BoundaryBites

اکستان کی ٹیسٹ اسکواڈ آج راولپنڈی کرکٹ اسٹیڈیم میں پانچ روزہ تربیتی کیمپ کے لیے جمع ہوگئی۔
9 تا 12 جولائی: بھرپور ٹریننگ سیشنز
10 اور 11 جولائی: دو روزہ انٹرا اسکواڈ پریکٹس میچ
13 جولائی: ویسٹ انڈیز روانگی
قومی کھلاڑیوں نے ویسٹ انڈیز کے اہم دورے کی تیاریوں کا آغاز کر دیا ہے، جہاں فٹنس، مہارت اور میچ صورتحال کے مطابق بھرپور مشق کرائی جائے گی۔ امید ہے کہ گرین شرٹس بہترین تیاری کے ساتھ میدان میں اتریں گے اور شاندار کارکردگی کا مظاہرہ کریں گے۔
کیریبین فتح کا مشن اب شروع ہو چکا ہے!

شاداب خان کا خصوصی انٹرویو میں بڑا بیان
"کچھ لوگ کہتے ہیں کہ تنقید انسان کو مزید محنت کرنے کا حوصلہ دیتی ہے، لیکن میرا ماننا ہے کہ جس لمحے آپ پاکستان کے سینے پر ستارہ سجاتے ہیں، وہی چیز آپ کے لیے سب سے بڑی تحریک اور ذمہ داری ہونی چاہیے۔
پاکستان کی نمائندگی کرنا کسی بھی کھلاڑی کے لیے سب سے بڑا اعزاز ہے، اور قومی ٹیم کی شرٹ پہننا ہی اس بات کے لیے کافی ہونا چاہیے کہ آپ ہمیشہ اپنا بہترین دینے کی کوشش کریں۔
شاداب خان نے کہا کہ کھلاڑی کو تنقید سے زیادہ اپنے ملک کے لیے کھیلنے کے جذبے اور ذمہ داری کو اہمیت دینی چاہیے۔

فخر زمان نے پاکستان کے لیے اپنی سب سے بڑی خواہش بتا دی!
ایک انٹرویو میں فخر زمان سے پوچھا گیا کہ پاکستان کے لیے کئی یادگار فتوحات، خصوصاً 2017 کی چیمپئنز ٹرافی جیتنے کے بعد بھی کیا ان کا کوئی خواب باقی ہے؟
فخر زمان نے جواب دیا:
"میری صرف ایک ہی خواہش باقی ہے، میں ریٹائر ہونے سے پہلے پاکستان کو ایک اور آئی سی سی ٹرافی جیتتے دیکھنا چاہتا ہوں۔ یہی میرا سب سے بڑا خواب ہے۔
فخر زمان 2017 کی چیمپئنز ٹرافی کے فائنل کے ہیرو رہے تھے، جہاں ان کی سنچری نے پاکستان کو تاریخی فتح دلانے میں کلیدی کردار ادا کیا۔ اب ان کی خواہش ہے کہ وہ اپنے کیریئر کے اختتام سے پہلے ایک بار پھر پاکستان کو عالمی چیمپئن بنتا دیکھیں۔

بڑا اشارہ یا صرف تعریف؟ مائیک ہیسن کا شاہین آفریدی پر اہم بیان سامنے آگیا

پاکستان وائٹ بال ٹیم کے ہیڈ کوچ مائیک ہیسن نے شاہین شاہ آفریدی کی قائدانہ صلاحیتوں کی تعریف کرتے ہوئے کہا کہ شاہین نے جب بھی ٹیم کی قیادت کی، ذمہ داری کا بہترین مظاہرہ کیا۔
ہیسن کا کہنا تھا: "ایک فاسٹ بولر کے لیے کپتانی کرنا آسان نہیں ہوتا، لیکن شاہین شاہ آفریدی نے اس چیلنج کو بہترین انداز میں سنبھالا اور اپنی قائدانہ صلاحیتوں کا بھرپور اظہار کیا۔
ٹی ٹوئنٹی ٹیم کی کپتانی میں ممکنہ تبدیلی اور سلم ن علی آغا سے متعلق خبروں پر سوال کے جواب میں مائیک ہیسن نے واضح کیا کہ وہ افواہوں پر کوئی تبصرہ نہیں کرتے۔
انہوں نے کہا: "پاکستان آ کر میں نے سب سے پہلے یہی سیکھا ہے کہ افواہوں پر ردعمل دینے کے بجائے اپنی پوری توجہ ٹیم کی تیاری، کارکردگی اور مستقبل کی منصوبہ بندی پر رکھنی چاہیے۔