوهون؟ هالشي بيعطيكي بريستيج أكتر ))😎🔥
أنا خرّيجة لغة انكليزية وقرأت كتب انكليزية وعربية عن اللياقة والبدنية وبناء الأجسام.. وبعرف أسماء العضلات كلّا بالانكليزي وبالعربي.. وأسماء التمارين بالانكليزي وبالعربي.
بس هاد الشي ما بيعني إنّي أستخدم اللغة الانكليزية بشغلي..ببساطة لأن نحنا عرب.. ببلد عربي.. وعم أتعامل مع أشخاص بيحكوا عربي. 🙂
وما حلوة إذا رب العالمين عاطينا علم بشغلة معينة إنّو نجي نستخدم هالعلم بطريقة تحسس الطرف التاني بنقص معين عندو. 😕
بلكي طيب في ناس لغتا مو قوية كفاية؟
بلكي في ناس لغتا التانية مانا انكليزي؟ بلكي فرنسي؟ أو ألماني؟ أو تركي؟
مارح يتغير تمرين ال (Dead Lift) إذا قلت عنو (تقبين).🙂
ومارح تتغير عضلة ال (Triceps) إذا قلتلا عضلة (ثلاثية الرؤوس).🙂
ومارح تتغير كلمة (Set) إذا قلت عنها (مجموعة).🙂
المدرب شغلتو يقرّب الأمور لعقول كل اللاعبين.. مو يعمل فروق بيناتن كرمال البريستيج. 😊
وشغلتو يهتم بأجسام وصحّة العالم.. مو يستعرض مهاراتو اللغوية قدّامن. 😊
((من تواضع لله رفعه..)) 🩵
الصورة مشان البريستيج 🥰
الكوتش سارة 🩵
