Rami Osman

بالنسبة ليك عشان تتعامل مع قلة الدخل بتعمل شنو:

1.بسعي لزيادة الدخل
2.بقلل منصرفاتي

1 ولا 2 ؟؟

انت براك ما بتقدر تغير اقتصاد بلدك لكن بتقدر تحسن من طريقة تعاملك مع الجانب المالي عندك

لما تفكر في قلة الدخل او المرتب الما بكفي: شنو البيجي في بالك؟

1.الوضع والاقتصاد التعبان والتضخم وزيادة الاسعار وتاثير الحرب والفساد ووو الخ

2.الادخار وكيفية زيادة الدخل وضبط المنصرف والمشاعر والتركيز علي الاشياء اللي بإمكانك تغييرها

شنو البمثلك 1 ولا 2

شنو المشكلة البتواجهك الفترة الحالية:

1.قلة الدخل
2.غياب المدخرات
3.الديون

اذا كان دخلك قليل وبتفكر في زيادته
اقيف شوية وشوف عاداتك المالية عاملة كيف
لأنها اذا كانت سلبية ونجحت في زيادة دخلك انت كدا حتضاعفها

مثلا اذا كان عادتك تحويل كل مرتبك للمنصرفات فقط لما دخلك يزيد تلقائيا حتزيد منصرفاتك
كدا فكر وشوف هل المشكلة الحقيقية قلة دخلك ولا عاداتك الغير داعمة تجاه الجانب المالي

التفكير والتأمل ده حيفيدك شديد..

تخصيص نسبة واضحة من دخلك لسداد ديونك بتسهل عليك التعامل معاها

عدم وجود مدخرات ده بيدي رسالة للفرص البتظهر انك ماجاهز

اتخيل انه انت وزميل ليك في الشغل، زميلك بيدخر بإستمرار كل ما يقبض مرتبه وانت لا

يا تري لو جات اي فرصة ممكن تساعد في زيادة دخلكم منو البكون جاهز ليها اكثر: انت البتقول المرتب مابكفي وخليت ده يمنعك تدخر ولا زميلك رغم قلة مرتبه الا انه قدر يبني عادة تفيده؟

بالمناسبة الفرصة دي ما الا استثمار ممكن تكون ترقية من خلالها بيزيد مرتبك ولما يزيد مرتبك وانت بنيت عادة الادخار اكيد حيزيد ادخارك وهكذا..

الحكاية بتبدأ كدا بالبساطة دي..

انت ما بتقدر تغير قلة الدخل بين يوم ليلة لكن بتقدر تبني عادة زي الادخار تخلي تعاملك علي المدي الطويل مع دخلك افضل

إستعادة السيطرة : خطتك كموظف مسؤول لمواجهة الديون

الديون للموظف الحر والمسؤول، ما بس بتاكل مرتبه وتلتهم تعبه، دي بتاكل من كرامته وراحته النفسية وصداقاته كل يوم. إحساس إنك شغال وتعبان وطالع الصباح وعرقان، بس عشان في نهاية الشهر المرتب ينزل وتمشي توجعه يمين وشمال لسداد فلان وعلام وقفل حساب الدكان.. ده الإحساس البيخلق ثقل حقيقي على القلب وبيخليك دايماً حاسي بالخجل والضغط قدام نفسك وأسرتك.

اقرأ باقي المقال عبر الرابط ادناه :

https://coachramiosman.blogspot.com/2026/06/blog-post_11.html

حفرة "الدين الصغير" 🌪

الديون في الغالب ما بتبدأ بمبالغ ضخمة، بتبدأ بـ ديون حاجات بسيطة من دكان الحلة، أو سلفية بسيطة عشان نقفل بيها أسبوع الزنقة الأخير في الشهر.

الصدمة وين؟ الصدمة يوم 1 في الشهر؛ أول ما المرتب ينزل، بتمشي توزع فيه يمين وشمال عشان تسدد القروش دي، وتكتشف إنو الصافي الفضل ليك ما بيكفيك لنص الشهر..

وتضطر تتسلف تاني!

سداد الديون بالطريقة العشوائية دي بيخليك تلف في نفس الساقية لسنوات.

بكل صراحة وبدون إحراج: شنو أصعب حاجة بتخلي الموظف يقع في الدوامة دي وما يقدر يمرق منها؟