Klubi alpin bjeshkatar "Struga"

U mbajt debat publik në Vevçan për prezantimin e rezultateve të monitorimit të premtimeve zgjedhore

Në kuadër të projektit “Monitorimi i Përmbushjes së Premtimeve Zgjedhore dhe Angazhimi Aktiv i Qytetarëve në Komunat e Strugës dhe Vevçanit”, realizuar nga KAB Struga, u mbajt debat publik në Vevçan për prezantimin dhe diskutimin e gjetjeve të monitorimit të premtimeve zgjedhore, angazhimit institucional dhe qytetar, si dhe promovimin e rezultateve të deritanishme të projektit.

Në aktivitet morën pjesë përfaqësues të institucioneve lokale, organizatave të shoqërisë civile, aktivistë dhe qytetarë të interesuar, të cilët diskutuan mbi rëndësinë e monitorimit të premtimeve zgjedhore dhe forcimin e pjesëmarrjes qytetare në proceset e vendimmarrjes lokale.

Koordinatorja e projektit, Kadrije Zhaku, në fjalën e saj theksoi rëndësinë e monitorimit të vazhdueshëm të premtimeve zgjedhore si një instrument për promovimin e transparencës, llogaridhënies dhe qeverisjes së mirë në nivel lokal. Ajo nënvizoi se pjesëmarrja aktive e qytetarëve në proceset e monitorimit ndihmon në forcimin e besimit ndërmjet institucioneve dhe komunitetit lokal.

Gjatë debatit u prezantuan rezultatet e monitorimit për premtimin zgjedhor “Ndërtimi dhe mirëmbajtja e ndriçimit publik në territorin e Komunës së Vevçanit”, i cili është pjesë e programit të administratës komunale. Sipas të dhënave të monitorimit, aktiviteti përfshin mirëmbajtjen e vazhdueshme të sistemit të ndriçimit publik, zëvendësimin e llambave dhe shtyllave të amortizuara me të reja, si dhe vendosjen e shtyllave dhe trupave të rinj ndriçues në lokacione të ndryshme, sipas nevojave të identifikuara në territorin e komunës.

Në kuadër të prezantimit të gjetjeve u bë e ditur se, sipas dokumenteve programore dhe buxhetore të Komunës së Vevçanit për vitin 2026, për realizimin e kësaj mase janë planifikuar gjithsej 3.950.000 denarë. Nga kjo shumë, 1.700.000 denarë janë paraparë në Programin J30 – Ndriçimi Publik, për mbulimin e shpenzimeve të energjisë elektrike dhe furnizimin me materiale për mirëmbajtjen e ndriçimit publik, ndërsa 2.250.000 denarë janë planifikuar në Programin JAO – Ndërtimi i Ndriçimit Publik, për furnizimin, transportin dhe montimin e kandelabrave të rinj, si dhe për realizimin e punimeve ndërtimore për rindërtimin e ndriçimit publik në lokalitetin e Burimeve të Vevçanit, në kuadër të fazës së parë të projektit.

Qytetarët e pranishëm ishin të njoftuar si për përmbajtjen e premtimit, ashtu edhe për nivelin e realizimit të tij. Gjatë diskutimit ata morën pjesë në mënyrë aktive, duke ndarë mendime dhe komente mbi procesin e monitorimit dhe mbi rëndësinë e informimit të rregullt të publikut për përmbushjen e zotimeve zgjedhore.

Një nga çështjet që u theksua gjatë debatit ishte bashkëpunimi dhe transparenca e autoriteteve komunale në Vevçan gjatë procesit të monitorimit. Pjesëmarrësit vlerësuan se institucionet komunale kanë treguar gatishmëri për bashkëpunim dhe kanë siguruar qasje në informacionet e nevojshme për monitorimin e kësaj mase, duke ofruar një shembull pozitiv në drejtim të transparencës dhe llogaridhënies publike.

Në përfundim, pjesëmarrësit theksuan rëndësinë e vazhdimit të monitorimit të premtimeve zgjedhore dhe të dialogut ndërmjet qytetarëve dhe institucioneve, me qëllim forcimin e kontrollit qytetar, transparencës dhe qeverisjes së mirë në nivel lokal.

Monitorimi i përmbushjes së premtimeve zgjedhore në Komunën e Vevçanit vazhdon dhe rezultatet do të publikohen rregullisht për të informuar qytetarët dhe për të nxitur pjesëmarrjen e tyre aktive në proceset demokratike lokale.

KAB Struga
Supported by Electoral Support Programme

Ngjitje dhe mbledhje të çajit të malit në malin e Galiçicës, me pamje fenomenale të Strugës sonë të dashur dhe Ohrit.

Këta janë njerëzit më pozitivë të KAB Struga.

Faleminderit Burak Domazet për guidën e sotme dhe mundin që po e jep në KAB Struga. 👏🏔️🌿

DEBAT PUBLIK NË STRUGË: ZËRI I QYTETARËVE PËR DEPONITË E EGRA

15.06.2026 KAB Struga organizoi një debat publik me qytetarë, aktivistë dhe përfaqësues të shoqërisë civile, ku tema kryesore ishte një nga problemet më urgjente të rajonit tonë, mini deponitë e egra.

Nga diskutimi u kërkuan disa hapa konkretë: prezencë e vazhdueshme e inspektoriatit komunal në terren, vendosje e kontejnerëve të mjaftueshëm sidomos pranë shkollave dhe kopshteve, dhe gjoba reale për ata që hedhin mbeturina jashtë vendeve të caktuara. U diskutua edhe nevoja për ndërgjegjësim qytetar mbi ndarjen dhe riciklimin e mbeturinave, si dhe mundësia e një deponie rajonale që do ta lehtësonte menaxhimin e mbeturinave për të gjitha komunat e zonës.

Problematikat e ngritura ishin shqetësuese. Deponitë e pakontrolluara i shpërndajnë mbeturinat në të gjithë malin dhe shpesh shkaktojnë zjarre, pasi mbeturinat digjen dhe zjarri del jashtë kontrollit.

Falenderojmë të gjithë pjesëmarrësit për kontributin e tyre të hapur dhe konstruktiv.

==========================================
ЈАВНА ДЕБАТА ВО СТРУГА: ГЛАСОТ НА ГРАЃАНИТЕ ЗА ДИВИТЕ ДЕПОНИИ

15.06.2026

КАБ Струга организираше јавна дебата со граѓани, активисти и претставници на граѓанското општество, каде главна тема беше еден од најитните проблеми во нашиот регион – дивите мини депонии.

Од дискусијата беа побарани неколку конкретни чекори: континуирано присуство на општинскиот инспекторат на терен, поставување доволен број контејнери, особено во близина на училиштата и градинките, како и реални казни за оние кои фрлаат отпад надвор од предвидените места. Се дискутираше и за потребата од подигнување на јавната свест за селекција и рециклирање на отпадот, како и за можноста за регионална депонија која би го олеснила управувањето со отпадот за сите општини во регионот.

Проблемите што беа покренати се загрижувачки. Неконтролираните депонии го разнесуваат отпадот низ целата планина и често предизвикуваат пожари, бидејќи отпадот се пали, а огнот излегува надвор од контрола.

Им благодариме на сите учесници за нивниот отворен и конструктивен придонес.
Supported by Electoral Support Programme