Ibet789 Agent Myanmar

နတ်ဘုရားကြီးနှစ်ပါး ရှုံးထွက် (၁၆) သင်းအဆင့်မှာ ထိပ်တိုက်တွေ့တော့မှာပါ။ မက်ဆီရဲ့ အာဂျင်တီးနားနဲ့ ဆာလာရဲ့ အီဂျစ်တို့ ထိပ်တိုက်တွေ့မှာဖြစ်ပါတယ်။

ဆာလာအတွက်ရော၊ မက်ဆီအတွက်ရော ဒီနှစ် ကမ္ဘာ့ဖလားက နောက်ဆုံးသော ကမ္ဘာ့ဖလားဖြစ်နိုင်ပါတယ်။ ဆာလာကလည်း အီဂျစ်နတ်ဘုရား၊ မက်ဆီကလည်း ဘောလုံးနတ်ဘုရားပါ။

သူတို့နှစ်သင်း၊ သူတို့နှစ်ယောက် ထိပ်တိုက်တွေ့တဲ့ပွဲကလည်း ပရိသတ်တွေကို သေချာပေါက် ဆွဲဆောင်နေဦးမှာဖြစ်ပြီး အာဂျင်တီးနား အောင်ပွဲခံဖို့ အခွင့်အရေးများတယ်ဆိုပေမယ့် ဘာကိုမှ တပ်အပ်ပြောလို့ရတဲ့ အနေအထားမျိုး မဟုတ်သေးပါဘူး။

ကိပ်ဗာဒီအတွက် ကာဘရယ်သွင်းယူခဲ့တဲ့ သွင်းဂိုးတစ်ဂိုးပါ။ တကယ်ကို လှပခဲ့ပြီး ကမ္ဘာ့ချန်ပီယံဂိုးသမားကြီး မာတီနက်ဇ် ဘာမှမတတ်နိုင်ဘဲ အဝေးထောင့်ထဲကနေ ဂိုးဝင်သွားခဲ့တယ်။

ကိပ်ဗာဒီက ဒီပွဲမှာ အာဂျင်တီးနားကို ဒုက္ခပေးဖို့ အချိန်ပြည့် ချောင်းမြောင်းနေခဲ့တယ်။ အခွင့်အရေးရလာချိန်မှာ အသုံးချဖို့ အသင့်ရှိနေခဲ့တယ်။ တကယ်လည်း နှစ်ဂိုးပြန်သွင်းပြီး ဒုက္ခပေးခဲ့တယ်။

အချိန်ပိုသာ ဆက်ကစားရမယ်၊ မိနစ်တွေသာ ကျန်ဦးမယ်ဆိုရင် ကိပ်ဗာဒီတို့ ဂိုးရသွားနိုင်တယ်။ ဒါပေမယ့် ဘောလုံးဆိုတာ တစ်ခါတလေတော့ ဒီလိုမျိုး ရက်စက်မှုတွေကို မြင်တွေ့ရပါတယ်။ ကိပ်ဗာဒီကို သေချာပေါက် ချီးကျူးရမှာပါ။

တစ်ဖက်က အာဂျင်တီးနားတိုက်စစ်မှာ မက်ဆီရှိတယ်၊ လော်တာရိုမာတီနက်ဇ်ရှိတယ်၊ အယ်လ်ဗာရက်ဇ်ရှိတယ်၊ ဒီလို ကစားသမားတွေ ပါဝင်နေတဲ့ အသင်းနဲ့ ထိပ်တိုက်တွေ့တဲ့ပွဲမှာ ကိပ်ဗာဒီ ဂိုးသမားကြီး ဗိုဇင်ဟာက ဂိုးပေါက်ကာကွယ်မှု (၈) ကြိမ်အထိ လုပ်ပြခဲ့တယ်။

ဒီပွဲမှာ သူ (၃) ဂိုးအထိ ပေးခဲ့ရတာ မှန်ပါတယ်။ ဒါပေမယ့် သူ့ရဲ့ ကာကွယ်မှုတွေကြောင့်၊ လက်စွမ်းပြမှုတွေကြောင့်သာ မဟုတ်ရင် ကိပ်ဗာဒီတို့ ဂိုးပြတ်ရှုံးသွားနိုင်တယ်၊ မက်ဆီလည်း ဟက်ထရစ်အသာလေးရနိုင်တယ်။

ဒါပေမယ့် အသက် (၄၀) အရွယ် ဗိုဇင်ဟာက သူ့မှာကျန်သမျှ စွမ်းဆောင်ရည်အားလုံးကို ထုတ်သုံးခဲ့ပြီး ဘောလုံးပရိသတ်တွေရဲ့ လက်ခုပ်သံတွေကိုလည်း သိမ်းပိုက်ရယူသွားခဲ့ပါတယ်။

ဒီနှစ် ကမ္ဘာ့ဖလားရဲ့ အကောင်းဆုံးပွဲတွေထဲက တစ်ပွဲဖြစ်လာနိုင်တဲ့ ပွဲမျိုးကို အာဂျင်တီးနားနဲ့ ကိပ်ဗာဒီတို့ပွဲမှာ မြင်တွေ့ခဲ့ရပါတယ်။ အာဂျင်တီးနားက လက်ရှိ ကမ္ဘာ့ချန်ပီယံ၊ ကိပ်ဗာဒီဆိုတာက အခုမှ ကမ္ဘာ့ဖလားခြေစစ်ပွဲကို အောင်ဖူးတဲ့အသင်း၊ ပြီးတော့ ကမ္ဘာ့ဖလားဝင်ခွင့်ရတဲ့၊ ကမ္ဘာ့ဖလားမှာ ရှုံးထွက်အဆင့်ကို တက်ရောက်ခွင့်ရတဲ့ နိုင်ငံတွေထဲမှာ အသေးငယ်ဆုံးနိုင်ငံ။

ဒီလိုအသင်းမျိုးက အာဂျင်တီးနားလိုအသင်းမျိုးကို ဇောချွေးပျံအောင် ကစားပြခဲ့တယ်။ အချိန်ပိုနာရီဝက်အထိ သူတို့ ဇွဲကို မလျှော့ခဲ့ဘူး။ အာဂျင်တီးနားရဲ့ ဦးဆောင်ဂိုးနှစ်ကြိမ်စလုံးကို ပြန်ချေပနိုင်ခဲ့တယ်။

နောက်ဆုံးမှသာ အားမတန်လို့ မာန်လျှော့ခဲ့ရတဲ့ အဖြစ်မျိုးပါ။ အာဂျင်တီးနားအတွက်လည်း လက်ရှိ ကမ္ဘာ့ဖလားမှာ အခက်ခဲဆုံးပွဲတစ်ပွဲကို ကစားခဲ့ရတာဖြစ်ပြီး ကိပ်ဗာဒီကိုတော့ ပရိသတ်တွေလည်း အမြဲတမ်း အမှတ်ရနေတော့မှာပါ။

ခရိုအေးရှားရဲ့ သွင်းဂိုး ဘာကြောင့် ခွင့်ပြုမခံခဲ့ရလဲဆိုတာရဲ့ အကြောင်းရင်းပါ။ ဒီဖြစ်ရပ်မှာ မာတာနိုဗစ်ရဲ့ ခေါင်းက ဘောလုံးနဲ့ထိခဲ့တယ်ဆိုတာကို ဘောလုံးမှာ ပါဝင်တဲ့ ဆင်ဆာက အချက်ပြပါတယ်။

အဲ့ဒီအချိန်မှာ ပါဆာလစ်က လူကျွံနေပါပြီ။ ကြားထဲမှာ ဗီဂါရဲ့ ခေါင်းနဲ့ ထိလိုက်ပေမယ့်လည်း အစောကတည်းက လူကျွံနေတဲ့ အနေအထားကြောင့် အခုလိုမျိုး ပယ်ဖျက်ခံခဲ့ရတာပါ။

ခရိုအေးရှားအတွက်တော့ နစ်နာခဲ့ရတဲ့ ဆုံးဖြတ်ချက်ဖြစ်ခဲ့ပြီး ဆုံးဖြတ်ချက်မှန်ခဲ့သည့်တိုင် ခရိုအေးရှားအတွက်တော့ ပြိုင်ပွဲကပါ ထွက်ခဲ့ရကာ အသည်းကွဲခဲ့ရပါတယ်။

ကိုဗာဆစ်တစ်ယောက် သည်းသည်းထန်ထန် ငိုကြွေးနေတဲ့ မြင်ကွင်းပါ။ ခရိုအေးရှားအတွက်လည်း တကယ်ကို အသည်းကွဲရတဲ့ နေ့တစ်နေ့ပါပဲ။

အသက်အရွယ်တွေအရ သူရော၊ မိုဒရစ်ရောက ဒီနှစ် ကမ္ဘာ့ဖလားကို နောက်ဆုံး ကမ္ဘာ့ဖလားလို့ ပြောနိုင်ပါပြီ။ ဒီထက် ခပ်မြင့်မြင့် အနေအထားတစ်ခုကိုလည်း မှန်းခဲ့ကြမှာပါ။

ဒါပေမယ့် နောက်ဆုံးမိနစ်သွင်းဂိုး ပယ်ဖျက်ခံရခြင်းနဲ့အတူ ခရိုအေးရှားတို့ အသည်းကွဲခဲ့ရပြီး ကိုဗာဆစ်ငိုနေတာကို မြင်ရတာ ပရိသတ်တွေအတွက်လည်း ထပ်တူ စိတ်မကောင်းဖြစ်ခဲ့ရပါတယ်။

ရော်နယ်ဒိုကတော့ ခရိုအေးရှားနဲ့ပွဲမှာ မဆိုးလှတဲ့ ခြေစွမ်းမျိုးကို ပြသခဲ့ပါတယ်။ ဒီပွဲမှာ ရော်နယ်ဒိုက ဘောလုံးထိချက် (၂၅) ကြိမ်၊ ဂိုးပေါက်ကန်ချက် (၂) ကြိမ်ရှိခဲ့ပါတယ်။

ပင်နယ်တီနဲ့လည်း သွင်းဂိုးတစ်ဂိုးရယူပေးနိုင်ခဲ့ပြီး ဒီပွဲရဲ့ အကောင်းဆုံး ကစားသမားအဖြစ် သတ်မှတ်ခံခဲ့ရပါတယ်။ ရော်နယ်ဒိုအတွက်တော့ ဒီနှစ် ကမ္ဘာ့ဖလားမှာ သုံးဂိုးမြောက် သွင်းဂိုးဖြစ်ခဲ့ပါတယ်။

ဒါ့အပြင် ကမ္ဘာ့ဖလားရှုံးထွက်အဆင့်တွေမှာ တစ်ဂိုးမှမသွင်းနိုင်ဖူးတဲ့ စံချိန်ဆိုးကိုလည်း ရပ်တန့်နိုင်ခဲ့ပြီး သူ့အတွက် ပထမဆုံးသော ကမ္ဘာ့ဖလားရှုံးထွက်အဆင့် သွင်းဂိုးတစ်ဂိုးဖြစ်ခဲ့ပါတယ်။

ဆွစ်ဇာလန်ကတော့ ကမ္ဘာ့ဖလားရှုံးထွက်အဆင့်ရောက်တာနဲ့ အော်တိုပြုတ်တဲ့ အစဉ်အလာကို ရိုက်ချိုးနိုင်ခဲ့ပါပြီ။ ဒီမနက် ကစားခဲ့တဲ့ အယ်လ်ဂျီးရီးယားနဲ့ပွဲမှာ ဆွစ်ဇာလန်တို့ နှစ်ဂိုးပြတ်နဲ့ အနိုင်ရရှိခဲ့တာပါ။

ဆွစ်ဇာလန်က ဒီလိုပြိုင်ပွဲကြီးတွေဆိုရင် အဆင့်အတန်းတစ်ခုရှိတဲ့ အသင်းတစ်သင်းပါ။ ဒါပေမယ့် ကမ္ဘာ့ဖလားမှာ အုပ်စုအဆင့်ကို ကျော်ပြီး ရှုံးထွက်ရောက်တာနဲ့ ရှုံးတော့တာပါပဲ။

အခုတော့ ဒီအစဉ်အလာကို ဖျက်သိမ်းနိုင်ခဲ့ပြီး (၃၂) သင်းအဆင့်ကနေ ရှုံးထွက် (၁၆) သင်းအဆင့်ကို တက်ရောက်နိုင်ခဲ့ပြီဖြစ်ပါတယ်။

ဘယ်လ်ဂျီယံကတော့ ဒီနှစ် ကမ္ဘာ့ဖလားရဲ့ အကောင်းဆုံး ကမ်းဘတ်ကို လုပ်ပြနိုင်ခဲ့ပါတယ်။ ဒီမနက် အစောပိုင်းမှာ ဘယ်လ်ဂျီယံနဲ့ ဆီနီဂေါတို့ ထိပ်တိုက်တွေ့ခဲ့တာပါ။

ဆီနီဂေါက ပွဲကစားချိန် (၈၅) မိနစ်အထိ ဘယ်လ်ဂျီယံကို နှစ်ဂိုးပြတ်နဲ့ ဦးဆောင်ခဲ့တာပါ။ ဒါပေမယ့် (၈၆) မိနစ်ကစပြီး ဘယ်လ်ဂျီယံတို့ ချေပဂိုး နှစ်ဂိုး ဆက်တိုက် ပြန်လည်ရရှိခဲ့ပါတယ်။

အဲ့ဒါကြောင့်လည်း အချိန်ပို ဆက်ကစားခဲ့ရပြီး အချိန်ပိုနောက်ဆုံးမိနစ်မှာတော့ ဘယ်လ်ဂျီယံတို့ တိုင်လီမန်စ်ရဲ့ ပင်နယ်တီသွင်းဂိုးနဲ့အတူ ၃-၂ ဂိုးနဲ့ အနိုင်ရရှိသွားခဲ့ပါတယ်။

အမေရိကန်အတွက် ပိုချက်တီနို လုပ်ပြနေတာတွေက တကယ်ကို လေးစားစရာပါ။ တကယ်ဆိုရင် ကမ္ဘာ့ဖလားမတိုင်ခင်အထိ အမေရိကန်ကို ဘယ်သူမှ အထင်မကြီးကြပါဘူး။

ဒါပေမယ့် ပိုချက်တီနိုက သူ့အတွက် ပထမဆုံး ကမ္ဘာ့ဖလားပြိုင်ပွဲမှာ အိမ်ရှင် အမေရိကန်ကို အုပ်စု ပထမရအောင် စွမ်းဆောင်ပေးနိုင်ခဲ့ပါတယ်။ ဒါ့အပြင် (၃၂) သင်းရှုံးထွက်ကိုလည်း ကျော်ဖြတ်ပြီး (၁၆) သင်းအဆင့်ကို ရောက်သွားခဲ့ပါပြီ။

ဘော့စနီးယားနဲ့ (၃၂) သင်းအဆင့်မှာ မိနစ် (၃၀) လောက် တစ်ယောက်လျော့နဲ့ ကစားခဲ့ရပေမယ့် ပိုချက်တီနိုရဲ့ အမေရိကန်က ချေပဂိုးမပေးခဲ့ရဘဲ နောက်တစ်ဂိုး ထပ်သွင်းနိုင်ခဲ့တာကြောင့် အမေရိကန်တို့ နောက်တစ်ဆင့်ကို တက်ရောက်နိုင်ခဲ့ပါတယ်။