Info News Nepal

गृहमन्त्री सुधन गुरुङले कञ्चनपुरकी बालिका निर्मला पन्त बला त्कार र ह त्या प्रकरणको गुपचुपमै काम भइरहेको बताएका छन् । आज बसेको संसद बैठकमा सांसदहरुको प्रश्नको जवाफ दिँदै गृहमन्त्रीले निर्मला प न्त ह त्या प्र क रणमा गुपचुपमै काम भइरहेको बताएका हुन् । ‘तपाईंहरूले निर्मला पन्तको कुरा उठाउनु भएको छ । कतिपय काम गुपचुप गर्नुपर्ने अवस्था हुँदो रहेछ । यो विषयमा हामी एकदम संवेदनशील छौं । हामीले सिरियस्ली हेरेका छौं । हाम्रा छोरी चेलीलाई हत्या गरे । त्यसपछि त्यो घटनामा क-कसले राजनीति गरे । त्यस विषयमा पनि हामीले काम अघि बढाएका छौं ।’ उनले भने ।

अर्थमन्त्री स्वर्णिम वाग्लेले प्रधानमन्त्री तथा मन्त्रिपरिषद् कार्यालयको बजेटमै रकमको हिसाब नमिलेको स्वीकार गरेका छन् । आज बसेको संसद बैठकमा अर्थमन्त्रीले सांसदहरुको प्रश्नको जवाफ दिने क्रम उक्त कुरा स्वीकार गरेका हुन् । वाग्लेले भने, ‘सूचना प्रविधि विभाग र राष्ट्रिय साइबर सुरक्षा केन्द्रको पुँजीगततर्फ मन्त्रालयगत बजेट सूचना प्रणाली एलएमबीआईएसमा विनियोजित कार्यक्रम एक्सल सिटमा लुकेको र रोहरू हाइड हुँदा प्रकाशन हुन गएको विकास कार्यक्रम पुस्तिकामा नदेखिएको सही हो ।’ साथै उनले यो विषयले कूल विनियोजित बजेटमा फरक नपरेको जिकिर गरे ।

श्रम संस्कृति पार्टीका अध्यक्ष हर्क साम्पाङले सदनमा रक्षामन्त्री सहभागी नभएकाले बोलाउन आग्रह गरेका छन् । बजेटमाथि मन्त्रालयगत छलफलमा सदनमा प्रधानमन्त्री बालेन शाह नआएपनि रक्षा मन्त्री आउनुपर्नेमा उनले जोड दिए । ‘रक्षा मन्त्रालय अन्तर्गतको पनि छलफल गर्ने कार्यसूची छ। रक्षामन्त्रीज्यू आउनुभएको छ जस्तो मलाई लागेको छैन, उहाँलाई पनि बोलाइयोस्।’ उनले भने। रक्षा मन्त्रालयको जिम्मेवारी प्रधानमन्त्रीले नै सम्हालिरहेका छन्।

रास्वपाको पहिलो महाधिवेशनको उद्घाटन सत्रमा उद्घाटन सत्रमा सभापति रवि लामिछाने र वरिष्ठ नेता तथा प्रधानमन्त्री बालेन्द्र शाहले सम्बोधन गर्ने भएका छन् । भरतपुर १० स्थित गेष्टहाउस चौरमा हुने ७ गते दिउँसो १ बजे सुरु हुने उद्घाटन सत्रमा पार्टीका तर्फबाट अन्य नेता पनि बोल्ने कार्यक्रम तय भएको छ भने शुभकामनाका लागि अन्य दलका राजनीतिक व्यक्तित्वलाई आमन्त्रण गरिएको छ।