Hassan al Zawawy حسن الزواوي

التشكيل المحتمل bein منزلاه …أهم مباراة في تاريخ الكورة المصرية ..يارب أنصرنا 11 راجل في الملعب إن شاء الله

رأيكم مرموش ولا هيثم حسن؟!

النرويج استغلت ان البرازيل فاقدة هويتها و بتسيب الاستحواذ او بالادق مش بتقدر تستحوذ لدرجة ان النرويج نسبة استحواذها 67% مقابل 33% للبرازيل ! ولا ضغط ولا رقابة ولا دفاع ولا اي حاجة

البرازيل مش بس فاقدة هويتها الفردية و مواهبها و اقل كواليتي فردي للبرازيل من سنين لا وجماعيا فرقة فاقدة للأساسيات ، متوقع جدا الخروج المخزي ده وانت بتعتمد علي اللعب المباشر و الكرات العرضية و الهجمات الخاطفة الشكل كان سئ جدا وانت النرويج اللي بالمناسبة فرقة منظمة جدا و هاتتعب اي فرقة قدامها و اعتقد انها كمان مرشحة الوصول للنهائي

ماكنتش احب البرازيل تخرج لما يكون عندها مقومات الكورة الممتعة و المواهب اللي تحب تشوفها كل ماتش بس لما تكون البرازيل بالضعف ده انا شايفها ماتستحقش ابدا تكون مكان فرقة جماعية زي النرويج 🇳🇴

بالمناسبة هي حاجة تدعوا للتفاؤل ان الكورة دلوقتي مش بتعترف غير اللي بيتعب ويديها و يخلينا نتفائل اننا ممكن نكسب الارجنتين ان شاء الله مفيش مستحيل 😑🇪🇬

#البرازيل #النرويج #مصر
FIFA World Cup

بعد الأفراح بقي والكلاكسات و والله وعملوها الرجالة احنا حالتنا كانت صعبة قدام استراليا و السبب الرئيسي محلل أداء استراليا 😑😑

وانا باتفرج علي الماتش لايڤ كنت شايف اننا عندنا مشكلة في الطلوع بالكورة قدام استراليا بس لما تشتغل علي الماتش و تركز في كل التفاصيل هاتلاقي مدرب استراليا خنقنا بغلق الأطراف اللي هي المتنفس بتاعنا و ممرات خروجنا بالكورة وبتجبرنا نطلع من عمق الملعب اللي هو ايه؟! …

مش موجود خالص ماعندناش عمق و حتي إمام اللي شغلته تطوير الهجمة من العمق بيلعب علي الأطراف و صلاح و مرموش و زيكو دايما معلقين فوق لسبب لا يعلمه الا الله و حسام حسن!

رغم ان حسام لقطات كتير بينادي علي حسام و مرموش بس مش واضح انه عايزهم ينزلوا و يظهروا و يشتغلوا و يستقبلوا الكورة و يفتحوا مسارات تمرير

قوم بقي ايه استراليا اللي كل الناس شافتها بتطلع بالكورة من العمق والجناح بينزل يستلم جنب ال pivots بتوعهم علشان يعمل زيادة عددية ولاننا مش بنرحل و دايما فاتحين المساحات البينية او ال half spaces

مش هاطول بقي علي انا شايف سلبي كتير بس الدعوات لحد دلوقتي كسبانة الاداء وبصراحة ماعنديش طاقة لوجع دماغ 😅😅 وربنا يكملها علي خير

#مصر #كاسالعالم