Coach Darouich / محمد درويش

ياربي تقدرنا على وليدات الناس 🤲🏻❤️⚽️

بصمة في وقت قصير ⚽️
فرصة مع فئة U12 في فريق الوداد الرياضي لسنة 2025
دخلت للمجموعة وأنا عارف أنني ماشي المدرب اللي رافقهم من البداية، وبالتالي ما كانش الهدف نبدل كلشي…
كان الهدف هو نفهم المجموعة، نتأقلم معها، ونضيف القيمة اللي نقدر عليها والحمد لله، مشينا مزيان فهاد البطولة القصيرة ، ولكن الفضل الأول والأخير كيرجع للمدرب ديالهم الرجل الطيب سي محمد العسري ، لأنه هو اللي خدم معهم، بناهم ورافقهم طوال الفترة السابقة. 👏

أما بالنسبة ليا، فهاد التجربة كنت بغيت ناخد تجربة التأقلم و فهم بزاف الحوايج كيعلمهم ليك الميدان خصوصا كنآمن بمبدأ أن المدرب الحقيقي خاصو يعرف يتأقلم هو مع الوضع كيف ما كان قبل ما يطلب من اللاعبين يتأقلمو 🤷🏻‍♂️

لأن كل فئة عندها شخصيتها، وكل مجموعة عندها طريقة تفكيرها، وكل لاعب عندو مفتاح خاص به وملي كتقدر تفهم المجموعة بسرعة، تندمج معها، وتخلق الثقة…
حتى فمدة قصيرة، تقدر تترك بصمة يتذكرها اللاعبون و المحيط و
ماشي ضروري تكون مع الفريق من البداية باش تضيف شيئاً…
ولكن ضروري تحترم العمل اللي سبقك، تفهم الواقع اللي لقيتي، ومن بعد تضيف لمستك و دخلتي إلى تحدٍ جديد
المهم دائماً: التطور، التأقلم، وترك الأثر هو الشعار الخالد ديالي مع كرة القدم تجمعنا ⚽️❤

Soon….⚽️

الوالدة ولات كتلقاني ناعس بحال هاكا 🤦🏻‍♂️🤦🏻‍♂️

هاد الأيام تقوليا السلام عليكم

نقوليك يالله كاين ماتش 😂😂😂😂😂😂

ثلاثة أشهر….🔥
ولكن وراء هاد الثلاثة أشهر كاين واحد القرار: نبدلو العادات قبل ما نبدلو الشكل
نهار بدينا مع سي عدنان، كان الوزن ديالو 92 كيلوغرام.
والهدف ما كانش غير نشوفو رقم ناقص فالميزان…
الهدف كان أكبر: جسم أكثر توازناً، حركة أفضل، لياقة أحسن، وثقة أكبر وهي أهم نقطة بالنسبة ليا 🤷🏻‍♂️

البداية : كان مرحلة التأسيس، مرحلة بناء الأساس خطوة بخطوة

ما استعجلناش النتائج بدينا بالحركة الصحيحة، بالمشي والجري بالتدريج، وبتمارين التحكم والتوازن و كل حصة كانت تحدي جديد حيت قبل ما نطلبو من الجسم يعطي الأداء خاصنا نعلموه الأول كيفاش يتحرك، كيفاش يصبر، وكيفاش يتطور

المرحلة الثانية : تحسنت النفسية الحركة ولات أكثر سلاسة والتحكم فالجسم تحسن بشكل كبير و أهم شيء أن سي عدنان بدا كيفهم أن كل خطوة صغيرة اليوم، كتقربو من نسخة أقوى غداً وهنا بان التغيير الحقيقي الحركة اللي كانت صعيبة… ولات طبيعية 😍

المرحلة الثالثة: وصلنا لمرحلة جديدة تماماً.ما بقيناش كنقيسو التقدم بالميزان بوحدو ولّينا كنشوفوه فطريقة الجري، فالتوازن، فجودة الحركة، فالتحكم فالجسم، وفالقدرة على الاستمرار.
و فهمنا ان النتيجة ماشي غير فعدد الكيلوغرامات اللي نقصات النتيجة هي أن سي عدنان ولى أقوى، أنشط، وأكثر ثقة.

ولكن أهم إنجاز تحقق خلال هاد الثلاثة أشهر هو:

الانضباط ✅

ثلاثة أشهر من الالتزام، من الحضور، من المحاولة، ومن عدم الاستسلام.حيت النتيجة اللي كتدوم ما كتجيش من حصة وحدة كتجي من قرار كيتعاود كل نهار.من عادة كتترسخ.ومن طفل كيتعلم أن النجاح ماشي هو تكون الأفضل من البداية…النجاح هو تبقى مستمر حتى تولي أفضل من البارح.

لهذا، قصة سي عدنان ماشي غير قصة ديال نقصان الوزن…لا لا لا

هي قصة طفل قرر يتغير قصة طفل تعلم أن الرياضة ماشي عقاب.وأن الحركة ماشي إجبار.وأن التعب ماشي علامة على الفشل…بل دليل أنك كتتقدم.
وأن الانضباط ماشي مرحلة مؤقتة…

الانضباط أسلوب حياة.

👏 برافو سي عدنان…❤️

ثلاثة أشهر من العمل، من التحدي، ومن التطور.

ولكن هادي غير البداية…

والأفضل مازال جاي مع Coach Darouich / محمد درويش ⚽️

حين تسقط المهن… تبقى الإنسانية ⚽️

في الحياة، كل واحد منا يحمل لقباً مهنياً يعرّفه أمام الناس:
هذا طبيب، وهذا تاجر، وهذا حلاق، وهذا خياط، وهذا مدرب، وهذا لاعب و هذا قهوجي و هذا سائق سيارة اجرة و الآخر تلميذ
نقضي سنوات ونحن نبني أسماءنا ومكانتنا داخل المجتمع، وكل واحد منا يؤدي دوره بطريقته.
لكن عندما ندخل إلى الملعب… تسقط كل هذه المسميات.لا يعود الطبيب طبيباً، ولا التاجر تاجراً، ولا الحلاق حلاقاً و لا المدرب مدرباً…
نصبح جميعاً لاعبين، نركض خلف نفس الكرة، نفرح بنفس الهدف، ونحزن لنفس الهزيمة
المهن قد تفرق أدوارنا في الحياة…
لكن الرياضة و كرة القدم تجمعنا كإنسان.

كرة القدم تجمعنا ⚽️❤️