SC - الاتحاد الليبي

نسأل الله ان تكون بداية التغيير والاصلاح لزعيم وعميد الرياضة الليبية .

الواضح أخر ولد نادي نعترفوا بيه بعد زعبية هوا طلال.

وغيره من الموجودين ماعندنا حد.....

لو فكرت حتى التفكير توقع مع الي..هود مهما كانت أعذارك واوهامك مع كامل عدم الاحترام لو في حد ارخص من ادارة الاتحاد السنين الاخيرة فهو انت .

باش مايجي حد يتفلسف عليا فالتعليقات ويطلعني عندي مشكلة معاه ، الصفحة هذه كانت اول صفحة تنزل في اخبار المصراتي طول مسيرته .

وقت الي جمهور الدوري الليبي كله وبالأخص الاهل يسبولك في جدورك ويبوك تقعمز بنكينة لبدر حسن وخلوك حتى المنتخب معاش تقدر تجيه جمهور الاتحاد الوحيد الي كان يدافع عليك يا "محترف" .

كلهم مايحبوناش ؟ كلهم مايبوناش ؟

علاش اللوص والملاعبية من عندنا تطلع بكل راحة وتمشي للاهل لا إدارة تشدهم ولا هما يفكروا جملة "شن توكلوا فيهم" شكله معاش توكل.!

محمد خليل، المصراتي، الحبشي، المنير، مع إنه الأخير صرصري لكن كان يبي يجيك وعطاك عقده وشن فيه من فجوات قانونية.

علاش لانجحنا في صفقات داخلية لاخارجية من يوم طلع عبودة ؟ علاش ماقدرناش نردوا ملاعبي طلع منا ولا ملاعبي منهم ؟ جمهورنا معاش يشوفله حد ولا الإدارة ضدنا ولا مافيش فلوس ولا كيف.؟

امتى معسكر الفريق يبدأ ؟ من القائمة الي عندك ؟ من شريت ؟ ومن بعت من المحترفين ماغير روجير ؟

نردوا التيحا يقيمه جمهوره ولا عجبكم سبان الجمهور ليكم ؟

نشهد بالله النادي ماشي لمكان مايعلم بيه إلا ربي ومافيه حاجة ولا يخططوا لحاجة ولايجهزوا لحاجة.

إي علي فكرة النادي كان بيتعاقد مع منير الحدادي الموسم الي فات شوفولنا السمسار خلص في الصفقة الي ماجابهاش ولا شقة اسبانيا رد حقها.

النادي مش ملكم والوقت الي يفوت يفوت.

بإختصار ومن غير كثرة كلام .

- المشاي يشوف في نادي الاهل وشعبية جمهورهم مستقبله في الدولة وضمان لوجوده بعيد الامد في السياسة الليبية وحيدير كل شي باش يكسبهم .

- إبراهيم الدبيبة يبي يسجل اسمه في تاريخ مصراتة ويكون اول من يجيب المجد والبطولات لنادي مدينته وبدى يكون الاكبر شعبية في مصراتة .

- الموجودين في نادينا عندهم كل شي ومش ناقصتهم حاجة ، النادي يشوفوا فيه موضوع يكسدوا عليه مرة مرة ومنشورين على الفيس يطلعوا بيهم ترند وخلاص مش فارق معاهم وماعندهمش اي حافز لتحقيق البطولات ماتراجوش منهم اي تضحيات .

الجمهور لو ماتحركش لمصلحة ناديه الفترة هذه الجاي احرف من الي فات ومش حتقيموا اي بطولة في فترة الحكومة هذه .

حتى بوست اوغبيلو نحذف من الصفحة الرسمية.!!

تي ياولاد **** فهمونا شن صاير هذا نادي الاتحاد راه هذا نادي الاتحاد.

استفزاز وتسهويك ع الجمهور لدرجة بعيدة هلبا......

2022
ترقد وتنوض تلقى صفقة قوية جديدة وفلوسها بالدعوة

2026
ترقد وتنوض تلقى الإدارة بايعة لاعب منك نجم، ونجم ليك في اوروبا ويبي يرجع شبه تموا فيه نادي ثاني.

تحب تفهم ادوخ.

المصراتي اوغبيلو بن علي وعزيز كي، أعتقد وسط بعد هكي مافيش.

الراجل كل صيف يجي لي ليبيا ويجي في ذكرى التأسيس ويبيك وشاريك ولما جي الجديات لتوا الإدارة ماقدمتش ولا عرض ليه.

عرض من السحلية وعرض من الشقاقات وانت وين ؟ مش نفس الخزينة ؟ مافيش حد يتفاوض ولا شن القصة؟

الولد تذكرة 3:30 وتكون جنبه مش حتى بعيد موجود في تركيا.

قصدي علاش كل صفقاتنا بالنقان مافيش حاجة تجي طول ولا مافيش إدارة تخدم ولا مافيش هيا أصلاً ؟ هذا مفروض تام فيه أول واحد ونواقصك تامهم من الموسم الماضي مش لتوا.

روبيرو لو مكمل معانا لورش شن صاير فيه بيقعد ؟ لأنه بيقعد بنكينته السنوسي ويمين الزرهوني والطبال.

الفريق هذاك هوا كان بيرجع للتمارين وبالله فوتوه جو اطلع معسكر برا والفريق مش كامل بعدين يجي يبدأ الدوري يبدأ يجرب ونفس قصة كل عام.

ادارة الترجي الفترة الي فاتت كلها وهي تسرب في الوهم للاعلام التونسي حول صفقة اوغبيلو ، مليون دولار رشوة وهرب مايبيش يوقع كلها اكاذيب مايصدقهاش إلا المهبول انفضحت اليوم بإعلان الصفقة .

هذا كله باش يغطوا على انهم ادارة وسخة في المفاوضات ورفضت تبديل ريبيرو بتوقاي لانهم طمعوا في 2 مليون دولار من ادارة الاهل ويبو يجيبوا ريبيرو من غير مايخسروا اي لاعب مهم عندهم ويتلاعبوا في المفاوضات مع وكيل ديارا متفقين معاه على الرفض باش يجبروك تختار لاعب غيره .

هذا غير كونهم تفاوضوا مباشرة مع لاعب عنده عقد رسمي مع ناديه ومتبقي فيه اكثر من 6 اشهر الي تعتبر مخالفة فاضحة في قوانين الفيفا وتدل على كونها ادارة خبيثة وبعيدة كل البعد عن الاحترافية .

ان شاء الله يكون اوغبيلو هو بداية الصحوة للادارة ويسكروا موضوع ريبيرو مع الترجي ولو اللاعب مستمر في رفضه لليبيا تقدر تتفاوض بيه مع اي نادي ثاني في افريقيا يملك ادارة محترمة .

أوغبيلو رسمياً في الاتحاد، وماعنداش دخل في صفقة روبيرو.

الزناطرة بالله شوفوا فريقكم روبيرو واغبيلو عندي.

ونستنوا شن فيه من صفقات ثانية وإن شاء الله ماتكونش الوحيدة والمسكنة بس.