KoraData

زيزو وتريزيجيه.
الاتنين نفس البروفايل تقريبا مع بعض الاختلافات البسيطة اللي تروح لصالح زيزو.
تريزيجيه مبقاش ينفع جناح تماما خاصة وانت عندك بن شرقي وإبراهيم عادل في الطريق.
الجناح اليمين هيكون حسين او زيزو مع تحديد الاحتياج للماتش وممكن زيزو ياخد ادوار في النص .
الاهلي اكيد هيجيب حد فينيشر كويس كمهاجم او تحت مهاجم يعمل الجزء اللي كان بيعمله تريزيجيه.
فصراحة انه يمشي طالما قدامه مكان خارجي دا أفضل رغم انه هيأثر شوية لكن بشكل عام هيكون كدا أفضل للفريق.
وزيزو هيبقا من أفضل لاعبين الأهلي المواسم الجاية.

نص نهائي بين أقوى فريق هجوميا أرقام وعناصر وهدافين وأسيستر، وفي الجانب الآخر أقوى فريق دفاعيا ومنظم جدا ولحد دلوقت مدخلش مرماه إلا هدف واحد. لقاء حتى صعب توقعه.

رقم ١٧ واللي جنبه وقفوا وسابوا ميسي يدخل جوه المنطقة لوحده!!

موقع opta شايف ان نسبة الحصول على كاس العالم متوزعة بين فرنسا بنسبه ٣٤٪؜ تقريبا وإسبانيا ٢٧٪؜ والأرجنتين وإنجلترا كل منهم بنسبه ١٥٪؜ تقريبا .
يجي في الاخر النرويج ٦٪؜ وسويسرا ٣٪؜ .

أعتقد ان أفضل اختيار لصلاح عشان يكمل مع المنتخب لأطول فترة ممكنة:
الأول : أوروبا وحتى لو فريق وسط جدول من الدوريات الكبرى.
الثاني الدوري السعودي
لكن الدوري الأمريكي أعتقد هيبعده تماما عن الجو التنافسي .
#صلاح

في كاس العالم دا من رأيي: مصر نجحت - المغرب منجحتش ( خلينا نقولها كدا يعني ) .
لان المغرب ليها تاريخ في المونديال أكبر من مصر وتمرس أكتر يعني أفضل يعني كان منتظر من المغرب ع الأقل نص النهائي لكن للأسف خبطت في جدار كاس العالم مفيش حل معاه.
لكن مصر نجحت لان دي تقدر تحسبها أساسا أول مشاركة ليها مردود في كاس العالم :
لأنك صعدت من المجموعات ومش بصعوبة انت تاني بفرق الأهداف .
صعدت من الدور اللي بعده كمان وعديت .

في انتظار كاس العالم الجاي اللي اكيد هيكون مطلوب من مصر فيه اننا منقولش ان دا إنجاز إلا لما نعدي نفس الدور اللي احنا خرجنا منه .

التعديل الأول والأهم في منتخب حسام حسن هو خط الدفاع.
رامي وياسر كدا كدا سنهم كبير ومش الأفضل بل لو عندك دفاع أفضل كان يفرق معاك كتير.
غالبا اللي معاك دلوقت في الدفاع حسام عبدالمجيد ونشوف عودة محمد عبدالمنعم هتظبط ولا لا .
لازم تدور على مدافعين سوبر انت باقي الخطوط مقبولة تكاد تكون كويسة لكن خط الدفا للأمانة مشكلة كبيرة.