AkroSports

✍️⚽️ تعاقد جديد ( فينكس)

⚽️😉 نقطة البداية ( دينامو مراكش )

رجالات الظل... هشام الدقشي، الناس اللي كيربحو الماتش قبل ما تبدا الصافرة

كاينين ناس فالكورة، إلى سولتي عليهم الجمهور يمكن ما يعرفهومش. ولكن إلى سولتي عليهم المسؤولين، اللاعبين، والأطر... غيقولولك: "إلى غاب هاد السيد، غادي يبان الخصاص."

اليوم الدور على هشام الدقشي، الكاتب الإداري لفريق الإنماء المراكشي، وواحد من أبناء سيدي يوسف بنعلي، الحي اللي عطى للرياضة المراكشية أسماء كثيرة. لاعب سابق تدرج داخل الفئات السنية للكوكب المراكشي، وكان الكل كيشوف فيه مشروع لاعب كبير، لكن الأقدار كان عندها رأي آخر. غير أن اللي تبدل هو المكان... أما العشق ديال الكرة، فعمره تبدل.

هشام اختار يبقى فالميدان، ولكن من الباب اللي قليل اللي كيشوفو الناس. تلقاه مع الفريق الأول، وتلقاه وسط الفئات العمرية، وتلقاه كيساند الجمعيات والفرق الرياضية بلا حساب، وبلا ضجيج، وبلا ما ينتظر كلمة شكر. رجل المهام الصعبة، واليد اليمنى للرئيس، والجندي اللي أول واحد كيدخل وآخر واحد كيخرج.

الناس كتصفق للي كيسجل الأهداف، ولكن قليل اللي كيعرف بأن كاينين ناس هما اللي كيصنعو الظروف باش هاد الأهداف تتسجل أصلاً. وهشام الدقشي واحد من هاد الناس... خدام بصمت، حاضر فكل صغيرة وكبيرة، وكيخلي الابتسامة ديالو تسبق أي كلمة.

ولهذا، فـ AkroSports، كنآمنو أن الضوء خاصو يسلط حتى على رجالات الظل، لأن الفرق ما كيبنيوهاش غير النجوم... كيبنيوها حتى الرجال اللي خدمتهم ما كتظهرش، ولكن أثرها كيبان فكل نجاح.

برافو هشام الدقشي... لأن قيمة الإنسان ماشي فعدد المرات اللي بان فيها قدام الكاميرا، ولكن فعدد المرات اللي كان فيها سبب باش الآخرين ينجحو. وهاد النوع ديال الرجال هو اللي كيشرف مراكش، وكيشرف سيدي يوسف بنعلي، وكيعطي للرياضة معناها الحقيقي.

وكيف ديما اللي عندو شي حاجة يزيدها على هشام نشوفوها فالتعاليق...

⚽️😉 البداية فينكس

✍️ تعاقد جديد ( اولمبيك مراكش )

قبل كل شيء، هناك أشخاص لا يبحثون عن الأضواء، لكن الأضواء هي من تستحق أن تبحث عنهم. وبعد أن سلطنا الضوء على هشام مرين، نواصل هذه السلسلة مع هشام آخر اشتغل في صمت، وترك بصمته بالفعل لا بالكلام الامر يتعلق بهشام المحمصاني.

هشام، اللاعب السابق وصاحب المسار الرياضي المحترم مع عدة اندية على رأسهم الكوكب المراكشي ، اختار بعد الاعتزال أن يواصل خدمة كرة القدم من زاوية أخرى. ففي الموسم الماضي، تولى مهمة المدير الرياضي للاتفاق المراكشي، في مرحلة كانت من أصعب الفترات التي مر بها النادي بعد توالي الإخفاقات والنزول إلى القسم الأول هواة، وسط فقدان الثقة وكثرة الصراعات. لكنه كان من أوائل من آمنوا بإمكانية إعادة بناء الفريق، فساهم في تجميع المجموعة ووضع اللبنات الأولى لمشروع انتهى بتحقيق هدف الصعود إلى القسم الوطني هواة، في إنجاز لم يأتِ من فراغ، بل كان ثمرة عمل جماعي دؤوب.

والجميل في قصة هشام أنه لم يكتف بما قدمه داخل المستطيل الأخضر، بل واصل الاستثمار في نفسه علمياً، فنال الإجازة في التسيير الرياضي، ويستعد اليوم لمتابعة دراسته في سلك الماستر، في نموذج يؤكد أن الرياضي الناجح هو من يطور نفسه داخل الملعب وخارجه.

هشام المحمصاني من أبناء مراكش الذين يستحقون التقدير. أخلاق راقية، تواضع كبير، وروح بيضاء جعلته يكسب احترام كل من اشتغل معه. قد لا يتصدر العناوين، لكنه كان أحد رجالات الظل الذين كان لهم دور حقيقي في نجاح الاتفاق المراكشي.

ولأن كرة القدم لا يصنعها اللاعبون والمدربون وحدهم، سنواصل في AkroSports تسليط الضوء على هؤلاء الجنود المجهولين... لأن الوفاء لمن يخدم الرياضة في صمت، أقل ما يمكن أن نقدمه لهم.
وائما اللي كيعرف شي حاجة اخرى على هشام يزيدها فالتعاليق...

🇲🇦🇲🇦

✍️⚽️ تجديد الثقة و طموح جديد

رجالات الظل... ملي كيكون العطاء بلا ضجيج

كاينين ناس فالكورة ما كيتسجلوش فلوائح الهدافين، وما كيطلعوش فالتصاور ديال الاحتفالات، وما كيتسابقوش على الميكروفونات. ولكن إلى حيّدتيهم، غادي تكتاشف باللي جزء كبير من نجاح أي فريق كيغيب معاهم.

اليوم، وفوسط السخونية ديال مراكش، قررنا نخرجو واحد الراجل من الظل ديالو... اسميتو هشام مرين.

هشام هو الكاتب العام ديال نادي أطلس المشور المراكشي، وواحد من الناس اللي عطاو للفريق من القلب قبل أي حاجة. قليل الهضرة، كثير الخدمة، ومن المؤسسين اللي بصمو على البدايات، وحتى الشعار الرسمي للنادي كان من إبداعو.

اللي ما كيعرفش هشام، راه سبق ليه داز من ملاعب العهد وأسمار المراكشيين كلاعب، قبل ما يختار طريق الدراسة. ولكن عشق الكورة عمرو خرج من قلبو، غير بدل اللباس... من لاعب لمسير، وبنفس الحماس.

إلى حضرتي شي ماتش ديال أطلس المشور، صعيب تلقى شي واحد كيتفاعل مع كل كرة بحال هشام. باص كيزيد ليه النبض، صونطراج كيوقفو، شوتة كتخليه يشد راسو، وتصدي كيرجع ليه الروح. كيتفرج بعين المسؤول، وقلب المشجع، وروح المؤسس.

يمكن أكبر "عيب" عند هشام هو أنه كيهرب من الأضواء. والميكروفون.

هاد السطور ما غاديش توفي راجل بحال هشام مرين حقو، ولكن على الأقل خرجناه شوية من الظل اللي اختارو بنفسو، وبغينا نقولو له : برافو ، لأن الفرق ما كتتبناش غير باللاعبين والمدربين، كتبنا حتى برجالات خدامين بصمت وإخلاص.

ودابا الدور عليكم... اللي كيعرف شي موقف، شي قصة، أو شي حاجة زوينة على هشام مرين، يشاركنا بها فالتعاليق. يمكن نكتاشفو أن اللي كتبناه اليوم غير نقطة من بحر.

✍️ تعاقد