Dr.Wafaa Essam-Nutrition Coach

"الفاكهة بالليل بتتخن!" 🍎🌙
من أكتر الجمل اللي بسمعها 😅
تعالوا نصحح المعلومة دي بهدوء…
لو أكلتي ثمرة فاكهة بالليل مش معنى كده إنها هتتحول دهون تلقائي.
الجسم مش بيشتغل كده 😊
اللي بيأثر على الوزن فعلا هو إجمالي أكلك طول اليوم، هل مناسب لاحتياج جسمك ولا زيادة؟
بالعكس، أوقات كتير ثمرة فاكهة تكون اختيار أحسن بكتير من حلويات أو تسالي بالليل 🍊🍏
لكن برضو مهم نفهم إن الكمية تفرق، ونوع الفاكهة يفرق خصوصًا لو في سكر أو مقاومة إنسولين.
يعني بدل ما نسأل:
❌ “آكل فاكهة بعد كام مساء؟”
الأهم نسأل:
✅ “أنا باكل بشكل متوازن طول اليوم ولا لأ؟”

🍟 بتحاولي تاكلي صحي ومش قادرة تبطّلي بطاطس؟
مش لازم حرمان ❤️
بدل البطاطس المقلية في زيت غزير…
جرّبي البطاطس المشوية في الفرن أو الإير فراير 🥔✨
كل اللي محتاجاه:
✔️ بطاطس متقطعة
✔️ معلقة زيت واحدة
✔️ بابريكا + ثوم بودر + فلفل أسود
ليه دي أحسن؟ 👀
لأن البطاطس المقلية بتشرب زيت كتير جدًا…
وده بيزوّد السعرات بشكل كبير.
لكن المشوية؟
😋 طعم حلو وقرمشة
🔥 سعرات أقل
💛 وتساعدك تستمتعي بأكلة بتحبيها بدون كمية الزيت الكبيرة
سر القرمشة 🤫
انقعي البطاطس 15 دقيقة + نشّفيها كويس قبل التسوية.

اللهم لك الحمد حتى ترضى، ولك الحمد إذا رضيت، ولك الحمد بعد الرضا 🤍
اللهم كما يسّرت لنا الوصول إلى بيتك الحرام وأعنتنا على أداء الفريضة، فأتمم علينا نعمتك بقبول الحج، واجعله حجًا مبرورًا وسعيًا مشكورًا وذنبًا مغفورًا، ولا تجعل هذا العهد آخر العهد ببيتك الحرام يا رب العالمين 🤲🏻

الحمد لله… الحمد لله على كرم ربنا وتسهيله 🤍

بصراحة مش عارفة أوصف إحساسي بعد الحج… حاسة إني لسه مستوعبتش إننا فعلًا رحنا وأدينا الفريضة.

دايمًا كنت بحس إن الحج حاجة “لسه قدام” أو محتاجة وقت وترتيب أكتر… لكن اكتشفت إن الواحد مهما أجّل، الوقت بيجري بسرعة جدًا.

بجد لو تقدروا تسعوا للحج… اعملوا ده.
وإنتوا لسه عندكوا صحة وطاقة، علشان تعيشوا كل لحظة فيه وتكونوا مستوعبين جمال التفاصيل.

مش هكدب وأقول إنه سهل… الحج فيه تعب ومشقة فعلًا، ويمكن أكتر حاجة اتفاجئت بيها إن الصور والفيديوهات مبتوضحش ده خالص 😅
بس الغريب إن كل التعب بيهون… وكأن ربنا بيدي الواحد طاقة وصبر بشكل مش مفهوم.

من أكتر الحاجات اللي أثرت فيا جدًا… فكرة إن كل الناس هناك زي بعض.
مفيش فرق بين حد وحد، الكل جاي بقلبه ودعواته واحتياجه لرحمة ربنا.

وأكتر دعاء كان على لساني لكبار السن… ربنا يقويهم ويعينهم ويكتبه لكل مشتاق قادر ومش قادر 🤍

حاسّة إن الحج مش مجرد رحلة وخلاص… هو وقفة مع النفس كده.
بيفكرك إنك محتاج تهدى، تراجع نفسك، وتحاول تبقى أحسن… في أخلاقك، في قربك من ربنا، وفي طريقة تعاملك مع الناس.

ولو نفسكوا فيها… متقولوش لسه.
اسعوا وخدوا بالأسباب، حوشوا، اعملوا جمعية، وانوا بجد… وربنا قادر يسهّلها من أماكن متتخيلوهاش.

الحمد لله على النعمة دي… وربنا يرزق كل مشتاق بيها قريب 🤲🏻

لبيك اللهم عمرة متمتعا بها إلي حج فإن حبسني حابس فمحلي حيث حبستني
على أعتاب رحلةٍ طال الشوق إليها… إلى بيت الله الحرام 🕋🤍إن شاء الله أكون من ضيوف الرحمن
أسأل الله أن يكتبها حجّةً مقبولة، وأن يرزق كل قلبٍ مشتاق زيارة بيته الحرام، ويجمعنا دائمًا على الخير والمودّة 🤍
لو يوم زعلت حد من غير قصد، أو قصّرت مع حد، أو كلمة مني ضايقت حد وأنا مش واخدة بالي، سامحوني من قلبكم 🌷

وما تنسونيش من دعواتكم الحلوة، يمكن دعوة صادقة من قلب طيب تفتح أبواب الخير 🤲❤️
ولو حد نفسه في دعوة عند بيت ربنا أو في الأماكن المباركة، يبعتلي دعوته، وإن شاء الله أدعيلكم بكل حب 🕋

ربنا يكتبها حجّة مقبولة، ويرزق كل قلب مشتاق إنه يشوف بيته الحرام عاجلًا غير آجل 🤍