Bistra Hunting Macedonia

📢 ИЗВЕСТУВАЊЕ

Ги известуваме сите ловци кои сакаат да го ажурираат своето членство дека во наредниот период канцеларијата на ЛД „БИСТРА“ ќе биде отворена:

📅 Од понеделник до петок
🕖 Од 19:00 до 21:00 часот

Ги повикуваме и сите членови кои веќе имаат уплатено членство да ги донесат своите членски карти, за да може уплатата да биде соодветно евидентирана.

Воедно, ги повикуваме сите членови да ги подигнат маркиците за членство во ЛФМ за 2026 година.

Ви благодариме за соработката!

ЛД „БИСТРА“ 🦌

Почитувани основачи и членови на Ловното Друштво „Бистра“,

Со особена чест и задоволство ви го честитам првиот роденден од основањето на нашето здружение.

Во изминатата година, со заедничка работа, посветеност и меѓусебна почит поставивме цврсти темели за успешно и одговорно ловно друштво. Ви благодарам на сите за довербата, поддршката и вложениот труд.

Нека оваа годишнина биде поттик за уште поголеми успеси, зачувување на природата, развој на ловството и негување на вистинското ловечко другарство.

Со почит,

Владимир Божиновски
Претседател на Ловно Друштво „Бистра“ – Гостивар

Здружението Ловно друштво „БИСТРА" – Гостивар, во име на сите свои членови, вработени и соработници, Ве повикува и опоменува за следното:

Ве известуваме дека во временскиот период од 04.07.2026-06.07.2026 година на социјалните мрежи (Facebook, Инстаграм и X), од страна на фејзбук профилот на LINA- Safe Life, get a life, help to animals како и од страна на профилот на Здружение за заштита на животните „Обезбеди Живот“ Велес Македонија, веб порталот Pa Censure, како и лицата регистрирани на фејзбук профил со име Krisitijan Kovacevski и Tina Zak како и сите останати физички лица беа објавени повеќе содржини (текстуални, фотографски и видео-материјали) со навредлива, клеветничка и невистинита содржина, директно насочени кон Ловното друштво „БИСТРА" – Гостивар, неговите членови и нивните легални активности.

Спорните објави, меѓу другото, вклучуваат:

• Наслови од типот: „ТРОФЕЈ ЗА УБИСТВО НА НЕДОЛЖНО ЖИВОТНО!!!", „Trofе për vrasjen e një kafshe të pafajshme", „ТРОФЕЈ ЗА УБИСТВО НА НЕДОЛЖНО ЖИВОТНО – СЛИКАТА НЕКА ВИ ГИ КРАСИ ЛИЦАТА, ГОРДИ ЗА УБИВСТВО ,САДИЗАМ" и слични;
• Квалификување на легален и законски регулиран лов како „убиство", „садизам", „злосторство" и слично, без притоа да биде наведено ниту едно вистинско образложение или доказ;
• Лични навреди и закани кон членовите на нашето здружение, вклучувајќи коментари како: „Да даде господ инвалиди да останете и сите пари на апчиња да ги дадете", „Што ги блокирате коментарите на најновиот пост… Убијци", „копилиња" и слични изрази; „Пу да ти се плукнам во ретардираните!!! Каде живеам бе јас!? Шо бе посветеност!? У стапици ги фаќате ПИЧКИ!!!
• Ширење на фотографии и видеа без согласност, во контекст што директно го оцрнува угледот на здружението.

Ваквите објави претставуваат невистинито прикажување на легалниот лов и на ловецот кој во организирани, законски рамки на ЛД „БИСТРА" успешно реализираше одстрел ВО ЛОВЕН РЕОН ВО ЛОВИШТЕТО СО КОЕ СТОПАНИСУВА, ЗА ВРЕМЕ КОГА Е ДОЗВОЛЕН ОДСТРЕЛ ЗА ОВОЈ ВИД НА ДИВЕЧ како и етикетирање на целата активност како наводно инкриминирачка;

Пред сè, нагласуваме дека Ловното друштво „БИСТРА" – Гостивар работи совесно и согласно Законот за дивечот и ловството, а во текот на целата година, го одгледува, прихранува и штити дивечот, а несовесните ловокрадци (нелегални ловци) – се санкционираат без исклучок. Сè она што се спроведува во рамките на нашето здружение е законски регулирано, етички и стручно.Токму затоа, уште повеќе недопустливо е ширењето на клеветни содржини со кои се сугерира дека ЛД „БИСТРА" е наводно несовесно или нехумано друштво – што е во целосна спротивност со вистината.

Ваквите објави претставуваат груба повреда на: Уставот и позитивните законски прписи како Законот за граѓанска одговорност за навреда и клевета особено одредбите за клевета, навреда и ширење на невистинити информации преку јавни гласила и електронски платформи, Кривичниот законик на Р.С. Македонија, Законот за облигационите односи – одредбите за надоместок на материјална и нематеријална штета по основ на повреда на честа и угледот, и Законот за дивечот и ловството на Р.Македонија – кој јасно ја регулира постапката за организиран и легален одстрел на дивеч, каде е уредено кои животни спаѓаат под дивеч, под каква заштита е определен вид на дивеч, како и тоа што претствува ловстово, ловостој и временски период кога е дозволен одстрел на одреден вид на дивеч.

Напоменуваме: ловот на кој се однесуваат објавите е целосно легален, спроведен со валидни дозволи, во рамки на дозволена ловна сезона, со почитување на сите законски и етички стандарди. Наводите за „убиство" се целосно невистинити и тенденциозни.
Врз основа на погоре изнесеното, Ве повикуваме во рок од 7 (седум) дена од денот на приемот на оваа опомена, да ги преземете следниве дејствија:
1. Отстранување на содржините.
Да ги избришете/отстраните сите спорни објави, фотографии, видеа и коментари од Вашите профили, страници и портали, вклучувајќи ги и сите копии, споделувања и реакции на истите.
2. Јавно извинување.
На истите платформи (Фејзбук, Инстаграм, X, веб-портал), без дополнителни уредувачки измени, во видно обележана објава (sticky post / насловна објава) во траење од најмалку 30 дена,
3. Прекин на понатамошно ширење.
Веднаш да престанете со понатамошно објавување, споделување или коментирање на содржини со навредлива или клеветничка содржина поврзана со ЛД „БИСТРА" – Гостивар и неговите членови.
4. Писмено известување.
По извршувањето на точките 1–3, писмено да нè известите за преземените мерки, со приложување screenshot-ови како доказ.
Доколку не постапите по ова барање во наведениот рок, Здружението ЛД „БИСТРА" – Гостивар ќе биде принудено да ги заштити своите права и да поведе соодветни кривични и граѓански постпаки во кои ќе сносат одговорност сите инволирани правни и физички лица.
Сите трошоци за правно застапување, судски постапки, вештачења и објавувања ќе паднат на товар на секој поединечно идентификуван објавувач.
Со почит,

Ловно друштво „БИСТРА" – Гостивар

Преубав трофеј одстрелан на Буковиќ!
Овој пат ловечката среќа му се насмевна на ловецот Горан Тасевски од Куманово, кој успешно го реализираше својот лов и се стекна со прекрасен трофеј.
Честитки до Горан за успешниот лов, како и до водичите Боби и Гоце за нивната посветеност и професионалност.
Добар поглед! 🍀🦌

🌿 Со голема чест и задоволство, ЛД „Бистра“ беше дел од прославата по повод 5 години Национален парк Шар Планина.

Искрено благодариме за поканата и одличната организација. Целиот настан, како и внимателно подготвената маршрута, беа на навистина високо ниво.

Денот помина во прекрасна атмосфера, исполнета со ентузијазам, дружење, нови познанства и заедничка љубов кон природата.

Честитки за успешниот јубилеј и ви посакуваме уште многу години успешна работа, нови проекти и заеднички дружби.🌲💚

Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите - ЈП „Национални шуми“ и Националните паркови кои управуваат со заштитените подрачја, даде согласност за воведување на целосна забрана за движење во шумите и шумското земјиште. Согласност се издава согласно членот 57, став 3 од Законот за шумите, поради зголемена опасност и превенирање од појава на шумски пожари на отворен простор.

Целосната забрана за движење во шумите започнува од 01.07.2026 година и ќе трае се до 31.08.2026 година. Движењето во шумите ќе биде дозволено единствено со писмено одобрување издадено од страна на подружниците на ЈП „Национални шуми“ и Националните паркови, соодветно за подрачјето со кои управуваат.

За непочитување на оваа целосна забрана за движење во шумите и шумското земјиште, на физички лица кои ќе се затекнати да се движат во шума и шумско земјиште, согласно член 106 од Законот за шумите, ќе им се изрече глоба од 1.500 до 2.000 евра во денарска противредност.

https://www.mzsv.gov.mk/mk-MK/odnosi-so-javnost/soopstenija/izvestuvanje-do-javnost

--------------------------------------------------------------------------

Ministria e Bujqësisë, Pylltarisë dhe Ekonomisë së Ujërave njofton opinionin publik se, në përputhje me udhëzimet e Qeverisë, si dhe me kërkesat e shfrytëzuesve të pyjeve - NP „Pyjet Nacionale“ dhe Parqeve Nacionale që menaxhojnë zonat e mbrojtura, ka dhënë pëlqim për vendosjen e ndalimit të plotë të lëvizjes në pyje dhe në tokat pyjore. Pëlqimi është dhënë në përputhje me nenin 57, paragrafi 3 të Ligjit për Pyjet, për shkak të rrezikut të shtuar dhe me qëllim të parandalimit të zjarreve pyjore në hapësirë të hapur.

Ndalimi i plotë i lëvizjes në pyje do të hyjë në fuqi më 1 korrik 2026 dhe do të zgjasë deri më 31 gusht 2026.

Lëvizja në pyje do të lejohet vetëm me leje me shkrim të lëshuar nga njësitë rajonale të NP „Pyjet Nacionale“ dhe nga Parqet Nacionale, përkatësisht për zonat që ato administrojnë.

Për mosrespektimin e këtij ndalimi të plotë të lëvizjes në pyje dhe në tokat pyjore, personave fizikë që do të konstatohen duke lëvizur në pyje ose në toka pyjore, në përputhje me nenin 106 të Ligjit për Pyjet, do t'u shqiptohet gjobë në vlerë prej 1.500 deri në 2.000 euro, në kundërvlerë në denarë.

https://www.mzsv.gov.mk/sq-AL/odnosi-so-javnost/soopstenija/izvestuvanje-do-javnost

Екипа на ЛД БИСТРА учествуваше на 20-тиот GRAND PRIX натпревар во стрелаштво, во организација на Македонската Спортска Стрелачка Федерација.

Во дисциплината „Снајперска ловна пушка 200м“, тимот на ЛД БИСТРА го освои четвртото место во екипна конкуренција со вкупно освоени 275 кругови.

Честитки до МССФ и претседателот Jordan Tasevski за одличната организација и успешно реализираниот натпревар.

Викендов имавме чест да ни гостува нашиот колега од Куманово, претседателот на ЛД СОКОЛ, Владимир Михајловски.
Во двата излези на терен беа забележани два прекрасни срнака, но овојпат немавме можност за одстрел. Сепак, денот помина во одлична ловечка атмосфера и дружба заедно со ловците од с. Церово.
Ловот не е само одстрел — туку и пријателство, природа и незаборавни моменти.

Првиот шумски принц е одстрелан! 🦌
Честа ја имаше одличниот стрелец Христијан Андоновски од Куманово.
Прекрасен ловен ден, добра дружба и успешен лов на срнак – моменти што долго се паметат.