Football Mix

🚨 رسمياً : نعلن كصفحة رياضية عودتنا لتغطية أخبار كرة القدم من جديد، و نهاية المنشورات السياسية، شهر كامل حنا كنهضرو فالحق و على الحراكة و على أي مواطن محكور، الهدف ديالنا كان هو رفع نسبة الوعي داخل العالم السياسي، نسبة كبيرة ديال شباب دخلناهم فالنقاش، فهاد الشهر درنا أكتر من 250 منشور سياسي حقق لينا نسبة مشاهدة ديال 18 مليون، و فضحنا بزااااااف المفسدين، الحاجة لي عجباتني هي الناس لي كانو كيعرفو غير الكرة دخلناهم معانا لعالم السياسة صحة، و فيقنا بزاف الناس، الأن سالينا مرحلة النضال و بغيت نشكركم كااااملين على التفاعل ديالكم و الكلام الزوين لي كنتو كتسيفطوه لينا فالخاص، نحن منكم و إليكم و لا تهمنا الأرقام، يهمنا إحترام عقول المتابعين و انشغالاتهم أكتر من أي شيء، ونهضرو بصوتهم فالوقت لي خاص فعلاً نهضرو، ابتداء من اليوم غادي نرجعو المنشورات الرياضية لي كنا عليها، لكن الا بانت لينا شي حاجة تستحق نخرجو على المحتوى غادي نخرجو باش نقولوها، لأن الحياة مافيهاش غير الكرة، المجتمع ديالنا مريض و كيعاني في صمت، لدلك يستحق مرة مرة نهضرو عليه بحرقة و نعالجو بعض القضايا مجموعين، أخيرا تحياتي ليكم، دمتم رجالآ أحرار 💯✌🏻

🚨😮 رسمياً خونا محمد باريك إبن المغرب العميق و الغريق أعلن لنا عبر صفحته الرسمية التحاقه بحزب الوحدة الديموقراطية و ترشحه للإنتخابات المقبلة، طبعآ سكان ميدلت صعيب يلقاو مرشح حسن منو، كل التوفيق ليه و انا متأكد أنه غادي يفوز بعدد الأصوات من غير لا عكلوه، ماشي بعيد هاد الأيام غادي يبداو يهاجمهوه بالإشاعات، كنتمناو من الله يغلبك عليهم، بغينا نشوفوك غادي وكطلع فالمناصب، كنعرفوك شنو كتسوا 💯✌🏻

صباح الخير، اليوم كملنا 31 يوم فالنضال، شهر كاااامل و حنا صابرين على الاتهامات ديالكم، حمد الله ربي وفقنا فنشر الحق و ماسكتناش على الظلم و الفساد، هدشي بحد داتو نجاح كبير، أكتر وحدين كانو كيضحكونا هما هادوك لي اتهمونا بلي حنا صفحة جزائرية تسعى للفتنة رغم أننا شهر كامل هضرنا معكم فيه بالداريجة المغربية، و دويت من وسط المغرب ماشي من برا المغرب، و بلوكيت 1500 زلايجي، هادو لي بقاو حالياً أحرار و كنفتخر بيكم، هادوك لي كانو كيقولو ليا رجع الكرة، مابقا والو و غادي نساليو السياسة، سوايع معدودة غادي نرجعو المحتوى ديالنا، المهم هو شهر ديال النضال خاصو يكمل، و حمد الله اليوم غادي يكمل و النفسية مرتاحة لأقصى درجة، 100 واحد لي مات، رقم ماشي ساهل، على ودهم خرجت كاع لي فقلبي 💯✌🏻

🚨😮 رسمياً وصل عدد المشاركين في مبادرة رفع دعوى قضائية ضد الفايد إلى 2200 شخص و الرقم مرشح للإرتفاع، في حين قام الدكتور الفايد بنشر فيديو توضيحي يبرر ماقاله، قال أنه هو مسؤول على داكشي لي قال فقط، و ليس مسؤول عن ما يفهمه الناس إدا كانو لا يفهمون اللغة العربية، و قال انه فقط طرح سؤال ان كان رسولنا أمي فلمادا سيختار الله نبيآ أمي، و قال أنه حشى واش يتطاول على الرسول ديالنا و أنه يؤمن بالقرأن لي نزل عليه، و طرح سؤال كيفاش كنقولو على أن الرسول ديالنا أمي و هو فاش بغا يموت قاليهم جيبو ليا الورق و القلم نكتب ليكم بعض الوصايا، شنو بان ليكم فكلامو 💯🙆🏻‍♂️

لبارح لحنا بلاغ تعزية على خوتنا فالجزائر على ود الحرائق و الناس لي ماتو، عجبوني التعاليق ديالكم، كلشي تضامن معهم من القلب، ما كاين غير الدعاء و هضرة زوينة، ممكن نقولو بنادم بدا كيعيق أن السياسة هي لي فرقات الشعوب و بلي الأنظمة هما المسؤولين، أما الشعوب هما ضحية ديال السياسين الفاسدين، شخصيآ 1 الوقيتة كنت كنفضل اخراهيل على الجزائر، كنت كانقول على الأقل هما واقفين معانا، لكن فاش تقربت من الله و بحت مزيان عرفت بلي ربي موصي المسلمين أنهم يتوحدوا، كما قال صلى الله عليه وسلم : المؤمن للمؤمن كالبنيان المرصوص، يشدُّ بعضه بعضًا»، واش نتوما حماق نتبع السياسة و نخلي الله شنو كيقول، أصلآ السياسة لغة الكدب و هدشي لي كنشوفوا دابا ديال التفرقة و العكس بيناتنا، أقسم بالله إلا مفتعل و دايرينو لينا باش عمرنا نتوحدو، لكن الدنوب ماشي عليكم على المؤترين لي سارحينكم باش ديرو ليهم لايك، كونو أدكياء و ماطيحوش فالفخ لي كينصبوه ليكم المؤترين، راه كلام الله حسن ليك من سياسة و عقلية القطيع 🇩🇿❤️🇲🇦

🚨🙆🏻‍♂️ واش فخباركم هدشي وقع غير اليوم فالصباح، فسواحل مدينة سبتة، حيت خرج أسطول التضامن يضم حوالي 60 قارب مدنيآ، قدمت من عدة مناطق مختلفة من جنوب إسبانيا على متنها حوالي 120 مشاركاً، في مبادرة أُطلقت للتعبير عن التضامن مع سكان المدينة على خلفية الهجرة غير النظامية التي شهدتها المنطقة، حيت نظمت جولة بحرية جماعية بمحاذاة الساحل، مروراً بمناطق San Amaroو Desnarigado وصولاً إلى شاطئ Chorrillo حيث استقبلها مئات السكان بالأعلام الإسبانية وأعلام سبتة، وسط إطلاق أبواق القوارب وترديد شعارات « سبتة ليست وحدها » «سبتة إسبانية»، الغريب في الأمر هاد القوارب كانت داخلة تال الفنيدق بالغلط و تعرضوا ليهم Guardia civile, رجعوهم لسبتة، السؤال فين هما la marine ديالنا؟ كان خاص حنا لولين نرجعوهم، ولينا ضحكة قدام العالم 🙆🏻‍♂️💯

حنا عارفينها هكذا، عليها عايشينها كيف بغينا، ولي بغا شي حاجة الله يسهل عليه، غير يخلينا حنا فخاطرنا و يركز على حياتو فقط 💯✌🏻

🚨😮 أول مرة غادي نعرف زوجة فوزي لقجع منخرطة في حزب الأصالة و المعاصرة منذ سنة 2021. و هنا غادي نطرحو واحد السؤال: واش التحاق لقجع بالحزب جا فعلاً بالصدفة، ولا كانت هناك علاقات و اعتبارات أخرى ساهمت في هذا القرار ؟ مشكل هدشي ماشي جديد على السياسة فالمغرب؛ من زمان كنشوفو أسماء كتدخل من نفس العائلات، فلان ولد فلان، بنت فلان، أو شخص كيجيب شخص آخر للحزب، كأن السياسة ولات في بعض الأحيان مجالاً مغلقاً كيتوارثو فيه النفوذ والعلاقات، لا بقات السياسة مبنية على العلاقات أكثر من الكفاءات، كيفاش بغينا نبنيو حياة سياسية قوية، مستقلة،قادرة على استرجاع ثقة المواطن المغربي بسهولة ؟ الجواب هو مايمكنش، السياسة فالمغرب ردوها بحال شي دار الورتة، من الجيل لجيل 💯✌🏻

لي بقا فيا أكتر، ماشي التطاول، لأنه من بكري كانو عايشين معانا بعض الجهلاء يشككون في الدين الإسلامي و يتطاولون على الخالق، منهم ولاد الدرب كنشوفوهم كيسبو الخالق فاش كيتعصبو فما بالك بأشرف الخلق، أكتر حاجة عصباتني هي التعاليق ديال الناس كاتبين كل التضامن مع الدكتور ديالنا الفايد لي طرح تساؤل بسيط !! واش لهاد الدرجة بنادم مابقاش كيخاف الله،قال بن عياض رحمه الله: الزم طريق الهدى ولا يضرك قلة السالكين، إياك و طرق الضلالة و لا تغتر بكثرة الهالكين, ربما نحن نعيش في أخر الزمان لكن مزال القدر غادي يورينا العجب فهاد الزينديق لي سما راسو الدكتور 💯☝🏻

🚨 بنكيران عن ملك محمد السادس 🗣️ :

الملك محمد السادس نحترمه و نوقره دون قداسة، لكن المقربون إليه و المستشارين هم مواطنون متلنا، ليس هناك فرق 💯✌🏻