Rebis.mk

Зад оваа фотографија се крие еден долг процес.

Процес во кој секој ден нешто се менуваше. Се пишуваше, па се бришеше. Се создаваше нова идеја, па повторно се менуваше. Некогаш една сцена се работеше со денови, па одлучувавме целосно да ја промениме. Кореографии, текстови, музика, светло, костими… сè помина низ безброј верзии додека не го добие своето место.

Имаше денови кога мислевме дека сме завршиле, а следниот ден почнувавме од почеток. Имаше предизвици што никој не ги гледа. Имаше откажувања од родендени, семејни собири и многу слободно време, затоа што сите избравме да бидеме тука.

Но, најубавиот дел од целиот процес беа децата. Начинот на кој се поддржуваа, се радуваа на секој успех, си подаваа рака кога некому му беше тешко и заедно растеа низ секоја проба.

Затоа ова не е само фотографија од еден концерт. Ова е фотографија од целиот процес што нè донесе до него 🪞🤍

Pro Team 🤍

ВОЈНА

Војната не избира страна. Таа им одзема на сите.

Домови, детства, семејства, соништа… Сè што човекот гради со години, може да исчезне за миг.

Во војна нема победници. На крајот, сите губиме.

Нека оваа кореографија биде потсетник дека мирот е најголемата победа што човештвото може да ја постигне.

Кореограф: Leonna Tanaskovski
📸 Stefan Rajhl

Junior Team

МЕНТАЛНО ЗДРАВЈЕ

Не секоја болка се гледа.

Понекогаш најискрената насмевка крие борба што никој не ја забележува, а најгласниот повик за помош доаѓа во тишина.

Да бидеме повнимателни еден кон друг. Еден искрен разговор, една прегратка или едно „Како си?“ можат да значат многу повеќе отколку што мислиме.
Затоа што никој не треба да се чувствува сам.

Кореограф: Ema Kuzmanovska
📸 Stefan Rajhl

Team A ❤️

РАСПАД, КАВГИ, ТИШИНА…

Возрасните понекогаш забораваат дека секој изговорен збор останува во детското срце.

Децата не ги паметат причините за кавгите. Тие ја паметат тишината што останала после нив.

Да не заборавиме дека најголемиот подарок што можеме да им го дадеме е чувство на сигурност, љубов и дом.

Кореограф: Leonna Tanaskovski
📸 Stefan Rajhl

Kids Team 💜

СОЦИЈАЛНИ МРЕЖИ

Најубавите спомени не се мерат со лајкови, туку со насмевки, прегратки и мигови поминати заедно.

Да не заборавиме да го подигнеме погледот од телефонот и да го погледнеме светот околу нас.
Тој сè уште е најубавото место за создавање вистински приказни.

Кореограф : Ema Kuzmanovska
📸 Stefan Rajhl

STARS ⭐️

МЕСТОТО ШТО НЕ Е МОЕ

Понекогаш е потребно време за да го пронајдеме местото каде што срцето се чувствува спокојно.

Секој од нас барем еднаш се почувствувал како да не припаѓа. Но, токму тие моменти нè учат да бидеме похрабри, посилни и да не се откажуваме од себе.

Затоа што вистинското место не е она каде што само постоиме, туку она каде што сме прифатени такви какви што сме.

Кореограф: Leonna Tanaskovski
📸 Stefan Rajhl

Mini Wizards 💞

РАЗЛИЧНИ А ИСТИ

Секое дете е единствено. Некој е тивок, некој гласен, некој храбар, а некој нежен.

Но, кога сме заедно, не се важни разликите. Важно е да се почитуваме, да си подадеме рака и да се радуваме еден на друг.

Оваа кореографија е потсетник дека пријателството започнува тогаш кога ќе ги прифатиме нашите разлики и ќе ги претвориме во сила.

Затоа што токму различностите нè прават едно цело.

Кореограф : Marija Popovska
📸 Stefan Rajhl
Огромна благодарност до MIYATTA ! Со неа, сцената беше волшебна 🍀

🦋 Lumi Steps

ТАМУ КАДЕ ШТО СЕ ЗАПОЧНУВА

Секое дете го започнува својот пат со љубов, игра и безгрижност.
Во свет исполнет со соништа, првите чекори се најискрени. Чекори кон откривање, учење и растење.

Токму таму каде што сè започнува, започнуваат и првите влијанија кои го обликуваат човекот.

„Огледало на времето“ започнува со приказната за детството! Најчистиот одраз на она што подоцна ќе станеме.

Кореограф : Marija Popovska

А ова сме ние 🪞
Сите овие денови зборувавме за луѓето и компаниите кои беа дел од „Огледало на времето“, но зад секој момент на сцената, зад секоја насмевка, солза, аплауз и успех стои нашиот тим.

Луѓе кои не ги бројат часовите, кои ги носат и најмалите и најголемите одговорности, кои остануваат кога сите ќе си заминат и доаѓаат први кога треба да се создаде нешто ново. Луѓе кои веруваат во децата, во уметноста и во мисијата на Ребис.
Благодариме Stefan Rajhl за прекрасните фотографии!