15/08/2026
أغلب البرامج التدريبية بتفشل لأنها بتهمل هاد السر البسيط!💁🏻♀️
إذا بتتمرن وما عم تشوف نتائج، أو بتحس بحيرة ببرنامجك الرياضي، السبب غالبًا إنك عم تركّز على تمارين عشوائية بدل أنماط الحركة الأساسية.
أي برنامج تدريبي ناجح ومتوازن لازم يحتوي على 7 حركات أساسية بيحتاجها جسمك بالرياضة وبالحياة اليومية:
Squat (السكوات): لبناء قوة الجزء السفلي واستقرار الركبتين.
Hinge (الهينج): لتقوية السلسلة الخلفية وعضلات الفخذ الخلفية.
Lunge (اللانج): لتعزيز التوازن وقوة كل رجل بشكل منفصل.
Push (البوش): لتمارين الدفع وتقوية الصدر والكتفين.
Pull (البل): لتمارين السحب وبناء عضلات الظهر.
Rotation (الروتيشن): لزيادة مرونة وحركة الجذع أثناء الدوران.
Plank (البلانك): لثبات الثنائيات وحماية الأسفل من الظهر.
دمج هدول الأنماط السبعة هو المفتاح لتضمن نتائج حقيقية وجسم متناسق بدون إصابات. كمان هم الأوضاع الاساسية الي منهم منشتق معظم الحركات بالتدريب .
و انا شخصياً بحرص إنه كلهم يكونوا موجودين ببرامجي التدريبية مع المشتركين 💪🏼
📌 إحفظ المنشور عندك خليك تبني برنامجك صح .
💬 شاركني بالتعليقات شو حركتك المفضلة من بينهم ؟ و هل كنت تعرف هالمعلومات من قبل ؟
🔔 لو اول مرة بتشوفني ما تنسى تتابعني لتعرف أكتر عن الحياة الصحية 🍉
04/08/2026
مشبسصديقتي أقسمبالله ✨️💃🏻
و عشان كلشي أحلى مع الصاحبات ، قررنا نشجعكم ! 🏋️♀️
احصلي أنتِ وصديقاتكِ على خصم 15% على اشتراكات اللياقة البدنية عند التسجيل معاً كمجموعة من 4 شريكات.
و أحصلوا على تمرين جماعي بروح التدريب الشخصي (Personal Training) يجمع بين حماس المجموعة ودقة المتابعة والاهتمام الفردي !
اجمعي صديقاتكِ وابدؤوا رحلتكم بجرعة مضاعفة من التحدي والمرح و حققوا أهدافكم سوا ! 💪🔥
📩 للإستفسار و التفاصيل : تواصلوا معنا عبر الرسائل الخاصة.
📲 شاركي البوست مع صديقاتك و منشنيهم في التعليقات 🤳🏻
* تنويه : الخصم لفترة محدودة ، بمناسبة مرور ٦ سنوات على الإفتتاح خلال هذا الشهر .
04/08/2026
لأننا عم نكبر سوا وعددنا عم يكتر ، وفي كتير ناس جديدة نورت صفحتي مؤخراً.. حبيت أسهل عليكم التعرّف عليّ أكثر، وعلى شو بقدم وكيف بنشتغل مع بعض ! ✨️
جمعت لكم كل التفاصيل بالصور 👆🏻 .. تصفحوهم لتاخدوا فكرة أقرب.
شاركوني بالتعليقات شو أكتر معلومة حبيتوها او فاجئتكم ؟
تواصلوا معي لحجز إستشارتكم و بدأ تدريباتكم 🤳🏻
و لو أو مرة بتشوفني ما تنسى تتابعني لتعرف أكتر عن الحياة الصحية 🍉
و اللي بقوللي ( رغَد) بفتح الغين بدل (رغْد) بتسكين الغين بعد اليوم يا ويله 🪓
27/07/2026
مرري لآخر المنشور لتتعرفي على تمارين آمنة بفترة الحمل ⬅️
استعدي لولادة أسهل وجسم أقوى.🤰🏻💪🏼
احجزي استشارتكِ لتبلشي بتدريباتك مخصصة و آمنة تماماً إلك و لطفلك 🤱🏻عبر الرسائل الخاصة الآن. 📩
ابعتي البوست لصديقتك الحامل لتستفيد 😍
20/06/2026
جسمك ما بيفهم اسم الأداة، بيفهم المقاومة وطريقة الحركة!"💁🏻♀️
قبل أي شي، ضروري أوضح ، أنا مش ضد أي رياضة معينة ولا بهاجم أي أداة. بالعكس، كل نوع حركة إله فايدته ومتعته.
لكن من حقك كشخص حابب يطور من جسمه وصحته يكون عنده الوعي الكافي ببدائله وخياراته🙂↕️
و دوري أوعي الناس بهالبدائل
مش شرط أبداً تسجلي بحصص معينة أو تلتزمي بنوع رياضة محدد بس عشان تشوفي نتايج معينة حاببتيها في جسمك (متل القوة العميقة، الثبات، وتفعيل عضلات الكور).
بالصور حطيتلك حركات بتشوفيها دايماً بالبيلاتس، ونفسها تماماً وبنفس التكنيك والفايدة بنقدر نعملها باستخدام الاداة المسماه الـ TRX.
نفس النتائج ، بأداة مختلفة ..
جسمك ما بيعرف اسم الأداة ولا نوع الحصة، جسمك بيفهم "مقاومة" و"حركة صحيحة وتفعيل صح". في أكتر من طريق وبأكتر من أداة بتقدري توصلي لنفس النتيجة، واختاري دايماً الوسيلة اللي بتناسبك وبتناسب أهدافك.
كنتِ تعرفي هاي المعلومة ؟
تنسوش تحكولي اسم حصصكم المفضلة بالتعليقات 👇🏻
شاركِ البوست مع صديقتك لتستفيد
و لو أول مرة بتشوفوني " أنا رغد بتسكين الغين مدربة لياقة بدنية بساعدك تزيد معلوماتك عن الحياة الصحية " تابعني لتضل تستفيد 🍉🥰
08/05/2026
من ماراثون فلسطين الدولي العاشر Family race 🕊
إنطلاق ماراثون فلسطين العاشر من مدينة بيت لحم تحت عنوان " الحق بالحركة " 🏃🏻♀️ ، بعد توقف عدة سنوات بسبب الحرب .
بتأمل المعالج الطبيعي لأجري المصابة ما يشوف البوست 🤣🙈
20/06/2026
08/05/2026