Tachileik Football Academy

ဂုဏ်ယူစရာ အောင်မြင်မှုနဲ့အတူ အဇာဘိုင်ဂျန် ခရီးစဉ်ဆီသို့... ! 🇲🇲⚽✨

၂၀၂၆ ခုနှစ်၊ အောက်တိုဘာ (၂၂) ရက်မှ (၃၁) ရက်အထိ အဇာဘိုင်ဂျန်နိုင်ငံမှာ ကျင်းပပြုလုပ်မယ့် FIFA U-15 World Cup and Festival ပြိုင်ပွဲကြီးအတွက် မြန်မာနိုင်ငံဘောလုံးအဖွဲ့ချုပ် (MFF) ကနေ ပဏာမ ယူ-၁၅ လက်ရွေးစင် (၃၂) ဦး စာရင်းကို တရားဝင် ထုတ်ပြန်ကြေညာလိုက်ပြီပဲ ဖြစ်ပါတယ်။ 📋🇲🇲✨

အဆိုပါ ပဏာမ စာရင်း ရွေးချယ်ပွဲအတွက် ကျွန်တော်တို့ Eastern Shan (TCL Academy) FC မှ လူငယ် ကစားသမား (၉) ဦးအထိ သွားရောက် ယှဉ်ပြိုင် အရွေးချယ်ခံခဲ့ကြပြီး၊ နောက်ဆုံး ပဏာမ (၃၂) ဦး စာရင်းထဲမှာတော့ (၄) ဦးအထိ ဂုဏ်ယူစွာဖြင့် အရွေးချယ်ခံခဲ့ရပါတယ်! 🏆🔥⭐

မြန်မာ ယူ-၁၅ လက်ရွေးစင် ပဏာမ စာရင်းတွင် ပါဝင်သွားခဲ့သည့် ကျွန်တော်တို့ Tachileik football Academy ရဲ့ ဂုဏ်ဆောင် ကစားသမားများမှာ - 🌟✨

၁။ မောင် ကောင်းခန့်ကျော် ⚽👟
၂။ မောင် လှိုင်မင်းထက် ⚽👟
၃။ မောင် အောင်ကောင်းမြတ် ⚽👟
၄။ မောင် ခန့်အောင်ကျော် ⚽👟
တို့ပဲ ဖြစ်ပါတယ်။

တာချီလိတ်မြို့ တာချီလိတ်ဘောလုံးအကယ်ဒမီ ဂုဏ်ကို မြှင့်တင်ပေးနိုင်ခဲ့သည့်အတွက် အထူးပင် ဂုဏ်ယူဝမ်းမြောက်ရပါတယ်! 👏🎉 အဇာဘိုင်ဂျန် ခရီးစဉ်အထိ နောက်ဆုံးအဆင့် လက်ရွေးစင် စာရင်းမှာလည်း ဆက်လက် ပါဝင်နိုင်အောင် အစွမ်းကုန် ကြိုးစားသွားကြပါလို့ တိုက်တွန်း အားပေးလိုက်ရပါတယ်။ 💪🇲🇲✈️

ဆက်လက်ကြိုးစားကြရမယ့် ညီငယ်များအတွက်... ❤️

ယခုအကြိမ်မှာ အရွေးချယ် မခံခဲ့ရသေးတဲ့ ကျန်ရှိသူ ညီငယ် (၅) ဦးအတွက်လည်း စိတ်ဓာတ်မကျဘဲ အခွင့်အရေးဆိုတာ ကြိုးစားသူတွေအတွက် အမြဲတမ်း ရှိနေပါသေးတယ်။ 💯✨ ဒီအတွေ့အကြုံကို သင်ခန်းစာယူပြီး ပိုမို ကြံ့ခိုင်တဲ့ ခြေစွမ်းတွေနဲ့အတူ ရှေ့ဆက်မနား ကြိုးစားသွားကြဖို့နဲ့ TCL Academy ကလည်း အမြဲတမ်း နောက်ကနေ အပြည့်အဝ ပံ့ပိုးပေးသွားမှာဖြစ်ကြောင်း သတင်းကောင်းပါးပါရစေ။ 🎯💪🤝

🔥 တာချီလိတ်၏ ဂုဏ်ဆောင် ကရာတေးစတား "ဝါဝါဝင်း" အတွက် ဂုဏ်ပြုဆုမွန်လွှာ 🥋🏆

တာချီလိတ် အကယ်ဒမီမိသားစု မှ အားကစားသမားလေး ဝါဝါဝင်း သည် မြန်မာနိုင်ငံ ကရာတေးအဖွဲ့ချုပ်၏ တရားဝင် ထုတ်ပြန်ချက်အရ နိုင်ငံတော်အဆင့် ကြီးမားသည့် အောင်မြင်မှု မှတ်တိုင် (၂) ခုကို တပြိုင်နက်တည်း ရယူနိုင်ခဲ့ပြီ ဖြစ်ပါသည်။

ဆွတ်ခူးနိုင်ခဲ့သည့် သမိုင်းဝင် အောင်မြင်မှုများ

(၃၄) ကြိမ်မြောက် SEA Games စခန်းသွင်းလေ့ကျင့်ရေး

တစ်နိုင်ငံလုံးမှ ရွေးချယ်ခံရသည့် ထိပ်သီး အမျိုးသမီး အားကစားသမား (၂၀) ဦးအနက် တစ်ဦးအဖြစ် ပါဝင်ခဲ့ပြီး ရန်ကုန်မြို့ အားကစားနှင့် ကာယပညာသိပ္ပံတွင် စခန်းသွင်း လေ့ကျင့်ခွင့် ရရှိခဲ့ခြင်း။

(၂၂) ကြိမ်မြောက် ASEAN University Games 2026 လက်ရွေးစင်လူရွေးပွဲ

မလေးရှားနိုင်ငံတွင် ကျင်းပမည် ဖြစ်သော အာဆီယံတက္ကသိုလ်များ အားကစားပြိုင်ပွဲ၌ မြန်မာနိုင်ငံကိုယ်စားပြု ယှဉ်ပြိုင်နိုင်ရန် ရန်ကုန်ပညာရေးတက္ကသိုလ် Learning Hub တွင် ပြုလုပ်မည့် လူရွေးပွဲသို့ တရားဝင် ဖိတ်ကြားခံရခြင်း။

အထူးကျေးဇူးတင်လွှာ

အားကစားသမားလေး ဝါဝါဝင်းအား နိုင်ငံတော်အဆင့် လက်ရွေးစင်တစ်ဦးဖြစ်အောင် နည်းစနစ်ကျကျ စနစ်တကျ မြေတောင်မြှောက် ပျိုးထောင်ပေးခဲ့သည့် ကရာတေးနည်းပြဆရာ ဦးစောပလဲရယ်ဂျောန့် ကိုလည်း အထူးပင် လေးစားဂုဏ်ပြုအပ်ပါသည်။

တာချီလိတ် အကယ်ဒမီ မိသားစုတစ်ခုလုံးက ဝါဝါဝင်းတစ်ယောက် ရှေ့ဆက်မည့် ပြိုင်ပွဲကြီးများတွင် အောင်မြင်မှုပေါင်းများစွာ ဆွတ်ခူးပြီး တာချီလိတ်မြို့နှင့် မိမိနိုင်ငံ၏ ဂုဏ်ကို ဆက်လက် ဆောင်နိုင်ပါစေကြောင်း အလေးအနက် ဆုမွန်ကောင်းတောင်းပေးလိုက်ပါသည်။ 🇲🇲🔥🌟

Match Photo 📸📸📸

🎉 MATCH RESULT | FULL TIME 🎉

ဂုဏ်ယူပါတယ်! Eastern Shan (TCL Academy) FC အသင်းက MIDDLE SHAN STATE FC အသင်းကို ၃ ဂိုး - ၁ ဂိုး နဲ့ ထိုက်ထိုက်တန်တန် အနိုင်ရရှိသွားခဲ့ပါပြီ! ⚽️🔥

⚽️ Match Highlights
"အတားအဆီးတွေကိုကျော်ဖြတ်ပြီး ကွင်းအတွင်း အကောင်းဆုံး ကစားကွက်၊ စည်းလုံးမှုတွေနဲ့အတူ Eastern Shan (TCL Academy) FC တို့ ၃ - ၁ ဆိုတဲ့ ဂိုးရလဒ်နဲ့ ထိုက်တန်တဲ့ အနိုင်ပွဲကို ဖော်ဆောင်နိုင်ခဲ့ပါပြီ! 🏆💥

အကောင်းဆုံး ကြိုးစားကစားသွားခဲ့ကြတဲ့ ကစားသမားတစ်ဦးချင်းစီနဲ့ နည်းပြအဖွဲ့ဝင်များအားလုံးကို ဂုဏ်ယူဝမ်းမြောက်ကြောင်း မှတ်တမ်းတင်အပ်ပါတယ်။ မိနစ် ၉၀ လုံးလုံး အားတက်သရော အားပေးခဲ့ကြတဲ့ ပရိသတ်တစ်ဦးချင်းစီကိုလည်း အထူးပဲ ကျေးဇူးတင်ရှိပါတယ်ခင်ဗျာ။

ဆက်လက်ယှဉ်ပြိုင်ရမယ့် ပွဲစဉ်တွေမှာလည်း ဒီထက်မက ပိုမိုကောင်းမွန်တဲ့ လက်စွမ်းတွေနဲ့အတူ ပရိသတ်တွေကို အလှပဆုံး အနိုင်ပွဲတွေ ဆက်လက်လက်ဆောင်ပေးသွားပါဦးမယ်!"

📌 Hashtags:

HALF- Time
Eastern Shan (TCL Academy) FC 1 Vs 0 MIDDLE SHAN STATE FC ⚽️⚽️⚽️

🔥 THE ULTIMATE CLASH: IT’S MATCHDAY! 🔥

Eastern Shan (TCL Academy) FC နဲ့ MIDDLE SHAN STATE FC တို့ရဲ့ အကြိတ်အနယ် ပွဲစဉ် ဒီနေ့မှာပဲ ရောက်ရှိလို့လာပါပြီ!

🗓️ Date: 22.8.2026 (ဒီနေ့)

⏰ Kick-off: ညနေ (၃:၃၀) နာရီ

📲 Live: Page ရဲ့ Facebook Live မှ တိုက်ရိုက်ထုတ်လွှင့်မည်

ကွင်းထဲ မလာနိုင်သူများလည်း Facebook Live လေးဖွင့်ပြီး ကျွန်တော်တို့ရဲ့ လူငယ်ကစားသမားလေးတွေကို အတူတူ ဝန်းရံပေးကြစို့!

ဒီနေ့ပွဲအတွက် အသင်းအတွက် အားပေးစကားလေးတွေကို Comment မှာ ရေးခဲ့ပေးကြပါဦး! ⚽💪

Congratulations on Your Achievement! 🏆

🌟⚽ အဇာဘိုင်ဂျန်အထိ ခြေလှမ်းလှမ်းမည့် တာချီလိတ်၏ ဂုဏ်ဆောင် ကစာသမား ၉ ဦး 🇲🇲✨

MFF Royal-D U-15 Youth League 2026 (တောင်ကြီး) ပြိုင်ပွဲကြီးတွင် Eastern Shan (TCL Academy) FC U-15 အသင်းအနေဖြင့် အကောင်းဆုံးခြေစွမ်း ပြသနိုင်ခဲ့သောကြောင့် တာချီလိတ်ဘောလုံးအကယ်ဒမီ၏ ဂုဏ်ဆောင် လူငယ်ကစားသမား ၉ ဦးမှာ မြန်မာ U-15 လက်ရွေးစင်အသင်း ရွေးချယ်ပွဲသို့ တက်ရောက်ခွင့် ရရှိခဲ့ပြီဖြစ်ပါသည်။ 🇲🇲🔥

🏆 တာချီလိတ်ဘောလုံးအကယ်ဒမီ၏ ဂုဏ်ဆောင်ကစားသမား ၉ ဦး ⭐

⚽ မောင်လှိုင်မင်းထက်
⚽ မောင်အောင်ကောင်းမြတ်
⚽ မောင်စိုင်းညီညီခမ်း
⚽ မောင်မင်းသန့်ကိုကို
⚽ မောင်ကောင်းထက်ဖြိုးလှိုင်
⚽ မောင်ရဲလင်းထွန်း
⚽ မောင်ချစ်ထွေးလေး
⚽ မောင်ကောင်းခန့်ကျော်
⚽ မောင်ခန့်အောင်ကျော်

ဒီရွေးချယ်ပွဲသည် ၂၀၂၆ ခုနှစ်၊ အောက်တိုဘာ ၂၂ ရက်မှ ၃၁ ရက်အထိ အဇာဘိုင်ဂျန်နိုင်ငံ၌ ကျင်းပမည့် FIFA U-15 World Cup and Festival သို့ သွားရောက်ယှဉ်ပြိုင်မည့် မြန်မာ U-15 လက်ရွေးစင်အသင်းကို ဖွဲ့စည်းတည်ဆောက်ရန်အတွက် ကျင်းပပြုလုပ်ခြင်း ဖြစ်ပါသည်။ 🌍🏆

💪 တာချီလိတ်၏ ဂုဏ်ကိုဆောင်ပြီး ဒီအဆင့်အထိ ရောက်ရှိလာခဲ့ကြသည့် လူငယ်ကြယ်ပွင့် ၉ ဦးအတွက် အထူးပင် ဂုဏ်ယူမိပါသည်။

ရန်ကုန်တွင် ပြုလုပ်မည့် ရွေးချယ်ပွဲ၌လည်း မိမိတို့၏ အရည်အချင်း၊ ကြိုးစားအားထုတ်မှုနှင့် အကောင်းဆုံးခြေစွမ်းများကို အပြည့်အဝ ပြသနိုင်ကြပြီး မြန်မာနိုင်ငံ U-15 လက်ရွေးစင်အသင်းတွင် ပါဝင်ခွင့်ရရှိကာ အဇာဘိုင်ဂျန်ခရီးစဉ်အထိ ခြေလှမ်းလှမ်းနိုင်ကြပါစေကြောင်း တာချီလိတ်ဘောလုံးအကယ်ဒမီ မိသားစုမှ အပြည့်အဝ ဂုဏ်ယူစွာဖြင့် ဆုမွန်ကောင်း တောင်းပေးလိုက်ပါသည်။ ❤️⚽🇲🇲

တာချီလိတ်၏ ဂုဏ်ဆောင်ကြယ်ပွင့် ၉ ပွင့်…
အဇာဘိုင်ဂျန်အထိ ဆက်လက်တောက်ပနိုင်ပါစေ။ 🌟🇲🇲✨