حق سچ نیٹ ورک

🇵🇰 79 واں یومِ آزادی — 14 اگست 1947 🇵🇰

آج کا دن ہمیں اُن عظیم قربانیوں کی یاد دلاتا ہے جن کے نتیجے میں ہمیں ایک آزاد وطن پاکستان نصیب ہوا۔ 💚

آئیے اس یومِ آزادی پر عہد کریں کہ ہم اپنے وطن کی ترقی، امن، خوشحالی اور استحکام کے لیے اپنا کردار ادا کریں گے۔
اتحاد، ایمان اور نظم و ضبط کو اپنا شعار بنائیں گے اور پاکستان کو مزید مضبوط بنانے میں اپنا حصہ ڈالیں گے۔

🇵🇰 پاکستان ہماری پہچان، ہماری شان اور ہمارا فخر ہے۔

✨ جشنِ آزادی مبارک!
💚 پاکستان زندہ باد! 🇵🇰

#14اگست

ویلڈن ڈاکٹر عمران! 👏

ڈی ایچ کیو چارسدہ کے ڈینٹل سرجن ڈاکٹر عمران نے سیکرٹری ہیلتھ کے اچانک دورہ کے موقع پر ہسپتال میں بنیادی طبی سہولیات کی عدم دستیابی کی نشاندہی کرتے ہوئے حق اور عوامی مسائل کی بھرپور آواز اٹھائی۔

ڈاکٹر عمران نے واضح الفاظ میں کہا کہ ڈی ایچ کیو چارسدہ میں سی ٹی اسکین، ایم آر آئی، کیتھ لیب اور گردن کی ایکسرے مشین جیسی اہم سہولیات موجود نہیں ہیں۔

جب ان سے کہا گیا کہ یہ سوال عوام کی جانب سے اٹھایا جاتا تو مناسب تھا، تو ڈاکٹر عمران نے دوٹوک مؤقف اختیار کرتے ہوئے کہا:

"یہ صرف عوام کا نہیں، ہم سب کا مسئلہ ہے۔ میں نے صرف مسائل کی نشاندہی کی ہے۔ آپ زیادہ سے زیادہ مجھے نوکری سے نکال سکتے ہیں یا میرا تبادلہ کر سکتے ہیں، لیکن حق کے لیے آواز اٹھانا ضروری ہے۔"

ویلڈن ڈاکٹر عمران!
آپ نے اہلِ چارسدہ کے مسائل کی نشاندہی کرکے اپنا حق ادا کیا ہے۔ حق اور عوامی مفاد کے لیے آواز اٹھانے والوں کو سلام۔

اہلِ چارسدہ آپ کے ساتھ ہیں۔ ✊🇵🇰

عالمی منڈی میں خام تیل تقریباً 80 ڈالر فی بیرل کی سطح پر آ گیا، مگر پاکستان میں عوام اب بھی مہنگے پٹرول اور ڈیزل کا بوجھ اٹھا رہے ہیں۔

عوام کا سوال ہے کہ جب عالمی منڈی میں تیل کی قیمتیں کم ہوتی ہیں تو اس کا مکمل ریلیف عوام تک کیوں نہیں پہنچتا؟

حکومت کو چاہیے کہ عالمی قیمتوں میں کمی کا حقیقی فائدہ عوام کو منتقل کرے تاکہ مہنگائی میں بھی کمی آئے۔

#مہنگائی

🇵🇰 4 اگست — یومِ شہدائے پولیس

وطنِ عزیز اور عوام کے تحفظ کے لیے اپنی جانوں کا نذرانہ پیش کرنے والے پولیس کے تمام شہداء کو سلامِ عقیدت۔ 🌹

ہم اُن بہادر سپوتوں کی لازوال قربانیوں کو خراجِ تحسین پیش کرتے ہیں جنہوں نے امن، قانون اور عوام کی حفاظت کے لیے اپنی زندگیاں قربان کر دیں۔

شہدائے پولیس ہمارا فخر ہیں، اُن کی قربانیاں ہمیشہ یاد رکھی جائیں گی۔

اللہ تعالیٰ تمام شہداء کے درجات بلند فرمائے اور لواحقین کو صبرِ جمیل عطا فرمائے۔ آمین۔

#4اگست 🇵🇰❤️

محکمہ پولیس میں پولیس ویلفیئر فنڈ کی اضافی کٹوتی پر پولیس اہلکاروں نے شدید تشویش کا اظہار کیا ہے۔

اہلکاروں کا کہنا ہے کہ ایک طرف تنخواہوں میں معمولی اضافہ کیا گیا، جبکہ دوسری جانب پولیس ویلفیئر فنڈ کی کٹوتی بڑھا دی گئی۔ ان کے مطابق اس فنڈ کے فوائد ماتحت عملے تک مؤثر انداز میں نہیں پہنچتے، لہٰذا حکومت اور پولیس حکام سے مطالبہ ہے کہ یا تو ویلفیئر فنڈ کے استعمال کو مکمل شفاف بنایا جائے اور اس کے فوائد تمام اہلکاروں تک پہنچائے جائیں، یا پھر اس فنڈ کی کٹوتی مکمل طور پر ختم کی جائے۔

ایک ایسے بے بس انسان کی تصویر، جو ذہنی بیماری کا شکار ہے۔ اگر بختِ رحمان واقعی ذہنی مریض ہے اور اسے موبائل چلانا تک نہیں آتا، تو آخر بار بار اسی کو ہتھکڑیاں لگا کر عدالتوں اور تھانوں میں کیوں پیش کیا جا رہا ہے؟

اگر تحقیقات سے یہ بات سامنے آ رہی ہے کہ اس کے پیچھے دوسرے افراد موجود تھے اور وہی اسے اپنے مقاصد کے لیے استعمال کرتے رہے، تو قانون کی گرفت صرف ایک بے بس شخص تک محدود نہیں رہنی چاہیے بلکہ اصل کرداروں تک بھی پہنچنی چاہیے۔

ایک ذہنی مریض کو بار بار رسوا کرنا انصاف نہیں، بلکہ انسانی، قانونی اور اخلاقی اصولوں کے منافی ہے۔ اگر اس کی ذہنی حالت ثابت ہے، تو اس کے ساتھ قانون کے مطابق اور انسانی وقار کو مدِنظر رکھتے ہوئے برتاؤ کیا جائے۔

اصل ذمہ دار افراد کو گرفتار کر کے قانون کے کٹہرے میں لایا جائے تاکہ انصاف ہوتا ہوا نظر بھی آئے۔ ایک بے بس انسان کو نشانہ بنانے کے بجائے ان لوگوں کا احتساب ہونا چاہیے جو اسے اپنے مفادات کے لیے استعمال کرتے رہے۔