Pro Fitness

منور يا شجاع ♥️

منورين الابطال ما شاء الله ♥️💪🏾

… إنت عارف أصلًا #القهوة دي إيه؟

❌ ثم إنت فاكر إن القهوة مجرد حبة كافيين؟

⬅️ القهوة فيها Chlorogenic acids، وPolyphenols، وCafestol، وKahweol، وTrigonelline، ومع التحميص بيتكون فيها مركبات اسمها Melanoidins.

⬅️ وكل الأسماء الغريبة دي ليها تأثيرات صحية حقيقية.
عارف الدراسات أثبتت إيه عن القهوة؟
↩️⬅️⬅️
أثبتت إنها مرتبطة بانخفاض خطر الوفاة المبكرة،

⚠️ وبتقلل خطر الإصابة بالسكر من النوع التاني، لدرجة إن بعض الدراسات لقت إن كل فنجان قهوة يوميًا ارتبط بانخفاض خطر الإصابة بالسكري بحوالي 6%.

☕ وبرغم إن الكافيين ممكن يرفع السكر مؤقتًا عند بعض الناس، إلا إن استهلاك القهوة على المدى الطويل ارتبط بتحسن حساسية الإنسولين.

☕ ومن أكتر الفوائد المبهرة إنها مرتبطة بانخفاض دهون الكبد، وتقليل خطر تليف الكبد، وسرطان الكبد.

☕ غير إنها مرتبطة بانخفاض خطر الإصابة بالزهايمر، وباركنسون، والتدهور المعرفي.

وكمان☕ ارتبطت بانخفاض خطر سرطان الكبد، وسرطان بطانة الرحم، وبعض أنواع السرطان الأخرى.

↩️ وفي دراسات ربطت بين شرب القهوة باعتدال وانخفاض معدلات الاكتئاب والانتحار.

⬅️ ولو إنت رياضي، فالقهوة بتحسن الأداء الرياضي، وتزود القوة، وتقلل الإحساس بالتعب، وتحسن التحمل.
⬅️
غير إنها تعتبر من أكبر مصادر مضادات الأكسدة في النظام الغذائي عند ملايين الناس حول العالم.

ثم القهوة زي البشر…

☕ في منها فاتح، وفي منها غامق.
وكل لون له مميزاته

☕ القهوة الفاتحة تحميصها أقل، فبتحتفظ بمضادات أكسدة أكتر، لكن بتكون أعلى في الحموضة.
☕
أما القهوة الغامقة، فطعمها أمرّ، وفيها نكهة التحميص أو الدخان أوضح، لكن مضادات الأكسدة فيها أقل شوية، وفي ناس كتير بتلاقيها أسهل على المعدة.

☕ أما الكافيين، فالفرق بين الفاتح والغامق بسيط، لكن الفاتحة غالبًا بتكون أعلى شويه في الكافيين.

ولو إنت بتشرب القهوة على معدة فاضية، فالغامقة غالبًا هتكون ألطف على معدتك.

أما لو هدفك تحصل على أكبر قدر من مضادات الأكسدة، فالفاتحة اختيار ممتاز.

لو نتشربها الصبح يبقي

☕☕ بعد ما تصحى بحوالي 60 إلى 90 دقيقة.

لأن أول ما بتصحى، هرمون الكورتيزول بيكون مرتفع طبيعي ، والقهوة ممكن تزوده أكتر.

لكن بعد حوالي ساعة، بيبدأ يرجع لمستواه الطبيعي، وساعتها تستفيد منها أكتر.👍☕

ولو رايح تتمرن، اشربها قبل التمرين بـ 30 إلى 60 دقيقة.

ولو عايز نومك يفضل كويس، بلاش تشربها قبل النوم بحوالي 8 ساعات.⬅️☕

وفي العموم، 3 فناجين قهوة موزعين من الصبح لحد المغرب يعتبروا مناسبين لمعظم الناس الأصحاء.

الناس اللي تقلق من قوه القهوه 🤔

↩️ اللي عندهم اضطرابات شديدة في ضربات القلب، أو أرق، أو حساسية للكافيين، أو ارتجاع في المريء وبيلاحظوا إن القهوة بتزود أعراضهم.

⬅️ أما إشاعة إن القهوة بترفع الضغط بشكل دائم…

فدي مش صحيحة.⛔❌

هي ممكن ترفع الضغط بشكل مؤقت بعد الشرب، لكن عند أغلب الناس اللي متعودين عليها، مفيش تأثير مستمر على ضغط الدم.

⬅️ وما تنساش تحط نقطتين مية على البن قبل التحضير، لأنها بتساعد على ترطيب البن، وتقليل تطاير المركبات العطرية، وتكوين وش القهوة الجميل.

ولو هتشربها…

⬅️ اشربها سادة، أو على الريحة.

❌ بلاش تغرقها سكر.

⛔ وبلاش مبيضات القهوة اللي مليانة دهون متحولة وسكريات.

⛔ وبلاش تعتمد عليها عشان تسهر كل يوم.

⛔ وبلاش تشربها أول ما تصحى علطول أو على معدة فاضية.

وفي الآخر…

لا تنسى تصلي علي النبي ❤️

#ريجيمات #الراحه #بلبيس #بلبيس #المفاصل #الأوميجا #العظام #العظام #نصيحه #التمرين #المدرب