صوت أنصار الرجاء SSR

كايضحكوني الإدارة بالاجتماعات مع المدرب هههه ياك جتامعتو بيه في الديربي شنو تبدل ؟ عاود نفس الأخطاء را التقنيين لي كان خاص يجتامعو بيه من ورا فاش ماقدرش يخلق فرصة ضد يعقوب المنصور أما نتا كإداري وخا دير معه 100 اجتماع ماعمرك اتصلح الخلل شنو اتقوليه مثلا ؟ مباراة الكوكب هي أخر فرصة ؟

را الخلل تقني فيه ماكايقدرش يفك شفرة التكتلات الدفاعية ، كايطبق أفكار اليوتيوب مستحيلة النجاح في البطولة كيف موكوينا + اختيارات فاشلة ماكايعرفش يفرق بين الأدوار ، را بحال شي شركة طفاو ليهم البيسيات و الإداري هو لي جاي باغي يصلح العطل ماشي التقني.

حتى لا ما سيفطتوش فاضلو دبا راه غايمشي مور ماتش الكوكب حيت غايلعب ضد الدميعي لي كيدافع بنفس الطريقة لي كيوحل ضدها السطاجير

و حتى لا ما سيفطتوهش مور ماتش الكوكب غايمشي من بعد ، حيت من هنا القدام المدرب لي لعب ضدوا غايسد عليه العمق و يخليه ينقز حتى يعيا (بنشيخة، الجابري، الطير..)

و هادشي كانعاودوه من اللول د لعام ، مدرب ضعيف فالتنشيط الهجومي ماعندوش افكار، كان هو لي مكلف بالدفاع في عهد زينباور… دابا من بعد الديربي كلشي بدا كيدير استنساخ للتنشيط الدفاعي ديال بنشريفة و النتيجة هي أنه ضد المسيرة و الدشيرة ماتش كارثي و رباح مخطوف فقط و خسارة مستحقة ضد بركان

راه غير كتضيعوا الوقت

بسبب الهندي الرجاء ولات ف المرتبة الرابعة بعدما كانت ف المرتبة الأولى ،البطولة بغات الرجاء والرجاء مبغتهاش🦅

ديفيد فاضلو ، الآن في النذوة الصحفية 🎙️:
« أنا أعد جماهير الرجاء بالفوز في جميع المباريات الثمانية المتبقية والتتويج بلقب البطولة »

بالأفكار ديالو حتى الكوكب المراكشي مغتزكلوش السيمانة جاية ف مراكش مسألة وقت فقط

باقـي كولشـي ملعـوب ( فـي ايطـار تبـراد ) 🌨️

الجولـة الماجيـة ⏳( الجولـة 23 ) 📝
المغـرب الفاسـي 🆚 الجيـش الملكـي
الرجـاء 🆚 الكوكـب المراكشـي
نهضـة بركـان 🆚 اتحـاد طنجـة
الـوداد 🆚 اولمبيـك اسفـي

نهاية المباراة بهزيمة الرجاء الرياضي أمام النهضة البركانية بمركب محمد الخامس بهدف مقابل صفر ، وبذلك الرجاء تتراجع إلى المرتبة الثالثة وتصعد النهضة البركانية للمركز الثاني🤦

نهاية الشوط الأول بالتعادل السلبي بين الرجاء الرياضي ونهضة بركان مارأيكم في الشوط الأول؟

ملوك المدرجات ، هاد الشي فوق الخيال العلمي 🔥💚🎨🖤💚

وا المدرب جمع راسك من كرة الشوارع ،خاص ضروري يخرج فردوسي و يدخل برقوق ، خروج ساخو ودخول العملود ( بولكسوت يرجع جناح) و إيغيز يتزاد في الصندوق عندو الضربات الرأسية ينفعنا في العرضيات.