12/03/2026
फुटबल जगतका एक हस्तीको अन्त्य
फर्पिङका प्रतिष्ठित तथा सबैका प्रिय खेलकुद व्यक्तित्व श्री मुकुन्दा हरि रन्जितको असामायिक निधनको खबरले हामी सम्पूर्ण फर्पिङ खेलकुद विकास क्लब परिवार गहिरो दुःख र शोकमा डुबेका छौँ। उहाँले फर्पिङ क्षेत्रको खेलकुद विकास, खेलाडीहरूलाई प्रोत्साहन तथा युवापुस्तालाई खेलकुदतर्फ प्रेरित गर्न पुर्याउनु भएको महत्वपूर्ण योगदान सधैँ स्मरणीय रहनेछ।
उहाँ एक असल खेलाडी मात्र नभई खेलकुदप्रेमी, मार्गदर्शक र समाजप्रति समर्पित व्यक्तित्वका रूपमा चिनिनु हुन्थ्यो। उहाँको सरल स्वभाव, सहयोगी भावना र खेलप्रतिको समर्पणले फर्पिङको खेलकुद क्षेत्रलाई सधैँ ऊर्जा र प्रेरणा प्रदान गर्दै आएको थियो। उहाँको सक्रियता र नेतृत्वले यहाँका धेरै युवाहरूलाई सकारात्मक बाटोतर्फ अघि बढ्न प्रेरित गरेको छ।
उहाँको निधनले फर्पिङको खेलकुद क्षेत्रले एक अमूल्य व्यक्तित्व गुमाएको छ। उहाँले पुर्याउनुभएको योगदान र सम्झना हामी सबैका मनमा सदैव जीवित रहनेछ।
यस दुःखद घडीमा स्वर्गीय आत्माको चिरशान्तिको कामना गर्दै शोकसन्तप्त परिवारजन, आफन्तजन तथा उहाँलाई माया गर्ने सम्पूर्ण खेलकुद प्रेमि प्रति फर्पिङ खेलकुद विकास क्लब परिवारको तर्फबाट हार्दिक समवेदना व्यक्त गर्दछौँ।
फर्पिङ खेलकुद विकास क्लब
परिवार
11/12/2023
28/11/2023
04/11/2023
03/11/2023
02/11/2023
31/10/2023
21/10/2023