Moji Tsogt

ЭМЭГТЭЙЧҮҮДИЙН МАЦАГ БАРИЛТ: АЛДАА БА ОНЦЛОГ
Та өглөөний цайгаа алгасч мацаг барих нь жин хасахад тусална гэж бодож байвал, энэ нь эмэгтэй хүний биед стресс үүсгэж, өөх шатаах биш харин ч нөөцлөхөд хүргэдэг гэдгийг мэдэх үү? Үүний оронд өглөө сэрснээс хойш 30 минутын дотор уураглаг өглөөний цай ууж бодисын солилцоогоо сэргээх нь бидний биед хамгийн зөв сонголт юм. Өдрийн турш уураг, эслэгээр баялаг хоол хүнс хэрэглэх нь үдээс хойш чихэрлэг зүйл идэх хүслийг бүрэн зогсоож, эрч хүчийг тогтвортой хадгалдаг. Харин жинхэнэ эрүүл "мацаг"-ийг оройн хоолноос хойш унтах хүртлээ юу ч идэхгүйгээр, шөнийн гүн нойрон дунд 12-13 цагийн турш байгалийн жамаар нь барих нь зүйтэй. Эмэгтэй хүний биеийн онцлогт тохирсон энэхүү дадлыг өнөөдрөөс хэрэгжүүлж, гүн нойрсож, эрүүл мэндээ хамтдаа тэтгэцгээе!
Доктор Стейси Симс (Dr. Stacy Sims) бол "эмэгтэй хүн бол жижигрүүлсэн эрэгтэй хүн биш" гэдгийг баталж, эмэгтэйчүүдийн биеийн онцлог, хоол тэжээлийн чиглэлээр дэлхийд тэргүүлдэг шинжлэх ухааны судлаач, эрдэмтэн юм. Түүний судалгаанууд нь уламжлалт мацаг барилтын арга эмэгтэй хүний дааварт стресс үүсгэдэг болохыг нотолсон бөгөөд бидний бэлтгэсэн энэхүү мэдээллийн гол эх сурвалж (quelle) болж байгаа билээ.

Архаг стресс нь зүрхний цохилт, цусны даралт, дааврын тэнцвэрт нөлөөлдөг ч бид сэтгэлээ тайвшруулж, зорилгоо шинэчилж, өөрийгөө бүхэл амьдралынхаа зөвхөн нэг хэсгээр бус бүтнээр нь харах үед бие ба оюун дахин тэнцвэржиж эхэлдэг.

“Сэтгэлийн хат гэдэг сорилтоор дамжин илүү хүчтэй, илүү ухамсартай, шинэ хувилбар болон төлөвших үйл явц юм.” — Dr. Tara Narula

Дасгал хөдөлгөөнийг зөвхөн илчлэг шатаах арга биш, харин стресс даах чадвараа сайжруулах бэлтгэл гэж харж эхлэхэд бүх зүйл надад ойлгомжтой болсон. Хөдөлгөөн болон хүчний бэлтгэл нь бие махбодыг зөвхөн физиологийн хувьд бус, харин сэтгэл санаа, оюун ухааны хувьд стресст илүү тэсвэртэй болгоход тусалдаг.

Доктор Стейси Симсийн хэлснээр дасгал нь бие махбодод үзүүлж буй гайхалтай эерэг стресс юм. Энэ нь төв мэдрэлийн системээс эхлээд эсийн хамгийн жижиг хэсгүүдэд хүртэл өөрчлөлтийг бий болгодог. Үүний үр дүнд амьдралын өдөр тутмын дарамтыг сөрөн зогсох, стресс даах ерөнхий чадвар сайжирдаг.

Хөдөлгөөн хийх нь үнэхээр төвлөрч, өөрийгөө дахин мэдрэхэд тусалдаг. Дараагийн удаа танд хэт их ачаалал мэдрэгдэж бухимдах үед стресстэйгээ зүгээр суухын оронд богино хугацааны хүчний дасгал хийгээд үзээрэй.

Таны хувьд толгойгоо сэргээж, тайвшруулахад ямар төрлийн хөдөлгөөн хамгийн их тусалдаг вэ?