Leadership training Institute

Ity indray ary eh🥳

VONONA VE IANAO HANOVA NY TOE-TSAINAO? 🔥

Ny fahombiazana dia tsy miankina amin'ny vintana, fa manomboka amin'ny toe-tsaina. Raha tianao ny handroso eo amin'ny fiainana, asa, fianarana na fandraharahana, dia ity atelier ity no fotoana iray tsy tokony ho hadinoina🥰

✨ Ao anatin'ity atelier ity dia hianatra isika:
✔ Hanova ny fomba fisainana manakana ny fandrosoanao.
✔ Hanangana toe-tsaina mpitarika
✔ Hahazo teknika azo ampiharina isan'andro mba hahatratrarana ny tanjonao
✔ Hahazo aingam-panahy sy hifandray amin'olona maniry hitombo tahaka anao

📅 17 na 18 Jolay
🕘 09:00 – 11:00 maraina
📍 Immeuble Le Pouce Fitness, Tsiadana, rihana faha-2
💰 20.000 Ariary

⚠️ Aza miandry ny fiainana hiova vao handray fanapahan-kevitra, fa ny fanapahan-kevitra raisinao anio no mamaritra ny ho avinao rahampitso

📞 Raha te hisoratra anarana: mp mivantana na miantso ny 034 08 385 57 / 034 77 579 08

Misorata anarana dieny izao ary ento miaraka aminao ny namana mba hiaraka handroso aminao

Voafetra ihany ny toerana🥰

Ny fandraisana responsabilité dia tsy miseho tampoka, fa fahazarana aorina isan'andro amin'ny safidy sy ny fihetsika madinika. Manomboka amin'ny fanatanterahana ny teny omenao, fanajana fotoana, ary fanekena ny fahadisoanao tsy misy fialan-tsiny.

Amin'ny asa sy leadership, ny olona mandray responsabilité dia tsy miandry baiko amin'ny zavatra rehetra fa mahita izay tokony hatao izy, mandray andraikitra, ary mamita ny adidiny amim-pahamendrehana. Izany no mahatonga azy hatokisana sy omena andraikitra lehibe kokoa.

Farany, diniho isan'andro ny zavatra nataonao. Anontanio ny tenanao hoe: "Inona no tsara vitako ? Inona no tokony hatsaraiko manaraka ?" Rehefa manao izany tsy tapaka ianao dia lasa fomba fiaina ny responsabilité, ary izany no fototry ny fitomboana sy ny fahombiazana.

Rehefa tsy misy responsabilité dia very tsikelikely ny filaminana sy ny fandrosoana. Eo amin'ny fiainana, lasa mora manome tsiny ny hafa na ny toe-javatra ny olona, ka tsy mahita izay tokony hovainy amin'ny tenany.
Vokatr'izany dia miverimberina foana ny olana, satria tsy misy tena mandray andraikitra hanova azy.
Ao anatin'ny ekipa, tsy mazava intsony ny andraikitry ny tsirairay. Rehefa misy fahadisoana dia samy mitady olona homen-tsiny, fa vitsy no mitady vahaolana. Mihena ny fitokisana, miadana ny asa, ary tsy mahatratra ny tanjona iraisana ny ekipa.
Na amin'ny fiainana na amin'ny asa, ny tsy fisian'ny responsabilité dia manakana ny fitomboana. Raha tsy manaiky ny anjara andraikitrao ianao dia ho sarotra ny hanitsy ny fahadisoana sy handroso. Ny olona sy ny ekipa mandray responsabilité kosa dia tsy tonga lafatra, fa mahay mianatra, manitsy, ary manohy mandroso.

👉 Ny fomba mahomby indrindra hampianarana ekipa handray responsabilité dia ny fanaovana ohatra. Raha mandray responsabilité amin’ny fahadisoany ny leader, manaja ny teny omeny, ary mifantoka amin’ny vahaolana fa tsy amin’ny fanomezana tsiny, dia hanaraka izany toe-tsaina izany ny ekipany .
👉 Zava-dehibe koa ny mametraka tanjona sy andraikitra mazava. Rehefa fantatry ny tsirairay izay andrasana aminy sy ny vokatra kendrena, dia mora kokoa aminy ny mandray andraikitra amin’ny asany.
👉 Rehefa misy olana, dia anot1nii hoe “Inona no azontsika atao?” fa tsy hoe “Iza no diso?”. Izany dia mamporisika ny olona hitady vahaolana sy hianatra amin’ny fahadisoana, fa tsy hatahotra hosaziana.
👉 Farany, omeo fahatokisana sy fankasitrahana ny ekipa fa rehefa omena fahafahana handray fanapahan-kevitra sy ankasitrahana ny ezany, dia mitombo ny fahatokisan-tenany sy ny fahavononany handray responsabilité bebe kokoa.

✨ Ny ekipa mandray responsabilité dia tsy terena hanao izany, fa aorina amin’ny ohatra tsara, fifandraisana mazava, ary fitokisana isan’andro.

Rehefa mandray responsabilité ianao dia miova ny fomba fijerinao ny olana. Tsy manontany intsony hoe: "Nahoana no izaho?" fa hoe: "Inona no azoko atao hanovana ity toe-javatra ity?" Izany fiovana kely eo amin'ny fomba fisainana izany no manokatra lalana ho amin'ny vahaolana sy ny fandrosoana.
Lasa tsy miandry ny hafa na ny toe-javatra hiova intsony ianao, fa mandray andraikitra amin'izay azonao fehezina. Izany no mahatonga anao hitombo amin'ny fahatokisan-tena, satria tsapanao fa ny safidy sy ny fihetsikao isan'andro no manorina ny hoavinao.

Amin'ny asa sy leadership, ny olona mandray responsabilité dia lasa azo ianteherana kokoa. Tsy mandositra olana izy, fa mitady vahaolana. Izany toe-tsaina izany no mampitombo ny fitokisan'ny olona, manokatra opportunité vaovao, ary manampy anao hivoatra amin'ny maha-matihanina sy maha-leader anao.

🍒 Matetika ny olona manome tsiny ny hafa dia manao izany mba hiarovany ny tenany amin'ny fahatsapana ho diso na tsy nahomby. Mora kokoa mantsy ny milaza hoe ny olona hafa na ny toe-javatra no antony, toy izay hanaiky fa misy zavatra tokony hovainy amin'ny tenany.
Ny olana anefa dia tsy mampandroso izany fomba fisainana izany satria rehefa manome tsiny ny hafa foana ianao dia omenao azy ireo koa ny fahefana hifehy ny fandrosoanao.
Tsy mianatra amin'ny fahadisoana ianao ary very ny fahafahana hanatsara ny tenanao.

Amin'ny asa sy leadership, ny olona tsy mandray responsabilité dia mampihena ny fitokisan'ny ekipa, ary ny leader tena izy kosa dia tsy mifantoka amin'ny fitadiavana olona homen-tsiny, fa mitady vahaolana sy lesona azo raisina.
Ny fiovana dia manomboka rehefa atsahatra ny fanondroana ny hafa, ary manomboka manontany tena hoe: "Inona no azoko atao hanatsarana ity toe-javatra ity?" Izay toe-tsaina izay no mampitombo ny responsabilité sy mitondra amin'ny fandrosoana.

Ny olona mandray responsabilité dia tsy mitady excuse rehefa misy olana. Tsy manome tsiny ny hafa, ny toe-javatra, na ny vintana izy, fa manaiky ny anjara andraikiny ary mitady vahaolana. Fantany fa na dia tsy voafehiny aza ny zava-drehetra, dia voafehiny foana ny safidiny sy ny fihetsiny.
Hita koa izany amin'ny fanajany ny teny omeny. Rehefa mampanantena zavatra izy dia miezaka manatanteraka izany. Raha sendra diso dia tsy miafina na manamarina tena foana, fa manaiky ny fahadisoany, mifona amin'ny fahadisoany, ary manitsy izay tokony ahitsy.

Raha eo amin'ny sehatry ny asa sy ny fitarihana, ny olona mandray responsabilité dia tsy miandry baiko amin'ny zavatra rehetra. Mahita izay tokony hatao izy, mandray andraikitra, ary miezaka mamaha olana fa tsy mamorona olana vaovao.
Ny olona mandray responsabilité koa dia tsy matahotra ny vokatr'izay nataony. Ekeny ny fahombiazany, fa ekeny koa ny fahadisoany. Fantany fa ny fanekena ny lesoka dia tsy fahalemena, fa dingana iray mankany amin'ny fivoarana.
Farany, ny olona mandray responsabilité dia tsy miandry ny hafa hanova ny fiainany. Mahafantatra izy fa ny fanapahan-kevitra sy ny fihetsika ataony isan'andro no manorina ny hoaviny. Izany toe-tsaina izany no mampiavaka ny olona mitombo sy mahomby

Ny fahombiazana dia manomboka amin'ny fotoana aneken'ny olona iray fa izy no tompon'andraikitra voalohany amin'ny fiainany. Raha mbola manome tsiny ny hafa, ny toe-javatra, na ny vintana ny olona dia sarotra aminy ny handroso, satria miandry fiovana avy any ivelany foana izy.
Satria ny fandraisana responsabilité dia manova ny fomba fisainana.
👉 Tsy mifantoka amin'ny olana intsony ianao, fa mitady vahaolana.
👉 Tsy manontany hoe: "Iza no diso?" fa hoe: "Inona no azoko atao hanatsarana ity toe-javatra ity?"
✨ Izany fomba fisainana izany no mampitombo ny fahafahanao mianatra sy mandroso.

Ny olona mandray responsabilité dia tsy mandositra andraikitra rehefa misy olana fa vonona izy hanaiky ny fahadisoany, hanitsy izany, ary hitady fomba hahazoana vokatra tsara kokoa. Izany no mahatonga azy hatokisan'ny mpiara-miasa sy ny mpitarika, ary matetika omena andraikitra lehibe kokoa.
Ary ny leader tena mahomby dia mahafantatra fa tsy afaka mifehy ny zava-drehetra izy, fa afaka misafidy foana ny fomba hamaliana ny toe-javatra. Izany no maha samy hafa ny olona mijanona ho victime sy ny olona lasa acteur amin'ny fiainany🥰

Rehefa mandray responsabilité ianao dia tsy miandry ny fiovana intsony, fa ianao no lasa manomboka azy. Ary izay no dingana voalohany mankany amin'ny fahombiazana, satria ny fiainana dia miova rehefa manaiky handray andraikitra amin'izay azonao ovaina ianao

Ny responsabilité dia tsy midika fotsiny hoe manana adidy fa midika izy io hoe manaiky sy miantsoroka ny vokatry ny safidy sy ny fihetsika ataonao, na tsara izany na ratsy. Ny olona mandray responsabilité dia tsy mitady olona homen-tsiny rehefa misy olana, fa manontany tena hoe: "Inona no anjara birikiko amin'ity toe-javatra ity, ary inona no azoko atao hanatsarana azy?"

Maro ny olona no miandry ny fiovana avy amin'ny hafa na avy amin'ny toe-javatra. Ny olona mandray responsabilité kosa dia mahafantatra fa na dia tsy voafehiny aza ny zava-drehetra, dia voafehiny foana ny fomba hamaliany izany.

Ny responsabilité no iray amin'ireo toetra tena tadiavin'ny olona raha eo amin'ny sehatry ny asa. Ny olona mandray responsabilité dia azo ianteherana, mahavita mamaha olana, ary tsy mandositra andraikitra rehefa misy fahasarotana. Izany no mahatonga azy hatokisana sy omena andraikitra lehibe kokoa.

Ny leader tena izy dia tsy mampiasa ny fahefany hitadiavana olona homen-tsiny rehefa misy tsy mety fa mandray responsabilité izy, mianatra amin'ny fahadisoana, ary mitarika ny ekipany hitady vahaolana.

Ny responsabilité ihany koa no manova ny olona avy amin'ny mpijery ho mpandray andraikitra. Rehefa mandray responsabilité ianao dia tsy miandry ny fiainana hiova, fa ianao mihitsy no lasa manomboka ny fiovana. Izany no fototry ny fahombiazana amin'ny fiainana, amin'ny asa, ary amin'ny leadership🥰

Ny hitazonana ny vision manoloana ny échec sy sakana

Rehefa very ny vision ny olona iray dia very tsikelikely koa ny direction-ny. Mety mbola miasa mafy sy manao zavatra isan'andro izy, nefa tsy fantany intsony hoe nahoana izy no manao izany na aiza no tena tiany hahatongavana. Lasa miaina araka ny zava-mitranga sy ny toe-javatra fotsiny izy, fa tsy araka ny tanjona napetrany.

Rehefa tsy misy vision dia mora very motivation. Ny olana kely dia lasa toa lehibe loatra, ary ny sakana rehetra dia mety hahatonga azy hijanona. Satria rehefa tsy mazava ny toerana aleha, dia tsy misy antony hanohizana ny dia intsony.

Ny leader very vision dia lasa tsy mahavita manome direction ny ekipany. Misy asa atao, saingy tsy misy tanjona mazava. Mihena ny motivation, very ny firaisankina, ary samy manao izay hitany fa mety ny olona satria tsy misy lalana iray itodihana.

Ny olona very vision koa dia mora voasariky ny hevitry ny hafa sy ny opportunité rehetra sendra miseho. Androany manenjika zavatra iray izy, rahampitso zavatra hafa indray. Vokatr'izany dia mandany fotoana sy hery amin'ny zavatra maro, nefa tsy misy tena vita hatramin'ny farany.

👉 Ny fomba hamerenana ny vision dia ny fijanonana mandinika indray ny tanjonao sy ny soatoavinao. Anontanio ny tenanao hoe: "Olona toy inona no tiako hahatongavana, ary fiainana toy inona no tiako hatsangana?" Rehefa mazava indray izany dia hiverina tsikelikely ny direction, ny motivation, ary ny herim-po handroso.