Ministry of Youth and Sports

"තරුණයන් සිරකරුවන් කරනවා වෙනුවට විනයගරුක ක්‍රීඩකයන් කරනවා" - ලංකාවේ ප්‍රථම උණුසුම් වතුර සහිත මහජන පිහිනුම් තටාකයට බණ්ඩාරවෙලදී මුල්ගල් තැබේ!

"තරුණයන් සිරකරුවන් කරනවා වෙනුවට විනයගරුක ක්‍රීඩකයන් කරනවා" - ලංකාවේ ප්‍රථම උණුසුම් වතුර සහිත මහජන පිහිනුම් තටාකයට බණ්ඩාරවෙලදී මුල්ගල් තැබේ!

"පොහොසත් රටක් - ලස්සන ජීවිතයක්" ප්‍රතිපත්ති ප්‍රකාශනයට අනුව ග්‍රාමීය මට්ටමේ දක්ෂ ක්‍රීඩක ක්‍රීඩිකාවන්ට ජාතික සහ ජාත්‍යන්තර ජයග්‍රහණ කරා යාම සඳහා දොරගුළු විවර කරමින්, ශ්‍රී ලංකාවේ ප්‍රථම උණුසුම් ජලය සහිත මහජන පිහිනුම් තටාකය සඳහා මුල්ගල් තැබීම අද (07) දින බණ්ඩාරවෙල ඌව පළාත් ක්‍රීඩා සංකීර්ණ පරිශ්‍රයේදී සිදු කෙරිණි.ක්‍රීඩා සංවර්ධන දෙපාර්තමේන්තුවේ සෘජු අධීක්ෂණය යටතේ ක්‍රියාත්මක වන මෙම ව්‍යාපෘතිය සඳහා රුපියල් 144,191,250.00 ක ප්‍රතිපාදන වෙන් කර ඇත.

මෙම නිල සමාරම්භක අවස්ථාවට ප්‍රධාන අමුත්තා ලෙස සහභාගී වූ තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතා අදහස් දක්වමින් කියා සිටියේ, "අපේ රටේ තරුණයන් සිරකරුවන් කරනවා වෙනුවට, ඔවුන් රටට වැඩදායී විනයගරුක ක්‍රීඩකයන් බවට පත්කිරීමේ තවත් එක් සුවිශේෂී ව්‍යාපෘතියක් ලෙස මෙය හඳුන්වා දිය හැකියි" යනුවෙනි. සැමදා කොන්වන ග්‍රාමීය ක්‍රීඩකයාට නවීන පහසුකම් ලබාදීම රජයේ මූලික ඉලක්කයක් බව ද අමාත්‍යවරයා අවධාරණය කළේය.

මෙම සුවිශේෂී අවස්ථාව සඳහා තරුණ කටයුතු සහ ක්‍රීඩා නියෝජ්‍ය අමාත්‍ය සුගත් තිලකරත්න,තරුණ කටයුතු නියෝජ්‍ය අමාත්‍ය දිනිඳු සමන් හේන්නායක ,ඌව පළාත් ආණ්ඩුකාර නීතිඥ කපිල ජයසේකර, වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න, සංචාරක නියෝජ්‍ය අමාත්‍ය රුවන් රණසිංහ යන මහත්වරුන් ඇතුළු මැති ඇමතිවරුන් සහ රාජ්‍ය නිලධාරීන් විශාල පිරිසක් සහභාගී වූහ.

"සිහිනයට පියාපත් 2026" සඳහා නිර්මාණ භාර ගැනීමේ අවසන් දිනය ජූලි 31

නවක තරුණ ලේඛකයන්ගේ ප්‍රථම සාහිත්‍ය නිර්මාණ මුද්‍රණයට අමාත්‍යාංශයෙන් පූර්ණ අනුග්‍රහය

ශ්‍රී ලාංකේය තරුණ පරපුරේ නිර්මාණශීලී සාහිත්‍යමය කුසලතා දිරිමත් කරමින්, ඔවුන්ගේ කුලුදුල් ස්වතන්ත්‍ර නිර්මාණය මුද්‍රණද්වාරයෙන් එළි දැක්වීම සඳහා පවතින මූල්‍යමය බාධක ඉවත් කිරීම අරමුණු කරගනිමින් තරුණ කටයුතු හා ක්‍රීඩා අමාත්‍යාංශය මඟින් " සිහිනයට පියාපත් - 2026 " ජාතික වැඩසටහන ක්‍රියාත්මක කරනු ලබයි.

භාෂා ද්විත්වයෙන්ම සම අවස්ථා

මෙම වැඩසටහනේ විශේෂත්වය වනුයේ සිංහල සහ දෙමළ භාෂා මාධ්‍යයන්ගෙන් වෙන් වෙන් වශයෙන් එක් එක් අංශය යටතේ විශිෂ්ටතම කෘති 05 බැගින් (මුළු කෘති 30ක්) තෝරාගෙන, ඒවා අමාත්‍යාංශයේ මූල්‍ය ප්‍රතිපාදන මගින් මුද්‍රණය කර ප්‍රකාශයට පත් කිරීම යි.

වෘත්තීය මට්ටමේ විනිශ්චය මණ්ඩලයක් මඟින් තෝරාගනු ලබන හොඳම කෘති සඳහා පහත පරිදි අනුග්‍රහය හිමි වේ.

නවකතා (සිංහල 05 / දෙමළ 05): තෝරාගන්නා එක් කෘතියකින් පිටපත් 500 බැගින් මුද්‍රණය කෙරේ.

කෙටිකතා සංග්‍රහ (සිංහල 05 / දෙමළ 05): තෝරාගන්නා එක් කෘතියකින් පිටපත් 250 බැගින් මුද්‍රණය කෙරේ.

කාව්‍ය සංග්‍රහ (සිංහල 05 / දෙමළ 05): තෝරාගන්නා එක් කෘතියකින් පිටපත් 250 බැගින් මුද්‍රණය කෙරේ.

මූලික සුදුසුකම් සහ නීති රිති :

1. වයස් සීමාව: අයදුම්පත් භාරගන්නා අවසන් දිනට වයස අවුරුදු 15 - 35 අතර ශ්‍රී ලාංකික තරුණයන් විය යුතුය.

2. ආධුනිකත්වය: මීට පෙර කිසිදු සාහිත්‍ය කෘතියක් / පොතක් ප්‍රකාශයට පත් නොකළ නවක ලේඛකයින් විය යුතුය.

3. ස්වතන්ත්‍ර භාවය: නිර්මාණ තමන්ගේම ස්වතන්ත්‍ර නිර්මාණ විය යුතු අතර, පරිවර්තන, පිටපත් කිරීම් හෝ පරිගණක (AI) මඟින් උත්පාදනය කරන ලද නිර්මාණ නොවිය යුතුය.

4. පිටු සීමාවන් (A5 ප්‍රමාණයෙන්):

a. නවකතා: පිටු 120 - 300

b. කෙටිකතා සංග්‍රහ : පිටු 80 - 200

c. පද්‍ය සංග්‍රහ : පිටු 50 - 120
කෘති ප්‍රකාශනයට පත් කළ දින සිට වසර 03ක කාලයක් අමාත්‍යාංශය සහ ලේඛකයා අතර සම කතෘ අයිතිය පවතින අතර, වසර 03 කට පසු එහි සම්පූර්ණ අයිතිය සහ පෞද්ගලිකව නැවත මුද්‍රණය කිරීමේ අයිතිය ලේඛකයාට හිමි වේ.

අයදුම්පත් ඉදිරිපත් කිරීම:

නියමිත අයදුම්පත අමාත්‍යාංශ නිල වෙබ් අඩවියෙන් හෝ අදාළ සබැඳියට පිවිසීම මඟින් බාගත කරගත හැක.

සම්පූර්ණ කරන ලද අයදුම්පත සමඟ නිර්මාණයේ දෘඩ පිටපත් (Hard Copies) 03ක් (අත් අකුරින් ලියන ලද හෝ පරිගණක අකුරු සැකසුමෙන් යුත් ) 2026 ජූලි මස 31 වැනි දිනට හෝ ඊට පෙර පහත ලිපිනයට තැපැල් මඟින් හෝ ගෙනැවිත් භාර දිය යුතුය.

ලිපිනය:

තරුණ කටයුතු හා ක්‍රීඩා අමාත්‍යාංශය (තරුණ කටයුතු අංශය),

නො. 09, පිලිප් ගුණවර්ධන මාවත,

කොළඹ 07.

වැඩිදුර මාධ්‍ය වීමසීම් සඳහා:

දුරකථන අංක: 011 268 8108 (රාජකාරි වේලාවන්හිදී)

විද්‍යුත් තැපෑල: [email protected]

වෙබ් අඩවිය: www.moys.gov.lk

වැඩිදුර තොරතුරු සහ අයදුම්පත්‍රය ලබාගැනීමට
https://drive.google.com/drive/folders/1bkHi6LdpaZSUT-PsTuX1-MgFzO9JxffN?usp=sharing



#සිහිනයටපියාපත්

ක්‍රීඩා අමාත්‍යවරයාගේ ඉල්ලීමෙන් හෙල්ල විසි කිරීමේ ශූර රුමේෂ් තරංගට ඇක්සස් සමාගමේ පූර්ණ අනුග්‍රහය.නිල අවබෝධතා ගිවිසුම ක්‍රීඩා අමාත්‍යාංශයේදී අත්සන් කෙරේ.

තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ මහතා කළ විශේෂ ඉල්ලීමකට අනුව, ශ්‍රී ලංකාවේ ප්‍රමුඛතම හෙල්ල විසි කිරීමේ ක්‍රීඩක රුමේෂ් තරංග (Rumesh Tharanga) සහ ඔහුගේ පුහුණුකරු ටෝනි ප්‍රසන්න මහතාගේ (Tony Prasanna) 2028 ඔලිම්පික් උළෙල දක්වා වූ සියලුම ක්‍රීඩා හා සුභසාධන වගකීම් භාර ගැනීමට Access Solar Pvt Ltd සහ Access Real Estate/Residencies සමාගම් එකඟතාව පළ කර ඇත. මේ යටතේ රුමේෂ් තරංග එම සමාගම්වල නිල සන්නාම තානාපතිවරයෙකු (Brand Ambassador) ලෙස කටයුතු කිරීමට නියමිත අතර, ඊට අදාළ නිල අවබෝධතා ගිවිසුම (MoU) අද දින තරුණ කටයුතු සහ ක්‍රීඩා අමාත්‍යාංශ පරිශ්‍රයේදී අත්සන් තබන ලදී.

මෙම ගිවිසුම හරහා 2028 ඔලිම්පික් ඉලක්කය වෙනුවෙන් ක්‍රීඩකයාට සහ පුහුණුකරුට අවශ්‍ය ජාත්‍යන්තර මට්ටමේ පුහුණුවීම්, පෝෂණ සහ අනෙකුත් සියලුම මූල්‍ය පහසුකම් අඛණ්ඩව සැපයීමට ඇක්සස් සමාගම කටයුතු කරනු ඇත.

මෙම සුවිශේෂී අවස්ථාව සඳහා තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ, ජාතික ක්‍රීඩා සභාවේ සභාපති ප්‍රියන්ත ඒකනායක, ශ්‍රී ලංකා ජාතික ඔලිම්පික් කමිටුවේ (NOC) සභාපති අසංග චන්දන සෙනෙවිරත්න යන මහත්වරුන් සමඟින් ක්‍රීඩක රුමේෂ් තරංග සහ පුහුණුකරු ටෝනි ප්‍රසන්න මහතා ද සහභාගී විය. ඇක්සස් සමාගම නියෝජනය කරමින් Access Solar (Pvt) Ltd සහ Access Real Estate (Pvt) Ltd හි කළමණාකාර අධ්‍යක්ෂ තියෝ ප්‍රනාන්දු (Theo Fernando), Access Solar හි අධ්‍යක්ෂ ඉරංග කුරේ (Iranga Cooray) සහ Access Real Estate හි ප්‍රධාන මෙහෙයුම් නිලධාරී මංගල පෙරේරා (Mangala Perera) යන මහත්වරුන් ඇතුළු පිරිසක් ද එක්ව සිටියහ.

விளையாட்டுத்துறை அமைச்சரின் வேண்டுகோளுக்கு இணங்க ஈட்டி எறிதல் சாம்பியன் ருமேஷ் தரங்கவிற்கு அக்சஸ் நிறுவனத்தின் முழு அனுசரணை; புரிந்துணர்வு ஒப்பந்தம் அமைச்சில் கையெழுத்தானது

கொழும்பு, ஜூலை 06: இளைஞர் விவகாரங்கள் மற்றும் விளையாட்டுத்துறை அமைச்சர் சுனில் குமார கமகே விடுத்த விசேட வேண்டுகோளுக்கிணங்க, இலங்கையின் முன்னணி ஈட்டி எறிதல் வீரர் ருமேஷ் தரங்க (Rumesh Tharanga) மற்றும் அவரது பயிற்சியாளர் திரு. டோனி பிரசன்ன (Tony Prasanna) ஆகியோரின் 2028 ஒலம்பிக் போட்டிகள் வரையான அனைத்து விளையாட்டு மற்றும் நலன்புரிப் பொறுப்புகளையும் ஏற்பதற்கு Access Solar Pvt Ltd மற்றும் Access Real Estate/Residencies நிறுவனங்கள் சம்மதம் தெரிவித்துள்ளன. இதற்கமைய, ருமேஷ் தரங்க இந்நிறுவனங்களின் உத்தியோகபூர்வ பிராண்ட் தூதராக (Brand Ambassador) செயற்படவுள்ளதோடு, இதற்கான உத்தியோகபூர்வ புரிந்துணர்வு ஒப்பந்தம் (MoU) இன்று இளைஞர் விவகாரங்கள் மற்றும் விளையாட்டுத்துறை அமைச்சு வளாகத்தில் கையெழுத்திடப்பட்டது.

இந்த உடன்படிக்கையின் மூலம், 2028 ஒலம்பிக் இலக்கை நோக்கிய பயணத்திற்காக வீரருக்கும் பயிற்சியாளருக்கும் தேவையான சர்வதேச அளவிலான பயிற்சிகள், ஊட்டச்சத்து மற்றும் ஏனைய அனைத்து நிதி வசதிகளையும் அக்சஸ் நிறுவனம் தொடர்ந்து தடையின்றி வழங்கவுள்ளது.

இந்நிகழ்வில் இளைஞர் விவகாரங்கள் மற்றும் விளையாட்டுத்துறை அமைச்சர் சுனில் குமார கமகே, தேசிய விளையாட்டு சபையின் தலைவர் பிரியந்த ஏகநாயக்க, இலங்கை தேசிய ஒலம்பிக் குழுவின் (NOC) தலைவர் அசங்க சந்தன செனவிரத்ன ஆகியோருடன் நட்சத்திர வீரர் ருமேஷ் தரங்க மற்றும் பயிற்சியாளர் டோனி பிரசன்ன ஆகியோர் கலந்துகொண்டனர். அக்சஸ் நிறுவனத்தின் சார்பில் Access Solar (Pvt) Ltd & Access Real Estate (Pvt) Ltd இன் முகாமைத்துவ பணிப்பாளர் தியோ பெர்னாண்டோ (Theo Fernando), Access Solar இன் பணிப்பாளர் இரங்க குரே (Iranga Cooray) மற்றும் Access Real Estate இன் தலைமை செயல்பாட்டு அதிகாரி மங்கள பெரேரா (Mangala Perera) ஆகியோரும் கலந்துகொண்டனர்.

Javelin Champion Rumesh Tharanga Receives Full Sponsorship from Access Group Upon Sports Minister's Request; Official MoU Signed at Sports Ministry.

Responding to a special request made by the Minister of Youth Affairs and Sports, Sunil Kumara Gamage, Access Solar Pvt Ltd and Access Real Estate/Residencies have officially agreed to completely sponsor Sri Lanka's premier javelin thrower, Rumesh Tharanga, and his coach, Mr. Tony Prasanna, in their journey leading up to the 2028 Olympic Games. Under this corporate partnership, Rumesh Tharanga is scheduled to serve as the official Brand Ambassador for the respective companies. The official Memorandum of Understanding (MoU) validated this long-term commitment today at the Ministry of Youth Affairs and Sports premises.

Through this landmark agreement, Access Group will continuously provide the financial support, nutrition, and international-level training requirements necessary for both the athlete and his coach to achieve their targets for the 2028 Olympics.

The special occasion was graced by the Minister of Youth Affairs and Sports Hon. Sunil Kumara Gamage, National Sports Council President Priyantha Ekanayake, and National Olympic Committee (NOC) President Asanga Chandana Seneviratne, alongside athlete Rumesh Tharanga and Coach Tony Prasanna. Representing the corporate sector, Mr. Theo Fernando (Managing Director of Access Solar (Pvt) Ltd & Access Real Estate (Pvt) Ltd), Mr. Iranga Cooray (Director, Access Solar (Pvt) Ltd), and Mr. Mangala Perera (Chief Operating Officer, Access Real Estate (Pvt) Ltd) also attended the event.

50 වන ජාතික මහා ක්‍රීඩා උළෙලේ පිරිමි තරඟ ඇවිදීමේ ශූරතාව ඌව පළාතේ ආර්.එම්.ඩී. රුක්මාල් සතු කරගනියි; කණ්ඩායම් ශූරතාව දකුණු පළාතට!

50 වන ජාතික මහා ක්‍රීඩා උළෙල - 2026 ට සමගාමීව අද (ජූලි 05) පෙරවරුවේ පැවැත්වුණු පිරිමි තරඟ ඇවිදීමේ (Race Walking) ඉසව්වෙන් ඉතා උණුසුම් තරඟකාරීත්වයකින් අනතුරුව ජාතික ශූරතාව දිනා ගැනීමට ඌව පළාතේ ආර්.එම්.ඩී. රුක්මාල් සමත් විය.

එමෙන්ම තරඟාවලිය පුරා දැක්වූ සමස්ත දක්ෂතා මත පිරිමි කණ්ඩායම් ශූරතාව (Team Championship) දිනා ගැනීමට දකුණු පළාත් කණ්ඩායම සමත් විය.

තරුණ කටයුතු සහ ක්‍රීඩා අමාත්‍යාංශය ඉදිරිපිටින් ආරම්භ වූ මෙම තරඟයේ ජයග්‍රාහකයින්:

ප්‍රථම ස්ථානය: ආර්.එම්.ඩී. රුක්මාල් (අංක 171) - ඌව පළාත (කාලය - පැය 1:35:02)
දෙවන ස්ථානය: ඩී.ජී. ඉමන්ත සහන් (අංක 161) - දකුණු පළාත (කාලය - පැය 1:36:14)
තෙවන ස්ථානය: එච්.එම්.එස්.ආර්. හේරත් (අංක 127) - උතුරු මැද පළාත (කාලය - පැය 1:38:01)

පිරිමි කණ්ඩායම් ශූරතාව: දකුණු පළාත (Southern Province)

ජාතික තලයේ දක්ෂතා දක්වමින් ජයග්‍රහණ අත්කරගත් සියලුම දක්ෂ ක්‍රීඩකයින්ට අපගේ හෘදයාංගම ශුභාශිංසන!

50 ஆவது தேசிய மகா விளையாட்டு விழா: ஊவா மாகாணத்தின் ஆர்.எம்.டி. ருக்மால் ஆண்கள் நடைப்போட்டியில் சாம்பியன்; தெற்கு மாகாணம் குழு சாம்பியன்ஷிப்பை வென்றது!

50 ஆவது தேசிய மகா விளையாட்டு விழா - 2026 இற்கு இணையாக இன்று (ஜூலை 05) காலை நடைபெற்ற ஆண்களுக்கான விறுவிறுப்பான நடைப்போட்டியில் (Race Walking) ஊவா மாகாணத்தைப் பிரதிநிதித்துவப்படுத்திய ஆர்.எம்.டி. ருக்மால் தேசிய சாம்பியன் பட்டத்தை வென்று சாதனை படைத்துள்ளார்.

மேலும், வீரர்களின் ஒட்டுமொத்த புள்ளிகளின் அடிப்படையில், ஆண்களுக்கான பிரிவின் குழு சாம்பியன்ஷிப் (Team Championship) பட்டத்தை தெற்கு மாகாண அணி தமதாக்கிக் கொண்டது.

இளைஞர் விவகாரங்கள் மற்றும் விளையாட்டுத்துறை அமைச்சின் முன்பாக ஆரம்பமான இப்போட்டியின் வெற்றியாளர்கள்:

முதலாம் இடம்: ஆர்.எம்.டி. ருக்மால் (இலக்கம் 171) - ஊவா மாகாணம் (காலம் - 1:35:02)
இரண்டாம் இடம்: டி.ஜி. இமந்த சஹான் (இலக்கம் 161) - தெற்கு மாகாணம் (காலம் - 1:36:14)
மூன்றாம் இடம்: எச்.எம்.எஸ்.ஆர். ஹேரத் (இலக்கம் 127) - வடமத்திய மாகாணம் (காலம் - 1:38:01)

ஆண்கள் குழு சாம்பியன்ஷிப்: தெற்கு மாகாணம் (Southern Province)

தேசிய அரங்கில் தங்களது திறமைகளை வெளிப்படுத்தி வெற்றி வாகை சூடிய அனைத்து வீரர்களுக்கும் எங்களது மனமார்ந்த வாழ்த்துகள்!

Uva Province's R.M.D. Rukmal Clinches Men’s Race Walking Title at the 50th National Sports Festival; Southern Province Wins Team Championship!

Following a high-intensity competition held this morning (July 05) concurrently with the 50th National Sports Festival - 2026, R.M.D. Rukmal of the Uva Province powered his way to capture the Men's Race Walking National Title!

Meanwhile, displaying remarkable consistency, the Southern Province team successfully marched away with the Men's Team Championship title.

The winners of the race, which flagged off in front of the Ministry of Youth Affairs and Sports:

1st Place: R.M.D. Rukmal (Bib No. 171) - Uva Province (Timing - 1:35:02)
2nd Place: D.G. Imantha Sahan (Bib No. 161) - Southern Province (Timing - 1:36:14)
3rd Place: H.M.S.R. Herath (Bib No. 127) - North Central Province (Timing - 1:38:01)

Men's Team Championship: Southern Province

Our warmest congratulations to all the phenomenal athletes on their incredible podium finishes on the national stage!