Wydad.NEWS

نتوما شنو مناوينش تخدمو على ريوسكم وترجعو كيف كنتو ولا ولفتو نعاس والفلوس داخلا .

خويا سرغات غير تتدخل الفريق لخصم تيولي لاعب بي 12 والوداد بي 10 فأي لحظة تعطيهم كورا حدا لكول وغير تتضور تالف فتيران .

ونتا اسي سماعيل مالك ياكما تانا من صحاب سامدي صوار كل نهار شفتك مبقاش بان ليك الحس منويش تخدم على راسك ولا شنو.

ونتا اسيهم زهير من فينال ضد الأهلي مابنتي ياك لباس .

لوقيتا لي حتاجيناكم خويتو بينا 💔

هادو الحد ساعة معرفتش دور نتاعهم شنو واش الوداد ولات دار العجزا ولا شنو شي حد يفهمني 🤔 .

باغي تخدم وتقاتل على بلاصتك فلفرقا مرحبا مابغيتش تقاتل وباغي تلعب ساهلا وضمن طريف لخبز حلال سيرو را برشيد خصها لعابا على الله تلقاو فيها بلاصتكم اما الوداد بزاااف عليكم .

بالله عليك دابا هادو تقول عليهم مهاجم صريح .
تشركهم بجوج يلاه يعطيوك رجل مبينزا ليسرا .

شرقي كون كان فيه الخير والله بركان لا طلقاتو ليك .

وسي سامبو طفا بحالا عمرو لعب كورا ولا عرفها باش منفوخا .

با سعيد تنظن بحالا جا لوقت لي تبشي ضرب شي دويرا فشي قنت اخر لوداد دارت ليك سميا ونتا بشنو جازيتيها .
كيف كل عام فالإنتدابات 20 كروصا لي تتجيب لوداد بمبدأ على الله يصدق شي واحد وفلخر حتى داك لواحد مايكملش معاك حتى الموسم ويموت ليه لحوت .
عينا اخويا من هاد تخلويض وتسمسير ديالك باغي تخدم مرحبا مباغيش حط دوك سوارت عطا الله لي يخدم هاد الفريق وباش دير فبالك واحد لحاجة عمر الوداد موقفات على شي لاعب الوداد هزا راسها براسها وبناس لي تيبغيو هاد الفريق .

جا لوقت لي نعطيو لكل ذي حق حقه ونحطو نقط على الحروف .

صحاب خلي ناس تخدم 🙄
لاباس عليكم دابا 😒
3 هزائم على توالي سوبر والعصبة ودابا البطولة .