Macedonian Sport Climbing Federation

КАЧУВАЊЕ НА ПРИРОДНА КАРПА

Rock Climbing, односно качување на природна карпа, е современ и поширок термин кој ги обединува различните форми на качување на природна карпа.
Оваа терминологија е резултат на долгогодишното искуство и развој на качувањето, кое произлегува од спортското качување, традиционалното качување, качувањето со опрема и качувањето на мраз.

Во рамките на UIAA, од минатата година работи меѓународна работна група посветена на Rock Climbing, која оваа година прерасна во официјална Комисија. Нејзината цел е јасно да го дефинира, развива и унапредува качувањето на природна карпа како целина, со почитување на различните стилови, традиции и принципи на безбедно и одговорно качување.

Во оваа рамка, Rock Climbing ги опфаќа следните форми:

*Спортско качување: качување на природна карпа по насоки обезбедени со експанзиони клинови, односно болтови. Тука спаѓаат насоки со една должина, таканаречени single pitch, но и насоки со повеќе должини, multi-pitch, како и болдерингот.

*Traditional climbing: качување по насоки во кои се користат традиционални, односно ковани алпинистички клинови- кај нас се водат како алпинистички насоки.

*Качување со подвижна заштита “Crag climbing”: качување при кое за обезбедување се користат подвижни средства за заштита, како френдови, чокови и друга соодветна опрема.
*Качување на мраз: качување по природни ледени формации со употреба на специјализирана опрема и техники.

Македонија е дел од оваа меѓународна Комисија на UIAA, со свој претставник кој од самиот почеток е активен член на тимот што учествуваше во поставувањето на темелите на современиот пристап кон Rock Climbing.

Во Македонија, развојот на качувањето на природна карпа го следат и Комисијата за качување на природна карпа при ФПСМ и Комисијата за качување при МСКФ. Преку нивната работа, заедно со долгогодишното искуство на инструкторите и активните качувачи од МСКФ, се придонесува кон развивање на безбедно, стручно, одговорно и етичко качување на природна карпа.
Целта е едноставна: повеќе луѓе да ја запознаат природната карпа, да уживаат во качувањето и тоа да го прават безбедно, одговорно и со почит кон природата и кон другите качувачи.

СВЕТСКИ КУП - Прага 🇨🇿
3-7 јуни 2026

Европски куп во болдер -Липтовски Микулаж, Словачка 🇸🇰
MKD Climbing Team 🇲🇰

Poslednite treninzi zavrsija vo Maribor! Odime za Graz na Evropski mladinski Kup vo Bolder! Napred Makedonci!!!

По неколкудневните припреми во Словенија, нашиот младински тим патува на Европски младински куп во Грац -Австрија 🇦🇹
🗓️Сабота 9 мај, квалификации за Симон (У17) од 08:30 и за Цвете и Горазд (У19) од 16:00
🇲🇰