Sports Media

கல்முனை Sunny Mount SC தனது 46வது ஆண்டு நிறைவை முன்னிட்டு நடத்திய Saham Travels Champions Trophy – 2025 கால்பந்து தொடரின் இறுதிப்போட்டியில், YSSC அணி அபார ஆட்டத்தை வெளிப்படுத்தி முனைக்காடு Ramakrishna SC அணியை 7–1 என்ற கோல் கணக்கில் வீழ்த்தி சாம்பியன் பட்டத்தை கைப்பற்றியது.

15 பந்துகளில் அரைச்சதம் கடந்த அக்ரம் சாஜித் – RATTOTA YOUTH அணிக்காக அதிரடி!

கொழும்பில் நடைபெற்று வரும் VENUS BOLOGNA CRICKET CARNIVAL 2026 மென்பந்து கிரிக்கெட் தொடரில் அம்பாறை RATTOTA YOUTH அணிக்காக களமிறங்கிய அக்ரம் சாஜித், லீக் போட்டியில் அபாரமான துடுப்பாட்டத்தை வெளிப்படுத்தி அனைவரின் கவனத்தையும் ஈர்த்துள்ளார்.

அதிரடியாக விளையாடிய அவர், வெறும் 15 பந்துகளில் அரைச்சதம் பூர்த்தி செய்து, இறுதியில் 57 ஓட்டங்கள் குவித்து அணியின் வெற்றிக்கு முக்கிய பங்களிப்பை வழங்கினார்.

அவரது இந்த இன்னிங்ஸ் ரசிகர்களின் பாராட்டைப் பெற்றதுடன், தொடரில் சிறந்த துடுப்பாட்டங்களில் ஒன்றாகவும் அமைந்துள்ளது.

தோற்றது மொராக்கோ மட்டுமல்ல, கோடிக்கணக்கான ரசிகர்களின் கனவு! கண்ணீருடன் விடைபெற்ற ஆப்பிரிக்காவின் ஒற்றை நம்பிக்கை.

2026 FIFA உலகக் கோப்பை காலிறுதிப் போட்டியில் பிரான்ஸ் அணியிடம் 2-0 என்ற கோல் கணக்கில் தோல்வியடைந்த மொராக்கோ அணி, இந்தத் தொடரிலிருந்து அதிகாரப்பூர்வமாக வெளியேறியுள்ளது.

கடந்த 2022 உலகக் கோப்பையில் அரையிறுதி வரை சென்று வரலாறு படைத்த Morocc இந்த முறையும் ஆப்பிரிக்க கண்டத்தின் ஒரே நம்பிக்கையாக களமிறங்கி காலிறுதி வரை முன்னேறியது.

ஆனால், பிரான்ஸ் அணியின் பலத்தLine-up மற்றும் சாதுரியமான ஆட்டத்திற்கு முன்னால் அவர்களால் வெற்றி பெற முடியவில்லை.

போட்டி முடிந்ததும் மொராக்கோ ரசிகர்கள் மற்றும் வீரர்கள் மைதானத்திலேயே கண்ணீருடன் சோகத்தில் மூழ்கினர். இருப்பினும், அட்லஸ் லயன்ஸ் அணியின் கேப்டன் அச்ரப் ஹக்கிமி மற்றும் பயிற்சியாளர் ஆகியோர் இளம் வீரர்களைக் கட்டிப்பிடித்து, தலைநிமிர்ந்து நிற்குமாறு ஆறுதல் கூறினர்.

மைதானத்தில் இருந்த மொராக்கோ ரசிகர்கள் தங்கள் அணிக்கு எழுந்து நின்று கைதட்டி, தங்களின் பெருமிதத்தையும் ஆதரவையும் வெளிப்படுத்திய காட்சி பார்ப்போரை நெகிழச் செய்தது.

இந்த வெற்றியின் மூலம் பிரான்ஸ் அணி தொடர்ந்து மூன்றாவது முறையாக உலகக் கோப்பை அரையிறுதிக்கு தகுதி பெற்று சாதனை படைத்துள்ளது.

நிந்தவூரில் இரவு நேர விளையாட்டுப் போட்டிகளுக்கு தற்காலிகத் தடை!

மாணவர்களின் கல்வி நலனை முன்னிறுத்தி, நிந்தவூர் பிரதேச சபை எல்லைக்குட்பட்ட அனைத்து விளையாட்டு மைதானங்களிலும் ஜூலை 12 முதல் மறு அறிவித்தல் வரை மின்னொளி (Floodlight) வசதியுடன் நடைபெறும் இரவு நேர விளையாட்டுப் போட்டிகளுக்கு தற்காலிகத் தடை விதிக்கப்பட்டுள்ளது.

எதிர்வரும் உயர்தரம், தரம் 5 புலமைப்பரிசில் உள்ளிட்ட பொதுப் பரீட்சைகளுக்குத் தயாராகும் மாணவர்கள் அமைதியான சூழலில் கல்வி கற்கும் வகையில், பெற்றோரின் வேண்டுகோளுக்கு அமைவாக இந்தத் தீர்மானம் எடுக்கப்பட்டுள்ளதாக தெரிவிக்கப்பட்டுள்ளது.

விளையாட்டை முடக்கும் நோக்கம் அல்ல; கல்விக்கும் விளையாட்டிற்கும் இடையிலான சமநிலையைப் பேணும் தற்காலிக நடவடிக்கையே இது என பிரதேச சபை வலியுறுத்தியுள்ளது.

சரித்திரம் படைத்த எம்பாப்பே! உலகக்கோப்பையில் 3 மாபெரும் சாதனைகள்!

2026 உலகக்கோப்பை காலிறுதிப் போட்டியில் மொராக்கோவை 2-0 என்ற கோல் கணக்கில் வீழ்த்திய பிரான்ஸ் அணி அரையிறுதிக்குள் அதிரடியாக முன்னேறியது. இந்த வெற்றியில் ஒரு கோல் அடித்த கிலியன் எம்பாப்பே, ஒரே போட்டியில் 3 வரலாற்று உலக சாதனைகளை முறியடித்து மீண்டும் கால்பந்து உலகை பிரமிக்க வைத்துள்ளார்.

எம்பாப்பே படைத்த சாதனைகள்:

உலகக்கோப்பை வரலாற்றில் நாக்-அவுட் சுற்றுகளில் அதிக கோல்கள் (12) அடித்த வீரர் என்ற புதிய சாதனை.
பெனால்டி இல்லாமல் உலகக்கோப்பையில் அதிக கோல்கள் (17) அடித்த வீரர்கள் பட்டியலில் லியோனல் மெஸ்ஸியுடன் சமநிலை.

உலகக்கோப்பையில் தனது 20-வது போட்டியை மிகக் குறைந்த வயதில் (27 வயது, 201 நாட்கள்) விளையாடிய வீரர் என்ற 44 ஆண்டுகால சாதனையை முறியடித்தார்.

இந்த உலகக்கோப்பில் இதுவரை 8 கோல்கள் அடித்து கோல் வேட்டையில் லியோனல் மெஸ்ஸியுடன் முதலிடத்தில் உள்ளார்.

உலகக்கோப்பை வரலாற்றில் மொத்தம் 20 கோல்கள் அடித்துள்ள எம்பாப்பே, 21 கோல்களுடன் உள்ள மெஸ்ஸியின் சாதனையை நெருங்கியுள்ளார்.
கால்பந்து உலகின் அடுத்த முடிசூடா மன்னனாக கிலியன் எம்பாப்பே உருவெடுத்து வருகிறார் என்பதை இந்த போட்டி மீண்டும் நிரூபித்துள்ளது!

இந்தியா மற்றும் இலங்கை 19 வயதுக்குட்பட்ட (U19) அணிகளுக்கு இடையே நடைபெற்ற பரபரப்பான ஒருநாள் கிரிக்கெட் தொடரின் இறுதிப் போட்டியில், இலங்கை இளம் அணி அசாத்தியமான ஆட்டத்தை வெளிப்படுத்தி இந்திய அணியை வீழ்த்தி சாம்பியன் பட்டத்தைக் கைப்பற்றியுள்ளது.

இந்திய இளையோர் அணிக்கு எதிராக திரில் வெற்றிபெற்று தொடரை 2-1 என கைப்பற்றியது இலங்கை!